mánadagur 3. oktober 2011síða 7

7 Mánadagur 3. oktober 2011 · Nr. 114 Sosialurin Klaksvík: Gongst soleiðis sum Steinbjørn O. Jacobsen, býráðslimur hevur skotið upp, kann ein bussleið verða sett á stovn í fiski­vinnu­ høvuðsstaði okkara einaferð í framtíðini. Fyrr í ár skjeyt hann upp, at býráðið keypir bussar til eina bussleið í kommununi. Týskvøldið í farnu viku var málið fyri í býráðnum, og har varð samtykt at arbeiða víðari við málinum. Mett verður leysliga, at ein slík fult útbygd bussleið kostar eitt skattaprosent um árið at reka. Umsitingin hjá komm­un­uni fer nú at kanna málið nærri, og kem­ur síðani við einum upp­skoti. snorri@sosialurin.fo Bussleið kring alla víkina Sandur: Arbeiðið at byggja nýggju ítróttarhøllina gongur eftir ætlan. Í næstu verður høllin innilokað. Hon skal standa liðug í summar. Havn: Húsavarðatænastan hevði bíligasta tilboðið at umvæla bygningin á Hoydalsvegi 1. Æltanin er, at Studni skal halda til her. Strendur: Nú flettingin er fyri, hevur kommunan avgjørt at hava bingjuplássið opið frá mánadegi til leygardag í hesi og í komandi viku. Runavík: Umboð fyri kommunu og havn vóru í farnu viku á ráðstevnuni "Seatrade Europe" í Hamburg. Fleiri enn 250 framsýnarar úr 50 londum tóku lut. Ætlanin er, at bæði arbeiðini skulu verða liðug, tá kirkjan verður 175 ár 1. sunnudag í advent 2012 - helst fyrri. Tvey arbeiði við kirkjuna Kollafjørður: Nú er av álvara komin gongd á arbeiðið at betra um umstøðurnar hjá teimum ið ganga í Kollafjarðar kirkju. Ein trupulleiki hevur verið inngongdin í kirkjuna - ella forkirkjan, har ein ikki fekk tær størru kisturnar inn í kirkjuna og út aftur. Men hetta verður nú bøtt um. Í hesum sambandi skal ein onnur inngongd gerast í vestaru síðu, har ein samstundis ger tað lættari hjá rørslu­ tarnaðum at sleppa til gudstænastu ella aðrar tænastur. Í øðrum lagi verður ein bygningur gjørdur í vestara horni, har ein skal hava eitt toilett. Hes­in verður gjørdur mein­líkur kirkjuni, við teirri eyðkendu flag­ tekjuni. snorri@sosialurin.fo Tvøroyri: Fríggjakvøldið verður kunnandi fundur um ætlanina at umbyggja 61 ára gamla træskipið Kúrberg til eitt nýmótans motor- og seglskip. Ætlanin er at gera skipið soleiðis, at tað kann brúkast til mong ymisk endamál - útferðir, undirvísing av næmingum, ráðstevnur og longri túrar til grannalond okkara. Og sum skilst er ætlanin eisini at fáa í lag samstarv við SALT-verk­ ætlanina. Fyrireikararnir siga við Suðuroyarportalin, at verkætlanin fer at vara í eini 2-3 ár, og kostnaðurin um einar 5 mió krónur. Skipið eitur Kúrberg, men fær helst eitt annað navn, ið hevur tilknýti til oynna. snorri@sosialurin.fo kring landið BUSSLEIÐ Fólk í Havn eru von við Bussleiðina. Nú hevur Steinbjørn O. Jacobsen (innsettur) lagt uppskot fyri Klaksvíkar býráð um tað sama EIN EFTIR Flestu av gomlu træskipunum eru burtur. Eitt teirra er tó eftir - Kúrberg - ið nú skal aftur til heiður og æru. Fríggjakvøldið verður fundur á Seglhúsloftinum á Tvøroyri um ætlanina Umbyggjast til tann lokala stoltleikan