mánadagur 26. september 2011síða 4

Mánadagur 26. september 2011 · Nr. 111 4 Sosialurin Áki Bertholdsen – Tað er meiningsleyst, at ein, sum eg skal hava rætt til hjálp frá Almannastovuni. So bersøgin var Karsten Hansen, løgtingsmaður fyri Miðflokkin, á landsfundinum hjá flokkinum leygardagin. Nú valstríðið upp undir løgtingsvalið byrjar, verður tað ein boðskapur frá Mið­ flokkinum, at rætturin til hjálp frá Almannastovuni skal verða ásettur eftir, hvussu høga inntøku fólk hava. Tað merkir, at fólk við høgari inntøku skulu ikki longur hava rætt til hjálp frá Almannastovuni, tá ið tey fáa hjálpitól, ella tá ið okkurt annað bakkast elvir til, at tey annars høvdu havt rætt til almannahjálp. Kemur Miðflokkurin í eina samráðing um sam­ gongu eftir valið, verður hetta eisini ein partur av sam­ráðingunum. – Hví skulu fólk við høg­ um inntøkum hava rætt til hjálp frá Almannastovuni á jøvnum føti við tey, sum hava lágar inntøkur, spyr Karsten Hansen. – Hetta er ein spurningur, vit noyðast at taka upp, leggur hann afurat. Fleiri fáa og færri gjalda Miðflokkurin staðfestir, at játtanin á fíggjarlógini til almannhjálp er nóg stór. – Men tað verður neyðugt at broyta lógirnar, so at hon kemur teimum til góðar, sum veruliga hava brúk fyri tí. – Tá ið øll skulu hava javn­ bjóðis rætt sosialar veitingar, samstundis sum at færri og færri eru um at gjalda til skipanina, má tað ganga galið, sigur Karsten Hansen. – Tað má halda uppat, at eisini fólk við góðari inntøku skulu hava krav upp á sosialar veitingar á jøvnum føti við tey, sum lítið og onki eiga. Tað merkir, at fólk við høgari inntøku skulu missa hjálp frá Almannastovuni so at tey, sum veruliga hava brúk fyri tí, kunnu fáa eina hjálp, sum munar. – Tað kundi verið nógv meiri til tey, sum veruliga hava brúk fyri tí, leggur løgtingsmaðurin afturat. Jenis av Rana sigur, at tað verður eisini neyðugt at hyggja eftir fólkapensjónini, so at hon í størri mun kemur teimum til góðar, sum onga aðra pensjón hava, so at tey, sum hava góðar pensjónir, missa í fólkapensjón. aki@sosialurin.fo 10 eru klár Miðflokkurin hevur nú 10 valevni klár til løg­tingsvalið, sum verð­ur í næstum. Tað er greitt eft­ir landsfundin hjá flokk­ inum leygar­dagin. Ikki óvæntað stilla teir tríggir løg­tings­ menninir upp aftur og so er eisini vert at leggja til merkis, at Thordur Niclasen royn­ir seg einaferð aft­urat sum valevni. Tey 10 valevnini, sum Miðflokkurin fyri­bils hevur á list­ an­um, eru: Bill Justinussen Charlotta á Váli Olsen Dánjal M. Joensen Frank Jacobsen Jenis av Rana Karsten Hansen Mia av Kák Joensen Rani Skaalum Thordur Niclasen Vinjard Johansen Men ætlanin er at fáa fleiri valevni hesar næstu dagarnar. Í hes­um sambandi skal uppstillingarfundur vera í Klaksvík týs­ dag­in 4. oktober. Á landsfundinum varð eisini tosað um at fáa fleiri konufólk á listan, men tað gekk illa, tí tey flestu bóru seg undan. Á landsfundinum fekk flokkurin eisini tveir nýggjar limir í floksstjórnina. Tey eru Beinta Áargarð og Vinjard Johansen, sum var tiltakslimir Tiltakslimir eru nú Poul Jóhan Dur-huus, sum var í floks­stjórn­ ini áður og Charlotta á Váli Olsen, sum var floks­stjórnarleiðari. Allir føroyingar skulu hava tilboð um at ókeypis ílegu kanningar fyri CTD. Tað verður ein partur av valskránni hjá Miðflokkinum, nú løgtingsval stundar til. Tað verður eisini eitt krav, sum flokkurin fer at seta í eini møguligari samráðing um eina nýggja samgongu. – Hetta hava vit ført fram leingi, men Heilsumálaráðið er farið fullkomiliga í baklás í hesum máli og enn er ong­ in vón fyri, at støðan broyt­ ist, staðfesti Jenis av Rana, floksformaður, á lands­fund­ inum hjá flokkinum um viku­skiftið. – Einasta tilboð, føroyingar hava, er ein blóðroynd, sum finnur tey, sum eru sjúk. Men ein blóðroynd avdúkar ikki tey, sum bera sjúkuna, uttan at vera sjúk. Hinvegin kann ein ílegu­ kanning staðfesta, hvør ber sjúkuna. – Nógv fólk óttast, at tey eru berarar og taka Carnetin fyri at vera fyrivarin. – Heilsumálaráðið tvíheld­ ur um, at berarar eru ikki sjúkir. Hinvegin siga tey, sum taka Carnetin, at tey liva nógv betur, síðani tey fóru at taka heilivág. Tá ið Miðflokkurin heldur, at tað hevur so stóran týdn­ ing at finna berararnar, er tað tí, at fáa tveir berarar børn, eru sannlíkindini 25% fyri, at barnið hevur CTD og 50% sannlíkindi fyri, at barnið er berari. Er annað av foreldrunum berari, fáa tey ikki eitt sjúkt barn, men sannlíkindini fyri at barnið er berari, er 50%. – Vit halda, at vit eiga at beina hendan óttan av veg­ num og tí skulu allir før­oy­ ingar hava tilboð um ílegu­ kanningar. Samstundis skal Heilsu­ trygdin broytast, so at eis­ini berarar fáa tilskot til Carne­ tin á jøvnum føti við tey, sum eru sjúk. – Tey siga, at tey betri, tá ið tey taka heilivágin og hóast Heilsiumálaráðið sigur nei, skal ivin skal koma ber­ arunum til góðar, sigur Jenis av Rana aki@sosialurin.fo Í Sosialinum mikudagin frætta vit meiri frá landsfundi Miðfloksins Vælbjargað skulu missa hjálp frá almannastovuni Mugu tora - Vit mugu tora at taka sosialar veitingar frá fólki við høgari løn, heldur Karsten Hansen, sum her er á landsfundi Miðfloksins leygardagin. Frá vinstru eru tað Jenis av Rana, Bill Justinussen, Karsten Hansen, allir løgtingsmenn fyri flokkin. Síðani er tað Gullbritt Hansen, kona Karsten, og Stefan Petersen Allir CTD-berarar í Føroyum skulu finnast HÓTTAN Miðflokkurin heldur at nógv umrødda sjúkan, CTD er ein so stór hóttan, at allir føroingar skulu fáa tilboð um ókeypis ílegukanningar, so at eisini allir berarar kunnu finnast, hóast teir ikki eru sjúkir ALMENN HJÁLP Fólk við høgari løn skulu ikki longur fáa hjálp frá Almannastovuni so at tey, sum veruliga hava brúk fyri tí, skulu fáa meir, sigur Miðflokkurin CTD berarar Vit eiga at finna øll tey, sum bera CTD og ikki bara øll tey, sum eru sjúk, sigur Jenis av Rana, formaður Miðfloksins, sum her er á landsfundi floksins, saman við sermerkta svenska ríkisdagsliminum, Roland Utbolt, sum var gestur á fundinum. Utbolt bleiv landskendur í Svøríki, tá ið hann brúkti ein part av síni talitíð í ríkisdegnum til at syngja ein sang, hann sjálvur hevur yrkt. Tað kann síggjast her http://www.youtube.com/watch?v=CMte5dRz53U