fríggjadagur 21. oktober 2011síða 50

nr. 122 · 21. oktober 2011 2 VIKUSKIFTI Eg havi enn ikki tikið alt uppá aftur, sum eg tapti undir valstríðnum. Eg hugdi á kontoina í dag, og har er absolutt einki eftir. Eg havi enn ikki innheintað mista svøvnin. Men mín áheitan til valevnini í Føroyum er, at tey skulu satsa alt. Geva alt tey hava fyri at verða vald. Annika Smith, valevni til fólkatingsvalið í Danmark, við Sosialin Tónleikur Eyðun Klakstein eydun@sosialurin.fo Nakað av tí vakrasta og flottasta, sum íslendingar hava at bjóða í jólatíðini, eru konsertirnar, sum tey kalla Frostrósir. Í níggju ár hava tey hava stórslignar jóla­konsertir í Íslandi, og 10. hvør ís­ lend­ingur er á hvørjum ári á konsert við Frostrósum upp undir jól. Skiftandi, kendir íslendskir sang­arar eru við í Frostrósum, og nú Frost­rósir hava 10 ára jubileum, koma tey til Føroya at hava jólakonsert í Norður­ landa­hús­inum. Tveir føroyskir sangarar verða við í ferðalagnum, sum kemur til Føroya. Tað eru sangarar, sum eru sera kendir í Íslandi, og sum vit eisini kenna væl her heima. Eivør Pálsdóttir og Jógvan Hansen fara at syngja saman við íslendsku sangarunum Hera Bjórk, Jóhann Friðgeir, Fríðrik Ómar og Margrét Eir. Meginparturin av konsertini verður við sangum, sum verða sungnir á før­ oyskum ella íslendskum máli. Umframt solistarnar verður eisini serligi tónleikabólkurin hjá Fróstrósum og kór við til konsertina. Vildu sleppa til Føroya Fróstrósir hava verið nógv á ferð. Tey hava sjálvandi havt nógvar og stórar konsertir í Reykjavík, men tey hava eisini verið kring Ísland og sungið sein­ astu fýra árini. Eivør Pálsdóttir hev­ur verið við á fleiri konsertum hjá Frost­ rósum seinastu árini. – Vit hava leingi droymt um at sleppa til Føroya at hava konsertir, og nú letur tað seg gera. Vit kenna tað sum ein heiður at sleppa at hava hesa kon­sert í Føroyum, sigur Samuel Kristjánsson, framleiðslustjóri og stovn­ari av Frostrósum. Konsertin við Frostrósum verður í Norðurlandahúsinum leygardagin 26. novembur. Veljarin kann ikki velja Redaktørur: Eyðun Klakstein Útgevari: Sosialurin, www.sosialurin.fo Umbróting: Sosialurin · Høvuðssniðgevi: Pætur Eyðunsson Jensen Forsíðumynd: Steintór Rasmussen / Bárður Lydersen klumman Uni Holm Johannesen Tveir føroyskir sangarar verða við, tá ið stórsligin íslendsk jólakonsert verður framførd í Føroyum Frostrósur til Føroya Hugvekjandi grein, sum Sjúrður Ravnsfjall skrivar á heimasíðuni hjá Sprotanum í vikuni. Hann skrivar søguna, sum »er ein absurd, tragikomisk og (sur)realistisk søga um mínar tríggjar seinastu krossar, ið latnir eru til føroysk val og um, hvussu tríggir krossar lættliga blíva fleiri.« Sjúrður Ravnsfjall valdi tjóðveldismannin Karsten Hansen á løgtingsvalinum í 2004. Tá valskeiðið var av, var Karsten Hansen í Miðflokkinum. Sjúrður Ravnsfjall valdi tjóðveldismannin Sjúrð Skaale á løg­tings­ valinum í 2008. Tá val varð útskrivað, var Sjúrður Skaale í Javnaðarflokkinum. Sjúrður Ravnsfjall valdi tjóðveldismannin Boga Andreasen á býráðsvalinum í 2008. Bogi Andreasen bjóðar seg nú fram fyri Fólkaflokkin á løgtingsvalinum. Sjúrður Ravnsfjall vísir á, at hann hevur valt politikkin hjá Tjóðveldi, men hevur »fingið tjóðveldispolitikk, sambandssinnaðan javnaðarpolitikk, átrúnaðarligan mið­flokka­ politikk og sjálvstýrissinnaðan høgra­ politikk.« Sjúrður Skaale, sum nú er fólkatings­ maður, vísti í farna valskeiði eisini á hendan ódámliga trupulleikan, sum rætt og slætt heldur veljaranum fyri gjøldur. Hann skriv­ aði í lesarabrævi, at tá valið er av, veit eingin, hvør politikkur verður rikin. Hann segði bart út, at tann flokkur, sum vil sleppa við í samgongusamráðingar, má fyrst av øllum ganga undir eina treyt. Øll vallyfti mugu strikast, tí eingin flokkur kann halda upp á sítt í einum samstarvi. »Hetta skapar ta púra sjúku støðu, at skal ein flokkur sleppa í samgongu, er fyrsta treyt, at hann sleppur sínum egnu vallyftum! Sjálv fortreytin fyri at fáa vald, er, at tú ikki stendur við tíni orð...«, skrivaði hann. Tað er hamrandi provokerandi, at eingin veit, hvør politikkur verður rikin eftir valið. Blokkpolitikk ella okkurt annað – gevið okkum politikk, sum vit kunnu fyrihalda okkum til! Um átta dagar skulu føroyingar á løg­ tingsval. Góði veljari, bestu eydnu við tíni ávirkan! So segði hon... Fróstrósurnar, sum koma til Føroya at hava stórsligna jólakonsert mynd: tilvildarlig