fríggjadagur 14. oktober 2011síða 34

nr. 119 · 14. oktober 2011 2 VIKUSKIFTI Spurningurin er ikki, hvussu hart lívið fer við tær, men hvussu hart tú upplivir slagið, og so ræður um at finna mátan at koma víðari. Bodybuildarin Gunnar Hjelm við Sosialin mikudagin Hvonn Live Eyðun Klakstein eydun@sosialurin.fo Leygarkvøldið fer Rás2 undir eina nýggja røð við Hvonn Live sendingum. Hetta eru sendingar, sum Rás2 sendir beinleiðis av Hvonn í Havn. Í fyrstu sendingini luttaka politisku floksformenninir. Teir fara at práta um politikk og kappast í spurnarkapping. Eisini fer bodybuildarin Gunnar Hjelm at greiða frá, hvussu hann hevur strítt seg í toppform aftur. Steintór Rasmussen gevur í næstu viku nýggja fløgu út. Tosað verður við hann um nýggju útgávuna, og Steintór spælir tveir nýggjar sangir live í sendingini. Jákup Eli er við Jákup Eli Joensen hevur seinastu tíðina verið nógv at hoyrt við sanginum um Vanju. Hetta er sangur, sum er á fløgu, sum hann gav út fyri nøkrum vikum síðani. Jákup Eli hevur havt nakrar live-framførslur, síðani fløgan kom út, og nú verður hann við í Hvonn Live. Tosað verður við Jákup Eli um at fáa eitt hitt í Føroyum, og Jákup Eli fer eisini at spæla sangin Vanja live í sendingini. Jákup Eli er longu í holt við eina nýggja útgávu, sum hann ætlar skal koma fyri jól. Hvonn Live verður sent leygarkvøldið frá kl. 19 til kl. 21. Fólk eru vælkomin á Hvonn at lurta, og annars ber til at hoyra alt á Rás2. Tær føroysku eru best! Redaktørur: Eyðun Klakstein Útgevari: Sosialurin, www.sosialurin.fo Umbróting: Sosialurin · Høvuðssniðgevi: Pætur Eyðunsson Jensen Forsíðumynd: Annika Smith / Lau Stender klumman Inna Törnroos mynd: Álvur Haraldsen Jákup Eli Joensen hevur seinastu tíðina hittað við sanginum um Vanju. Í næstum gevur hann nýggja fløgu út, og leygarkvøldið spælir hann í sendingini Hvonn Live Jákup Eli syngur í Hvonn Live Hvørju ferð, eg eri í Føroyum, havi eg eini ørindi, ið altíð mugu klárast. Eg skal til frisør. Helst skal hon eita Ingrid, men Mariann, og Bjørk eru eisini fínar. Eg búgvi í einum stórbýi við túsundatals hárfríðkannarhøllum, men enn havi eg ikki funnið nakra frisør, ið er betri enn tær føroysku – og eg havi roynt nógvar. Tær føroysku hárfríðkannarkvinnurnar eru ikki bara tryggar við saksinum, tær fylgja eisini væl við rákinum, tær nýta tað seinasta innan liting og viðgerðir – og tær eru bíligar. Grundin til hetta, trúgvi eg, liggur í eini langari og góðari útbúgving við nógv­um praktikki saman við roynd­um hár­fríðkannar­ kvinnum. Eisini havi eg eina føling av at før­ oysku hárfríðkannarkvinnurnar eru stoltar av sínum starvi. Minnist einaferð, tá eg sat í frisørstólinum á Álandi, og hon, sum klipti, greiddi frá, at hon hevði gingið tvey ár í skúla, og so varð hon útbúgvin hárfríðkannarkvinna. Nýtist mær at siga, at eg ongantíð eri so vánaligt og ójavnt klipt, sum ta ferðina? Sjálvandi eru allar ikki sum hendan – og tað, sum tær oftani hava til felags, er, at tær hava verið nógv á skeiðum og starvast leingi – og so kosta tær eisini. Havi skilt, at útbúgvingarnar á Tekniska skúla til stylist, make-up-artist og frisør eru ein roynd at fáa kvinnurnar at verða verð­ andi í Føroyum. Ein góður tanki, ið óiva fær onkra at verða verðandi á klettunum. Men hugsað longri – hví ikki nýta kunn­ leikan, sum er í Føroyum innan hetta øki, til at lokka kvinnur aðrastaðni frá at koma til Føroyar og nema sær útbúgving? So kanska talið av gomlum dreingjum minkar sam­stundis, sum føroyingar læra heimin at greiða og klippa. So segði hann... Jákup Eli syngur kenda sangin hjá sær um Vanju í Hvonn Live leygarkvøldið