mánadagur 12. september 2011síða 48

vika 37 l 12. september 2011 6 Hesaferð verður kappast í seks lokaløkjum Vælumtókta ”Firmakappingin” hjá Rás2, sum er ein spurnarkapping mill­um fyritøkur/stovnar verður aftur á skránni í ár. Talan verður um fjórða kapp­ingar­árið. Hini trý árini hava ávik­ a­vist 47, 63 og 91 fyritøkur/arbeiðs­ pláss tikið lut í firmakappingini hjá Ràs2. Eins og í fjør, so verða tríggjar ella fýra kappingar á skránni á Rás2 hvørja viku, har tann spenti lurtarin kann sita og gita við. Seks lokaløki Ein lítil broyting er í mun til seinasta kappingarár. Farna kappingarár kappaðust fyritøkurnar í fimm lokaløkjum, hesaferð verður kappast í seks lokaløkjum. Lokaløkini hesaferð verða: Suðurøkið (Suðuroy og Sandoy), Vágar, Norðurstreymoy, Eysturoy, Norðoyggjar og Høvuðsstaðarøkið (Argir, Hoyvík og Tórshavn). Teir seks lokalu vinnararnir fáa eitt steyp í part, sum áminning um tann lokala sigurin og koma í meistaraliðskappingina. Liðini fáa sjey spurningar í part, gjarna verður talan um fýra lisnar spurningar, og tríggjar ljóðspurningar úr savninum hjá Rás2. Eins og tey undanfarnu árini fáa fyritøkurnar trý stig, um tey svara rætt áðrenn 15 sekund eru farin, tvey stig, um tey svara rætt áðrenn 25 sekund eru farin, og eitt stig, um tey svara rætt áðrenn 35 sekund eru farin. Fara 35 sekund fáa fyritøkurnar einki stig. Reyni Service vann seinast Reyni Service í Klaksvík vann seinastu kappingina, aftaná eina sera spennandi finalu ímóti Vaðhorn á Strondum. P/F Poul Hansen heilsøla vann kappingina í 2009/2010, aftaná finalusigur á einari aðrari heilsølu, nevnliga Itmport.fo. Tryggingarfelagið Føroyar vann ta fyrstu kappingina, sum var í 2008/2009, aftaná finalusigur á Gráa Pakkhúsi í Havn. Ì fjør upplivdi ein – serliga í høvuðsstaðarøkinum – at fyritøkur, sum kappast innan somu vinnugreinar kappaðust í firmakappingini hjá Rás2, og gav tað veruliga ein eyka spenning til hesar kappingarnar. Eins og í fjør verða tað James Olsen, Eyðfinn Drewsen og Heri Simonsen, sum verða vertir, tá firmakappingin verður á skránni. Ætlandi verður firmakappingin á skránni mánadagar, týsdagar og fríggjadagar klokkan 11.15. Rímiligt luttøkugjald Talan er um eitt rímiligt luttøkugjald hjá fyritøkunum/ stovnunum, sum melda seg til firmakappingina. Talan verður um 500 krónur +MVG. Hava fyritøkur/ stovnar ynski at møta einari aðrari fyritøku ella stovni, sum tey kappast við, ella relatera til, so kunnu hesar fyritøkurnar/stovnarnir viðmerkja, at tey ynska at møta júst tí fyritøkuni/ stovninum í tí innleiðandi kappingini, so talan kann verða um eina fakliga lokaluppgerð frá fyrsta bríksli av. Tilmeldingar til firmakappingina fara fram á herarnsim@gmail.com. ársins dans Send svarið til 1910 Hvønn dag er nýtt lutakast millum røttu svørini. Hvørt sms kostar 5,- kr. umframt vanligan takst Atgongumerki fáast eisini á ebilett.fo og Hotel Hafnia upphiting við Úr hvørjum landið eru Smokie frá? høllin á hálsi 1. oktober 2011 vinn 1 atgongumerki til fram til 30. september smokie 1 um teir eru Úr Onglandi smokie 2 um teir eru Úr danmark hvønn dag dyrnar lata upp kl. 23.30 tiltakið endar kl. 04.00 sms send boð Sosialurin 341800 Firmakappingin hjá Rás2 byrjar 3. oktober Tilmeldingar til firmakappingina fara fram á herarnsim@ gmail.com