fríggjadagur 30. september 2011síða 9

9 Fríggjadagur 30. september 2011 · Nr. 113 Sosialurin Randi Jacobsen Í tvey ár hevur Føroya Symfoni­orkestur fyrireika eina stóra konsert í Norður­ landa­húsinum 29. oktober. Men nú er alt avlýst, tí tað av fleiri orsøkum ikki ber til at hava eina slíka konsert sama dag, sum løgtingsval verður. - Hetta er einki minni enn ein katastrofa fyri Sym­foni­ orkestrið, for­mað­ur í nevnd­ ini fyri Sym­foni­orkest­r­ið. Hann situr nú og ringir runt til tónleikarar bæði í Før­oyum og uttanlands. - Øll eru í øðini um, at valið varð útskrivað til at vera júst tann dagin, sum stóra kon­sertin hjá okkum skuldi vera. Vit hava fyrireikað kon­sertina í tvey ár, og alt var komið upp á pláss. Lagt varð upp til tað heilt stóra, tí vit skuldu framføra stóra verk­ið fyri kór og orkestur, Carmia Barana, sigur Poul Jákup Thomsen. Hann fatar ikki, at løg­ mað­ur ikki kannaði, hvat var á skránni, áðrenn hesin dagurin varð valdur. Má kannast - Tá ið eg fyrireiki eina kon­ sert, kanni eg altíð, hvat er á skránni. Til dømis kanna vit, at ikki eitt nú konfirmasjónir ella samfelagsmøti eru tann dagin. Fleiri tónleikarar uttan­ lands hava fyri langari tíð síðan játta at koma at spæla, summ­ir hava keypt sær frí, og onkrir hava eisini fingi sær ferðaseðil til Føroya. Nú noyðist Poul Jákup Thom­sen at kanna, hvat kann bjargast í land aftur, men tað fer at kosta Sym­foni­ orke­strinum nógvan pening. Symfoniorkestrið hevur ikki yvirflóð av peningi, og játtan­in á fíggjarlógini varð eisini skerd í ár við 100.000 krónum. Tað ber ikki til á nakran hátt at hava eina slíka kon­ sert sama dag, sum løg­tings­ val verður. Fólk flest fylgja við valinum, og nøkur í kóri­ num, sum hevur vant alt árið, sita í valstýrum. Einki sjónvarp - Oman á alt tað boðaði Kring­varp Føroya frá, at tey ikki megnaðu bæði at fylgja við valinum og senda eina so stóra konsert, og tað skilji eg væl. Tað er jú eisini ein skylda hjá Kringvarpinum at sen­da frá valinum, sigur Poul Jákup Thomsen. Tað hevði verið heilt burtur­við at havt eina slíka konsert, sum ikki varð send fyri Føroya fólki í sjón­varpi­ num, sigur for­maðurin. - Men tað, sum alt snýr seg um er, at løgmaður ikki hugsaði seg um, tá ið hann skrivaði valið at vera sama dag, sum okkara konsert skuldi vera, sigur Poul Jákup Thomsen. Hóast fleiri royndir eydn­ að­ist ikki í morgun at fáa orð á Kaj Leo Johannesen, løg­ mann fyri at spyrja hann, hví hann ikki kannaði, hvat var á skránni, áðrenn hann skrivaði út valið. Sum skilst vóru onnur stór tiltøk ætlað at vera 29. okto­ber. Katastrofa fyri Symfoniorkestrið Stóra konsertin hjá Symfoniorkestrinum er avlýst, tí løgtingval verður sama dag, sum konsertin skuldi vera. Hetta fer at kosta Symfoniorkestrinum minst 100.000 krónur Útselt er altíð til konsertirnar hjá Symfoniorkestrinum, sum nógv eisini fylgja heimanifrá, tí tær verða altíð sjónvarpaðar. Nú er konsertin útsett til apríl næsta ár