mánadagur 12. september 2011síða 54

vika 37 l 12. september 2011 12 Tíðindi Leo Poulsen Snarljósið raka ongantíð tvær ferðir sama stað. Tað er vanligt orðafelli á so mongum málum, men fyri 45 ára gamla Rólant Christiansen hendi hetta kortini – um enn ikki heilt bók­ stav­iliga. – Eg plagi vanliga at keypa ein trisskrap um vikuna fyri 25 krónur. Trisskrap er tað, sum svarar til Skava- og-vinn í Føroyum, men vinningarnir her í Svøríki eru kortini nógv størri og fleiri enn í Føroyum, sjálvt um møgu­ leikin at vinna er størri í Føroyum, sigur Rólant Christiansen. Hetta svenska skava-og-vinn spælið hevur fleiri møguleikar, og tú kanst vinna ein kontantan vinning á tvær milliónir sum hægsta vinning. Ein annar møguleiki er at skava trý sjón­ varps­tól og tað merkir, at tú sleppur inn í sjónvarpsstovuna hjá TV4 at skava víðari, og har kanst tú vinna upp til fimm milliónir krónur – skattafrítt sjálv­andi. – Eg hevði so keypt ein seðil, og sanniliga um eg ikki skavaði meg fram til hesi trý sjónvarpini. So var at fara á posthúsið at senda seðilin inn til TV4, sigur Rólant Christiansen. Hann flutti fyri skjótt seks árum síðani úr Føroyum til Svøríki og býr nú í lítla býnum Högsby nærhendis Oskarshamn. – Hetta er ein lítil býur, og post­ húsið liggur i einum ICA-handli. Eg fari so inn har, fyri at senda eitt inn­ skrivað bræv við seðlinum í til TV4, men har var long bíðirøð, sigur Rólant Christiansen. Ótrúligt hepni Hann stillaði seg so í bíðirøðina, og tá hann so kom fram at diskinum sigur daman innan fyri, at hon skuldi rópa eina aðra at hjálpa til við avgreiðsluni, so føroyingurin verur sendur til annan kassa. – Meðan eg so bíði, meðan brævið verðir innskrivað, keypi eg ein nýggjan seðil. Og hvat hendir? Jú, sanniliga, um ikki eisini hesin seðilin hevur trý sjónvarp. Og tað er ikki hent í søg­ uni áður, at sami persónur vinnur tveir møgu­leikar at skava seg fram til millión­irnar í senn, sigur Rólant Christiansen. Tað er ikki eindømi, at sami per­ sónur skavar seg fram til trý sjónvarp. Tað er hent sjey ferðir. Men tá hava bæði mánaðir og ár gingið ímillum. Hesaferð hendir tað so tætt saman, at Rólant slapp inn í sjónvarpsstovuna at skava tveir møguleikar. – Tað er soleiðis, at møguleikarnir eru 1-100 at vinna ávikavist fimm, fýra, tríggjar, tvær og eina millión. So hækkar møguleikin fyri at vinna úr 500.000 krónum niður í 50.000 krónur, ið er minsta upphæddin, tú ert tryggj­aður, tá tú sleppur inn í sjón­ varps­stovuna at skava, sigur Rólant Christiansen. Men tað er ikki bert spenningurin við at vita, hvussu nógvar pengar, tú kanst skava teg fram til í sjón­varps­ stovuni. – Hetta er samstundis ein sera vælumtókt sending, so tað eru ógv­ uliga nógv fólk sum hyggja, og tað merkir so aftur, at tað eru nógv, sum síggja teg, sigur Rólant Christiansen. 2,1 millión Sigast má, at hesin týsmorgunin gekk rættiliga væl. – Tá tú fer inn í sjonvarpsstovuna við einum seðli, hevur tú 50 krónur við tær. So er tað upp til hepni, fyrst og fremst, hvussu nógv tú vinnur aftrat. Eg hevði tveir seðlar, og hevði tí eisini tveir møguleikar at skava meg fram til vinn­ingar, sigur Rólant Christiansen. Skavingin hjá føroyinginum gekst so mikið væl, at tá sendingin var liðug, var Rólant Christiansen heilt ná­greiniliga 2.100.100 krónur ríkari. – Eg vann 100.000 í aðrari royndini og tvær milliónir í hinari, umframt teir báðar 50-krónuseðlarnar, ið seðlarnir upprunaliga góvu, greiðir Rólant Christiansen frá. Tað er sjáldan, at góðar tvær milliónir ikki gera mun í einum húsar­ haldi, og hjá Rólanti komu pengarnir ser­liga væl við. – Eg varð skildur fyri einum ári síðani, og tað gav umframt annað ein fíggjarligan smeit, tí eg mátti keypa hús og heim aftur. Tað var mær tí beinanvegin greitt, at peningurin fyrst og fremst skuldi nýtast til at sleppa mær av við alla skuld, sigur Rólant Christiansen. Sum sagt so gjørt, og