mánadagur 28. november 2011síða 20

Mánadagur 28. november 2011 · Nr. 138 20 Sosialurin Hugskot og viðmerkingar – send sms til 225000 Ítróttarblaðið Tað eydnaðist ikki Christian Lamhauge Holst og liðfeløg­unum hansara í Silkeborg IF at fara av vøllinum fyri níggjundu ferð á rað við í hvussu so er einum stigi. Í gjár vitjaði FC Nord­sjællandi á Mascot Park í Silke­borg, og gestirnir fóru til hús aftur við 2-1 sigri. FCN er næst­fremst í superliguni, og sigurin í Silkeborg var undir­striking av, at tað er orduligur vinnaramentalitetur í felag­num, sum eigur heimavøll í Farum. FCN legði seg á odda í 1. hálvleiki, og 2. hálvleikur var tíggju minuttir gamal, tá ið Silkeborg javnaði. So reið um snarið, og tað var ikki fyrr enn tað restaði ein minuttir av vanligu leiktíðini, at FCN skoraði sigursmálið. Bara 1915 áskoðarar hugdu at í vetrarkuldanum í Silke­borg. Teir kundu staðfesta, at føroyski landsliðsspælarin Christian Lamhauge Holst var á vøllinum alla tíðina, og at tað í gjár ikki eydnaðist hon­um at koma í góðar støð­ur frammanfyri málið hjá mót­støðu­liðnum. Eftir seytjan umfør er Silke­ borg á sjeynda plássi við 23 stigum. Leygardagin fær Silke­borg í síðsta umfari undan vetrarsteðginum vitjan av AaB, sum í gjár tapti 2-0 á heimavølli ímóti AGF. Kiksaði hjá Lamhauge Fótbóltur Silkeborg tapti hesa ferð, eftir at tað í átta teimum undanfarnu dystunum hevði eydnast at vinna úrtøku Jóannes Hansen Mikudagin í síðstu viku varð mánaðar­ligi styrkislistin hjá FIFA kunngjørdur. Sambært styrkis­ listanum eiga Føroyar nú 116. stinn­ asta fótbóltslandsliðið í heiminum. Tað eru 204 tjóðir á listanum, og San Marino er niðast. Ovast er Spania, sum er frammanfyri Holland, Týsk­ land og Uruguay, ið eru tey næstu aftan á Spania. Styrkislistin sigur, at Danmark eigur besta fótbóltslandsliðið í Norður­londum. Danmark er á 11. plássi ella eitt pláss lægri enn fyri einum mánað síðani. Svøríki er á 18. plássi, Noreg er nummar 25, Finn­ land er nummar 88, og Ísland er á 104. plássi. Næstu grannarnir fyri sunnan, Skotland, eru á 49. plássi. Fyri einum ári síðani vóru Før­ oyar nummar 131. Hægsta plaser­ ingin síðani tá var tann í august, tá ið listin segði, at Føroyar vóru nummar 111. Styrkislistin er grundaður á, hvussu nógv stig tjóðirnar hava vunnið sær sambært útrokningar­ frymlinum hjá FIFA. Stigatalið hjá Føroyum er hægri nú, enn tað hevur verið rættuliga leingi. Stigatalið er á november listanum 285. Í oktober var tað 257. Frá november 2010 og fram til mars í ár var stigatalið hjá Føroyum 171. Í HM undankappingini, sum tað verður farið undir næsta summar, eru Føroyar í bólki saman við Týsk­ landi (nummar trý á listanum), Svøríki (18), Írland (21), Eysturríki (71) og Kazakhstan (138). joannes@sosialurin.fo Føroyar seks pláss fram Fótbóltur Stigatalið hjá Føroyum á FIFA listanum er hægri, enn tað hevur verið rættuliga leingi Savnsmynd Landsliðið Savnsmynd