fríggjadagur 23. desember 2011síða 40

Jólini 2011 8 blaðið lagt til rættis: Inna Törnroos »Frukt er eisini góðgæti« plaga vit foreldur at siga við børnini. Børnini mótmæla, men tá tað kemur til hesi leskiligu súreplini, er tað faktiskt ikki lygn. Tey eru nevniliga ein góð blanding av lekrari frukt og góðgæti Søtasta súrepli Siðurin at gera »Kandiserað súrepli« er upprunaliga enskur, men hevur breitt seg til stóran part av vesturheiminum. Tað ber til bara at drepa súreplini niður í sukurlaka, men lekrast er, um tú eisini stroyir súreplini við nøtum, kokosi ella kanska bommum, áðrenn sukrið er tornað. Sukur Súrepli 8 smá reyð súrepli, til dømis Ingrid Marie, Discovery ella Rubinola 8 træpinnar – antin grillpinnar ella pinnar tú hevur funnið í náttúruni Sukurlaki: 3 dl av melis 1.25 dl vatn 1/2 súpsk. glukosa (fæst á Apotekinum) ella 1/4 tsk edikk Pynt: 2-3 súpsk. av kokos ella 2-3 súpsk. av hakkaðum nøtum Soleiðis gert tú: 1. Gníggja súreplini til tey eru turr og blonk. Set ein træpinn í hvørt súrepli. 2. Blanda tilfarið til sukurlakan í eini grýtu og rør. Lat standa nakrar minuttir. Kóka upp og lat tað kóka á miðalhøgum hita til tað er ljósabrúnt. Ver varin eftirsum tað myrknar skjótt. Drep súreplini í sukurlakan, men ansa eftir fingrunum – tað er sera heitt. 3. Set súreplini á eina smurda bakiplátu. Stroy kokos, nøtir ella bomm yvir súreplini, áðrenn sukurlakin er tornaður. Prei Súreplini verða enn vakrari, um tú letur nakrar dropar av reyðari fruktfarvu í sukurlakan, tá hann er liðugur at kóka.