fríggjadagur 23. desember 2011síða 34

Jólini 2011 2 blaðið Redaktørur: Eydna Skaale Útgevari: Sosialurin, www.sosialurin.fo Forsíðumynd: Jólatræið á Vaglinum / Álvur Haraldsen Myndamaður: Álvur Haraldsen Blaðfólk: Eyðun Klakstein Eydna Skaale Inna Tørnroos Randi Jacobsen Rannvá G. Fossaberg Snorri Brend Umbróting: Sosialurin Høvuðssniðgevi: Pætur Eyðunsson Jensen Sagt um jól: Jól. Hæddarpunktið av allari desember­stákanini. Í ein mánað hava serliga mammur skrúvað vónirnar um jólini heilt upp í topp. Allir karmarnir eru nú í lagið, og alt tað ytra er komið upp á pláss. Nú má einki kiksa. Men hvat eru eini perfekt jól? Spyrt tú børnini um teirra bestu jól, so minnast tey neyvan, um vindeyguni vórðu pussað, ella um sósin var eitt sindur ov sølt. Kan- ningar vísa, at børn serliga minnast nærveruna, og at tey vóru saman við foreldrunum í friði og náðum uttan at nakað ella nakar órógvaði. Flestu mannfólkini leggja heldur einki í, um hvør skuffa ikki er høvuðsreingjørd, ella um serviettarnir ikki hóska til gardinurnar. Trýstið um tað perfekta kemur tí í stóran mun frá kvinnunum sjálvum. Men eg havi tosað við eina mammu, sum misti nýstoktu gásina á gólvið. Ein onnur hevði riggað væl til, men beint sum dunnan var sett inn í ovnin, gekk ovnurin fyri. Ein triðja mátti í seinastu løtu skaffa Risifrutti til allar jólagestirnar, tí jólagreyturin ikki var etandi. Men tær greiða allar frá kiksaðu jólunum við látri, tí jólini eru so nógv meiri, enn bara tær ytru umstøðurnar. So nógv meiri enn maturin. Hóast okkurt ikki gekk eftir ætlan, so vóru »kiksaðu« jólini tó als ikki verri enn hini – og tey vóru minnilig. Kanska eru jólini ongantíð heilt so perfekt, sum vit minnast tey. Tí ­kanska snúgva jólini seg um nakað heilt annað enn perfektar karmar. Jólini snúgva seg um innihald Tey perfektu jólini Eydna Skaale Jólamaðurin hevur fatur á tí rætta: vitja fólk einaferð um árið Victor Borge danskur skemtari Gleðilig, gleðilig jól, sum kunnu vinna okkum aftur til barndómsins illusjónir, sum kunnu minna tann gamla mannin á hansara ungdóms gleðir, og sum kunnu flyta tann siglandi og ferðandi túsindavís av kilometrum, aftur heim til teirra egnu peis og róliga heim. Charles Dickens, enskur høvundur Eg gavst at trúgva uppá jólamannin, tá eg var seks ár. Mamma mín tók meg við í eina sølumiðstøð at hitta jólamannin, og hann bað meg um mín autograf. Shirley Temple, amerikonsk barnastjørna Jól eru ikki ein tíð á árinum, men ein sinnisstøða. At fremja frið og vælvild, at vísa miskunsemi er at hava rætta jólaandan. Um vit hugsa um hetta, so verður ein frelsari føddur í okkum, og yvir okkum vil ein stjørna lýsa, sum sendir eina glæmu av vón til heimin. Calvin Coolidge, amerikanskur presidentur 1923-29