mikudagur 19. oktober 2011síða 37

37 Mikudagur 19. oktober 2011 · Nr. 121 Sosialurin Hugskot og viðmerkingar – send sms til 225000 Starv sum landmátari á Umhvørvis- stovuni er leyst at søkja. Tørvur er á royndum landmátara til matrikulumsitingina á Umhvørvisstovuni. Tað eru fyrst og fremst arbeiði við matrikul- erari málsviðgerð og uppmáting, ið bíðar eftir tær, men vit rokna við, at tín nýhugsan á fakøkinum kann gera mun, og at tú verður við í menningini av næsta ættarliðinum av amboðum til talgilduga umsiting og skrá- seting á matrikuløkinum. Umframt matrikulin hevur deildin um hendi útskiftingar og lendiskipanir, og dagliga er tætt samband við tinglýsingina og kort- deildina á Umhvørvisstovuni. Samskifti og samstarv við viðskiftafólk, kommunur og aðrar stovnar er týðandi partur av arbeiðinum. Hetta er spennandi starv við avbjóðing- um á tøkniliga, løgfrøðiliga og fyrisitingarliga økinum, og arbeiðsstaðið er ikki bert inni handan telduskíggjan, men eisini á bygd, í bý og á fjøllum á uppmátingarferð og á ástaðarfundum. Tú fert at arbeiða á deildini Lendi. Á deildini starvast í løtuni 11 fólk. Førleikar Best er, um tú ert útbúgvin landmátari við eigindómsskipan sum sergrein og hevur hollar royndir á fakøkinum, men onnur áhugaði, ið hava royndir á økinum og/ella viðkomandi útbúgving frá lærdum háskúla, eru vælkomin at søkja. Vit sóknast eftir einum fólki við áræði og framfýsni at náa settum málum, sum sær nýggjar arbeiðsuppgávur sum eina spennandi avbjóðing, kann arbeiða sjálvstøðugt og dugir væl at samstarva og samskifta við onnur, bæði í skrift og talu. Starvsmøguleikar Vit kunnu bjóða eitt spennandi starv í tøttum samstarvi við starvsfelagar, góðar møguleikar fyri persónligari menning og sjálvstøðugum arbeiði. Setan Løn og setanarviðurskifti vera eftir sáttmála millum avvarðandi yrkisfelag og fíggjarmála- ráðið. Umsókn, saman við prógvum, CV o.l., skal verða Umhvørvisstovuni í hendi í sein- asta lagi 20. oktober 2011. Ert tú forvitin at vita meir, ring til okkum ella send ein teldupost til Petur Nielsen, deild- arleiðara (peturn@us.fo), ella Jóhonnu Olsen, stjóra (johannao@us.fo). Landmátari til deildina LENDI á Umhvørvisstovuni Postboks 2048, 160 Argir, tel 342400 – us@us.fo www.torshavn.fo Løgtingsval Sum kunngjørt av løgmanni verður løgtingsval leygardagin 29. oktober 2011. Valt verður soleiðis: 1. Fólk í Havn, Mjørkadali, Norðradali og Hoyvík, á Hvítanesi og Sundi velja í ítróttarhøllini á Hálsi 2. Fólk á Argjum velja í róðrarneystinum á Argjum 4. Fólk í Kaldbak og Kaldbaksbotni velja í skúlanum í Kaldbak 5. Fólk í Kollafirði velja í skótahúsinum í Kollafirði 6. Fólk í Kirkjubø, á Velbastað og í Syðradali velja í skúlanum á Velbastað 7 Fólk í Hesti og Koltri velja í bygdarstovuni í Hesti 8. Fólk í Nólsoy velja í felagshúsinum hjá Ungmannafelagnum Royndini í Nólsoy Atkvøðugreiðslan verður frá kl. 10.00-20.00 ella so leingi, veljarar møta uttan steðg. Tey, sum vegna sjúku ella av øðrum orsøkum ikki kunnu koma á valstaðið, kunnu boða frá á Snarskivuni, telefon 302010, til dagin fyri valið. Samstundis verður boðað frá, at valkort til løgtingsvalið eru send teimum, ið standa á vallistanum. Um veljari ikki hevur fingið valkort, ella okkurt annað er komið skeivt fyri, skal sum skjótast boðast Snarskivuni frá hesum. Valstýrini í Tórshavnar kommunu tórshavnar kommuna