mikudagur 26. oktober 2011síða 74

vika 43 l 26. oktober 2011 24 Vilmund Jacobsen Tað var í 1980, at Føroya Landsstýri keypti Magnus Heinason til havrannsóknir. Skipið varð umbygt, áðrenn tað í 1981 byrjaði sítt virksemi at savna inn data um havlívfrøðiliga partin av føroyska landgrunninum. Sum vit hava sæð í Vikublaðnum, hava nakrir av manningini, sum framvegis sigla við hesum skipi, verið við øll árini. Ein av monnunum er skálvíkingurin, Dánjal J. Lydersen, ið annars hevur siglt, síðan hann var blað­ungur. Lívsleiðin hjá honum á skips­ dekki byrjaði umborð á Brandi Sigmundarssyni á hávetri í 1967. Flestu árini hevur hann siglt við trolara, og í 1980 fór hann umborð á Magnus Heinason. Síðan seinast í nítiárunum hevur hann fastur og fyrsti skipari umborð á havrannsóknarskipinum. Tá Føroya Landsstýri keypti skipið í 1980, varð ikki farið undir havrannsóknir beinanvegin. Skipið var á ísfiski nakrar túrar í 1980. Síðan varð tað umbygt og fór nakað út á árið 1981 undir tað virksemi, sum tað øll árini hevur havt kring um á havinum. Magnus Heinason hevur verið eitt gott skip, men sum stjórin á Havstovuni, Eilif Gaard, segði við hátíðarhald á stovninum herfyri, so hevur alt sína tíð, eisini Magnus Heinason. Í dag er tað eitt tað størsta ynski hjá Havstovuni, at nýtt havrannsóknarskip verður tókt um eini trý ár, og alt bendir á, at so verður, nú skipasmiðjan Mest hevur fingið til uppgávu at detailprojektera eitt nýtt skip til Føroya Landsstýri og Havstovuna. Havrannsóknir í 30 ár Bilurin hesa vikuna er ein Peugeot 404 stationcar hjá Niels Olsen í Vestmanna, sum koyrdi á bilstøðini Bil. Niels koyr­di rutu­koyring millum Havnina og Vest­man­na við hesum bilinum. Myndin er tikin í 1968 uttan fyri bil­støðina Bil í Vestmanna. Gentan er Sunrid Joensen, ið arbeiddi sum tele­ fon­genta á bilstøðini. Peugeot 404 stationcar var ein stór­ur og rúmligur 7-persónabilur, ið varð nógv brúktur sum hýruvognur til rutu­koyring í Føroyum. Peugeot 404 vórðu framleiddir í Fraklandi frá 1960 til 1975. Peugeot 404 hjá Niels Olsen Hann hevur roynst væl, men alt hevur sína tíð Bilurin hesa vikuna er fastur táttur í Vikublaðnum: Lesarar eru vælkomnir at senda okkum gamlar myndir (helst myndir sum eru eldri enn umleið 1970) saman við stuttum teksti og upplýsingum til adressuna: maggi@sosialurin.fo. Koyr greinarnar niðan um garðin ?? Her á Vikublaðnum biða vit tey koyra greinarnar í teldupost. Men Vestmanna kommuna, sum er í kapping við Vikublaðið, um greinar, har biða tey fólk koyra greinarnar niðan um garðnin. Myndaeigari: Bergtóra Blástein Úr savninum hjá Páll Hellu Magnus Heinason, sum Føroya Landsstýri keypti í 1980, hevur nú gjørt havrannsóknir í 30 ár. Í dag vónar Havstovan, sum rekur skipið, at nýtt skip kemur fyri Magnus Heinason um eini trý ár ella so