mánadagur 29. august 2011síða 50

vika 35 l 29. august 2011 18 vodafone Vilmund Jacobsen Gudny Langgaard, sum er uppvaksin í Leirvík, gjørdist stjóri í Vodafon hin 1. august í ár. Fyri ta tíð var hon sølu-og marknaðarstjóri í fyritøkuni í umleið hálvt annað ár. Stjórin í Vodafon, síðan fyritøkan varð stovnað fyri stívliga 10 árum síðan, Bjarni A. Bjarnasson, hevði sett sær fyri, at tá hann hevði verið í fyri­tøkuni í 10 ár, fór hann at gevast. Bjarni hevði tá givið fyritøkuni tað, sum hann hevði megnað og helt, at nú var tíðin komin at lata onkran annan taka yvir. Dirvi og áræði Nýggi stjórin í Vodafon er væl út­ búgvin. Hon hevur drúgvar royndir úr vinnuni sum marknaðarfólk, og hon hevur soleiðis eitt gott yvirlit yvir marknaðar­støðuna. Gudny hevur áræði og dirvi, og hon er kvinnan, ið torir at taka avgerðir. Sjálv heldur hon, at ein góður egin­ leiki sum stjóri í eini tænastu­fyri­tøku sum Vodafon er at hava góð sam­ bond og eitt gott forstáilsi fyri við­ skiftafólki. – Ein fyritreyt fyri, um okkara ar­ beiði skal eydnast, er, at eg sum stjóri havi góð fólk aftrat mær. Eg dugi ikki alt, og eg veit ikki alt, men eg havi góð, vælútbúgvin og dugnalig fólk, harav summi hava verið hjá felagnum síðan byrjan. Stjórin í Vodafon sigur, at felagið er sterkt og hevur lutfalsliga lítla skuld. Hon ásannar tó, at úrslitið seinastu tvey árini ikki hevur verið nøktandi. – Vodafon hevur eisini merkt krepp­una, samstundis sum kappingin á økinum hevur verið ógvuliga hørð. Miðal­nýtslan fyri hvørt viðskiftafólk er minkað, og hetta hevur sjálvandi havt sína ávirkan. Gudny Langgaard vísir á, at fast­ netið minkar við umleið 5% hvørt ár. – Her er ein náttúrlig frágongd, tí fólk hava ikki fastnet í sama mun sum áður. Vøksturin í breiðbandhaldum er eisini steðgaður, tí flestu hava breið­band. Hinvegin er framvegis ein náttúr­ligur vøkstur í ferðini, tí fólk tíma ikki lítla ferð á netinum. Fólk vilja streama uttan, at myndin steðgar, leggur hon aftrat. Neyðug tillaging Stjórin sigur, at nýtslan av fartelefon er eisini minkað, tí fólk í størri mun brúka smarttelefonir og aðrar sosialar miðlar at samskifta við. Flestu hava breiðband og eru soleiðis á netinum frammanundan. – Við smarttelefonum er bíligari at senda, og fólk spara nógv við at hava datapakkar, leggur hon aftrat. Gudny Langgaard vísir á, at Vodafon tillagar seg til nýggjar tíðir og til nýggja tørvin hjá viðskiftafólkunum. – Prísirnir á smarttelefonum skulu niður, og vit leggja okkum eftir at hava eitt stórt úrval av hesum telefonum. Eisini hava vit góðar datapakkar, og upplýsingar um hesar eru at finna á heimasíðu okkara www.vodafon.fo Tilsamans 29 fólk eru í starvi hjá felagnum, og aftrat hesum eru nakrir montørar og nøkur fólk sum arbeiða við freelance-uppgávum. Stórar íløgur – Hetta er ein vinna, sum krevur ekstremt stórar íløgur, og í løtuni er tað serliga íløgur í 3G netið, sum vit hava útbygt og sum fyribils dekkar meginøkið. Stórar íløgur krevja eisini stóran umsetning, og tá kappingin á øk­inum hevur verið ógvuliga hørð seinnu árini, hevur úrslitið hjá okkum í sein­astuni ikki verið nóg gott. Men Voda­fone er ein sterk fyritøka – við lut­falsliga lítlari skuld, endurtekur stjórin, Gudny Langgaard. vilmund@sosialurin.fo Gudny hevur dirvi og áræði – Henda vinnan krevur ekstremt stórar íløgur, og í løtuni er tað serliga íløgur í 3G netið, sum vit hava útbygt og sum fyribils dekkar meginøkið. Stórar íløgur krevja eisini stóran umsetning, og tá kappingin á økinum hevur verið ógvuliga hørð seinnu árini, hevur úrslitið hjá okkum í seinastuni ikki verið nóg gott. Men Vodafon er ein sterk fyritøka – við lutfalsliga lítlari skuld, sigur stjórin, Gudny Langgaard – Prísirnir á smarttelefonum skulu niður, og vit leggja okkum eftir at hava eitt stórt úrvæl av hesum telefonum. Eisini hava vit góðar datapakkar, og upplýsingar um hesar eru at finna á heimasíðu okkara www.vodafon.fo, sigur Gudny Langgaard, stjóri í Vodafon Mynd: álvur haraldsen