mikudagur 16. november 2011síða 4

Mikudagur 16. november 2011 · Nr. 133 4 Sosialurin Hugskot og viðmerkingar – send sms til 225000 Rannvá G. Fossaberg - Tað, sum onkur heldur er grenj, er veruleikin hjá okk­ um, ið eru einsamallar við ein­um ella fleiri børnum. Tað segði Rósely Reynstind, sum var ein av teimum fimm kvinnu­num, ið mannaðu panel­ið á kjakfundi um um­ støð­ur­nar hjá stakum uppi­ hald­ar­um. Sambært henni er størsti trupulleikin tann, at hon ikki kennir seg tiknan í álvara av mynduleikunum: - Eg haldi ikki, at politik­ ar­arnir skilja trupulleikan, og tað er upp á tíðina, at sam­ felagið tekur okkum í álvara, heldur Rósely Reyns­tind, sum á fundinum eisini vísti á vánaligu bú­stað­ar­viður­ s­kiftini hjá stakum uppi­ haldar­um. Hetta er eisini ein trupul­ leiki, sum bú­skap­ar­frøð­ing­ urin, Jonna Johansen, heldur at ljós skal varpast á: - Í verðandi støðu er ómøgu­ligt hjá einum stakum uppi­haldara at keypa egnan búð­stað, tí prísirnir eru alt ov høgir, sigur Jona Johan­sen. Hon heldur, at tað er av stórum týdningi, at okkurt verður gjørt við bústaðarviðurskiftini skjotast gjørligt, men at tað sjálv­sagt skal gerast á ein skila­góðan hátt: - Tað nyttar ikki, at mann fer at byggja okkurt sum minn­ir um eina ghetto, so­ lei­ði­s at samfelagið verður upp­deilt, og fólk fara at siga »har búgva tey fátæku« ella okkurt líknandi, heldur Jona Johan­sen. Hon ynskir eisini at vísa á, hvussu umráðandi tað er at hava eina góða út­ búgv­ing, um ein stakur uppi­ haldari hevur tann møgu­ leik­an: - Um ein vil klára seg sjálv­ an, sum tey flestu okkara vilja, so er umráðandi at hava eina útbúgving, tí ein góð út­ búgving gevur eina góða løn, sigur Jona Johansen. Umstøðurnar eru vánaligar Ingrid M. Jacobsen var eisini partur av panelinum á fundi­num, sum bleiv hildin í Miðlahúsinum. Hon livir einsa­møll saman við dóttrini, og sambært henni er tað tor­ ført at vera einlig mamma í Havn: - Eg haldi, at tað er ótrú­ liga torført at kenna seg sum ein vanligan borg­ara, tá mann er stakur uppi­hald­ari, tí mann livir ofta upp á nái av teimum nærmastu, greiðir Ingrid M. Jacob­sen frá. Hon saknar, at stakir uppi­hald­ arar hava betri møgu­leika fyri lang­tíð­ar­leigu, tí sum nú er búgva nógvir stakir uppi­ hald­arar virðisleyst: - Tað er strævið at flyta ofta, og tá mann ikki býr sama stað serliga leingi, so følir mann seg støðugt heim­leysa, og tað ger barn­ ið jú eisini, sigur Ingrid M. Jacobsen. Óstøðugu bú­stað­ ar­viðurskiftini hava eisini eina stóra ávirkan á psykuna: - Eg royni at vera sterk og positiv, men tað er hart, tá eingin broyting fer fram. Eg rokni við, at nógvar einligar mamm­ur kenna til kensluna av ikki at sláa til á nøkrum økj­um, heldur Ingrid, sum vón­ar, at umstøðurnar hjá stak­um uppihaldarum í Før­ oy­um gerðast betri skjót­ast gjør­ligt. Halla Samuelsen, for­kvin­ na í sosialu nevnd í Tórs­ havn­ar kommunu, var eisini í panelinum mánakvøldið, og sambært henni hevur kommu­nan ætlanir um at men­na barnaansingarøkið, so­leið­is at tað verður lættari hjá stakum uppihaldarum við­víkj­andi ansing av børn­ um: - Vit eru greið yvir, at tað eru fleiri og fleiri, ið arbeiða um kvøldið og um náttina, so tískil vilja vit kanna møgu­leik­arnar fyriat bjóða borgar­unum barnaansing utt­an fyri vanliga arbeiðstíð, sig­ur Halla Samuelsen og vísir á, at børn í kommununi hava møguleika at fara í Margarinfabrikkina og Klubb 188 eftir skúlatíð. Higar­til hevur kommunan mest hugt eftir tørvinum á barna­ansing hjá foreldrum og ikki hjá stakum uppi­ haldar­um. Á kjakfundinum bleiv eisini tosað um eitt nú møgu­leikarnar hjá børnum hjá støkum uppihaldarum at kunna ganga ókeypis til ymiskt frítíðarvirksemi so sum fimleik og fótbólt. Eitt ann­að evnið, ið práta varð um, snúði seg um møguliga stovn­an av einum felag, og hvus­su stakir uppihaldarar ann­ars kunnu blíva meira sjón­ligir, soleiðis at viður­ skift­ini gerðast betur. Randi Jacobsen Klaksvíkar býráð heldur fast við ætlanin um, at eldra­ sambýlið skal byggjast í Svínoy. Á býráðsfundi 27. sep­tem­ ber varð samtykt at fara í gongd beinanvegin. Í gjár samtykti býráðið enda­liga at seta arbeiðið í gongd við at inniloka sam­ býl­ið við navninum Gamli­ garð­ur. Tað arbeiðið hevur eitt byggi­felag sagt seg kunna gera fyri 1,9 mió. krónur. Henda kommunan hevur kommun­an, tí býráðið setti í ár av 1,5 mió. krónur til sam­ býl­ið og aftrat koma tær 4000.000 krónurnar hjá svín­ oy­ing­um. - Í hesum umfarinum verð­ur ikki gjørt meira enn at inniloka, sigur Gunvá við Keldu, borgartjóri í Klaks­vík­ ar kommunu. Hon kom í minniluta í staðbundnu svín­oy­ar­nevnd­ ini. Meirlutin vildi hava húsið innilokað sum skjótast, men Gunvá við Keldu mælti til at taka málið upp við nýggja landsstýrisfólkið fyri at fáa greiðu á tilsøgnunum um íløgu- og rakstrarætlanina. Kommunalu og lands­ myndug­leikarnir eru ikki samd­ir um býtið. Øll verkætlanin er mett at kos­ta fimm mió. krónur. Tað hevur ikki eydn­ast at fáa at vita, um tørvs­kann­ ingin, sum Nær­verk skuldi gera, er liðug. Gunvá við Keldu hevur ikki sæð hana. Tørvurin veldst um, hvussu roknað verður. Í øllum Norðoyggjum er fram­vegis stórur tørvur á røktar­heimsplássum, eisini eftir at nýggja røktarheimið í Klaksvík er tikið í nýtslu. Verður økið avmarkað til Svínoy, er tørvurin av­mark­ að­ur, tí sambært nýggjastu tølu­num standa 35 fólk at búgva í Svínoy. Einligar mammur skulu takast í álvara Soleiðis greiddi ein av luttakarunum frá á kjakfundi um umstøðurnar hjá støkum uppihaldarum, sum Kvinnufelagið í Havn mánakvøldið skipaði fyri Eldrasambýlið í Svínoy undir tak Klaksvíkar kommuna hevur pening til at inniloka eldrasambýlið í Svínoy