nú hann er vorðin skuldarfríur, standa kortini meiri enn milliónin á kontoini. Men tað hevur ikki verið stundir at feira vinningin. – Tá eg kom til hús hendan týs­ dagin var tað beinleiðis til arbeiðis, tí eg hevði lovað einum kunda at gera eitt arbeiði fyri hann. Og síðani hevur tað verið arbeiði í tólv tímar um dagin, sigur Rólant Christiansen. Hann skuldi ikki bíða leingi eftir pengunum, tí longu korter eftir, at sendingin var liðug, stóðu pengarnir á kontoini. Biðja um hjálp Fyri at skilja eitt sindur betri, hvussu heppin føroyski byggimeistarin er, vísa hagtølini, at fyri at skava teg fram til trý sjónvarp á einum seðli, eru møgu­ leikarnir 1:400.000. – Tað verða prentaðir tvær milliónir seðlar um vikuna, og av teimum eru trý sjónvarp á fimm. Sannlíkiningsrokning vísir, at møguleikin fyri at skava teg til sjónvarp á tveimum seðlum er 1.160 milliónir, sigur Rólant Christiansen. Hetta ótrúliga hepni hevur eisini gjørt føroyingin kendan í Svøríki. – Eg haldi ikki tað finst tað blað ella tann sjónvarpsstøð, ið ikki hevur borið søguna, og googlar tú mítt navn, koma heilar tvær síður fram, sigur Rólant Christiansen. So hann er í løtuni ein rættiliga miðlastjørna í nýggja heimlandinum. Og tað fer ikki óansað aftur við borðinum. – Vinir og kenningar ynskja mær tillukku. Eg havi jú fyri so vítt eisini skrivað søgu við tað, at eg eri fyrsti persónur, sum fer í sjónvarpsstovuna við tveimum møguleikum, sigur Rólant Christiansen. Sum so mong, ið hava vunnið størri vinningar, hevur Rólant eisini merkt tær meiri keðiligu síðurnar. – Tað eru eisini fólk, ið seta seg í samband við meg, fyri at fáa eina peningaliga hjálp. Tvær milliónir krón­ ur ljóðar jú av so nógvum, men tá hús og bilar og annað er goldið, so er tað jú bara tvær milliónir, sigur Rólant Christiansen. Men at vinningurin longu hevur broytt lívið hjá honum og unnustuni er týðiligt. – Sum lívið var mátti eg til arbeiðis, fyri at vinna pening til dagin og vegin, til rentur og avdrag av húsunum og til dag­ligu útreiðslurnar. Í dag fari eg til ar­beiðis á sama hátt, men nú geri eg tað, tí eg tími, sigur Rólant Christiansen úr Högsby í Svøríki. leo@sosialurin.fo Vann tvær ferðir sama dag Føroyski Rólant Christiansen var meiri enn heppin, tá hann tvær ferðir sama dag skavaði seg fram til vinningar, sum týsmorgunin góvu honum 2,1 millión á kontoina Feløg sum selja fiskavørur til Evropa mugu fyrihalda seg til eina røð av ymiskum umhvørvisgóðkenningum og krøvum.  Krøvini koma frá sølu­mið­støð­ unum, men henda økta til­vit­anin er ikki orsakað av for­brúk­arum, men orsakað av trýsti frá ymiskum feløgum, sigur granskingar­stjórin Frode Nilssen í mat­granskingar­ stovninum Nofima. Innkeyparar krevja í størri mun skjalfestan, sum váttar, at vør­ur­nar eru framleiddar sambært strong­ um umhvørviskrøvum. Tað er tó fram­vegis stór ógreiða um krøvini, sum eru ymisk í innihaldi. Metingin ljóðar, at krøvini í fram­tíðini verða størri enn tey eru í dag. Og tað vil siga, at um sjó­ mat­vøruídnaðurin ikki fylgir við, so fer tað at kosta vinnuni munandi upphæddir í mistum marknaðar­ møguleikum. (Kelda: industry.fo) Journalistar, sum ætla sær at inter­viewa Anders Behring Breivik, eru idiotar. Tað heldur Per Edgar Kokkvold, sum er aðalskrivari í norska fjøl­ miðlafelagnum. Í løtuni kann Anders Behrin Breivik einki samband hava við um­heimin, men advokaturin hjá honum sigur, at nógvir norskir og út­lendskir miðlar hava biðið um at fáa samrøðu við drápsmannin, tá ið tað letur seg gera. – Tú mást verða idiot ella moralskt blindur fyri ikki at síggja, at tað fer at tyngja tey avvarðandi sera nógv, um Breivik verður inter­viewaður áðrenn rættarmálið ímóti hon­um. Í hesum føri mugu atlit til tey av­ varðandi viga meira enn ábyrgdina at upplýsa, sigur Kokk­vold við Journalisten. no Tilvitaðar sølu­mið­ støðir í Evropa Skulu halda seg burtur frá Breivik