mikudagur 21. desember 2011síða 15

15 Mikudagur 21. desember 2011 · Nr. 148 Sosialurin Hugskot og viðmerkingar – send sms til 225000 Vilmund Jacobsen Jóhannus M. Olsen, sum er for­maður í felagnum, sum um­boð­ar línuskipaflotan, sig­ur, at árið í ár hevur roynst held­u­r frægari enn árið í fjør, sum var eitt vánaligt ár. Hann ásannar, at enn vantar tó nógv í áðrenn teir, sum eiga línuskipini, kunnu siga, at raksturin er góður. Meðan veiðivirðið hjá ein­ um miðal línuskipi í fjør lá um einar 8 miljónir krónur, sum er ógvuliga vánaligt, met­ir formaðurin í Felagnum Línu­skipum, at hetta tal í ár ligg­ur um einar 10 miljónir krónur. Bati í eygsjón - Eftir summarfrítíðina í ár fingu línubátar nakrar held­ ur frægari túrar, samstundis sum heldur meiri fekst fyri fiskin. Hetta var ikki tað heilt stóra lopið, hvørki í veiði ella prísi, men tað gjørdi mun. Eg vil siga, at hevði heystið ikki roynst so frægt, sum tað gjørdi, hevði árið í ár verið líka so vánaligt, sum árið í fjør var. Men tíverri fyri línu­bát­ar­ nar helt fræga gongdin sær ikki til ársenda. - Vit hava skilt, at teir, sum framleiða saltfisk, hava fingið trupulleikar við onkr­ um evni, sum brúkt verð­ur í framleiðsluni. Hetta hev­ur elvt til, at tað, sum keypar­ ar­nir vilja lata fyri fisk­in, hevur verið heldur min­ni enn í byrjanini eftir summar­ frí­tíð­ina og í byrjan­ini av heystinum. Gongdin ymisk Jóhannus M. Olsen vísir á, at gongdin hjá línubátunum er ymiskt, og ymiskt er soleiðis eisini, hvussu hetta árið hevur vignast. - Í fjør var Kambur, fyrr­ verandi Jógvan Norði, besti línubátur við einum veiði­ virði, sum táttaði í 16 miljónir krón­ur. Á øðrum plássi var Stap­in, sum fiskaði fyri slak­ ar 14 miljónir krónur. Formaðurin í Felagnum Línu­skipum sigur, at teir, sum liggja ovast í ár, liggja hampi­liga væl fyri, og millum hesar teljast ivaleyst somu bát­ar, sum í fjør, umframt at eitt nú línuskipið Klakkur hev­ur gjørt eitt rímiliga gott ár í ár. - Eg veit ikki í løtuni, hvør línu­bátur liggur allar ovast, men tað er helst onkur av hes­um trimum, sigur hann. Ikki nóg gott Jóhannus M. Olsen vísir á, at tað vil altíð vera soleiðis, at nøk­ur skip roynast betri enn onn­ur, men samanumtikið er raksturin hjá línuskipum ikki nóg góður. - Vit hava havt nøkur vána­lig ár, og tað skal nógv til fyri at rætta upp á gongdina hjá fleiri av skipunum. Tí kunnu vit bara vóna, at gongd­in í komandi ári verður væl betri enn í ár, sigur hann. vilmund@sosialurin.fo Vilmund Jacobsen Jóhannus M. Olsen við­gong­ ur, at dygdin á línufiski ikki altíð hevur verið so góð, sum hon kundi havt verið. - Men nú eru menn um­ borð á nøkrum av okkara línu­skipum vorðnir meiri be­vísti um hesi viðurskifti, so­leiðis at enn størri dentur verð­ur lagdur á at hava góð­ an fisk, tá landað verður. Hann vísir á, at einki er broytt umborð á skipunum við dekki ella last, men at talan heldur er um eina hugburðsbroyting, og at menn eru vorðnir meiri be­ víst­ir um, at skal fiska­prís­ urin gerast betri, er neyðugt við betri góðsku á fiskinum. - Sjálvandi hava línumenn eins og aðrir fiskimenn altíð roynt at gjørt sítt besta, men tað eru nøkur ting, sum kunnu gera støðuna enn betri, og tað er hetta, sum nú sæst aftur umborð á nøkrum av okkara línuskipum. Jóhannus M. Olsen vísir á, at hugburðsbroytingin, sum hann sipar til, eitt nú snýr seg um, at fiskurin ikki slepp­u­r at liggja, áðrenn hann verður kruvdur, at hann verður væl vaskaður og ísaður sum skjótast. - Tað skal ikki so nógv til fyri at broyta og betra tingini eitt sindur. Talan kann eitt nú vera um, at menn ikki fara til kaffi, fyrr enn fiskurin er kom­in til høldar so skjótt og væl sum tilber. Formaðurin í Felagnum Línu­skip­um vísir á, at tað eru skip og manningar, sum hava sæð hugburðsbroytingina aft­ur í frægari fiskaprísum, og í aðrar mátar hevur tað eisi­ni víst seg, at meiri fokus er at dygdini á fiskinum. - Alt kann gerast betri, og vit vóna sjálvsagt, at tann inn­sats­ur, sum menn gera, við tíðini – og helst í nóg stór­an mun - fer at síggjast aft­ur á fiskaprísunum, sigur for­mað­urin í Felagnum Línu­ skip­um, Jóhannus M. Olsen. Línuskip hava fiskað fyri tvær miljónir meiri - Árið í ár er heldur frægari enn í fjør, sum var eitt vánaligt ár. Men enn er langt á mál. Batin, sum vit sóu eftir summarfrítíðina við frægari veiði og betri fiskaprísum, helt sær tíverri ikki, sum vit høvdu vónað, sigur formaðurin í Felagnum Línuskipum, Jóhannus M. Olsen eftir summar­frítíðina í ár fingu línubátar nakrar heldur frægari túrar, samstundis sum heldur meiri fekst fyri fiskin JOHANNUS M. OLSEN tað skal ikki so nógv til fyri at broyta og betra tingini eitt sindur, so dygdin á fskinum verður betri JOHANNUS M. OLSEN - Línuskip hava havt nøkur vánalig ár, og tað skal nógv til fyri at rætta upp á gongdina hjá fleiri av skipunum, sigur formaðurin í Felagnum Línuskip, Jóhannus M. Olsen Mynd: Vilmund Jacobsen Línuskip hagreiða fiskin betri - Umborð á nøkrum línuskipum eru teir farnir at hagreiða fiskin betri, enn teir hava gjørt, og hetta hevur ført til, at meiri fokus nú er á dygdini á línufiski, eins og hetta eisini hevur havt ein ávísan týdning fyri fiskaprísin, sigur formaðurin í Felagnum Línuskipum - Alt kann gerast betri, og tað ber eisini til at økja um dygdina á línufiski, sigur formaðurin í Felagnum Línuskipum, Jóhannus M. Olsen Mynd: Vilmund Jacobsen