mánadagur 9. januar 2012síða 6

Mánadagur 9. januar 2012 · Nr. 4 6 Sosialurin Hugskot og viðmerkingar – send sms til 225000 Rannvá G. Fossaberg - Tey, sum halda, at tey gerast popp- ella rokkstjørnur av at luttaka í X-Factor, verða skuff­að, tí í veruleikanum er talan bara um eksponering og einki annað, sigur Uni L. Hansen, sum vil vera við, at tað krevur talent og hart arbeiði at koma upp á tón­ leik­a­toppin. X-Factor er bara undirhald Uni L. Hansen, sum í nógv ár hevur fingist við at um­mæla bæði føroyskan og út­lendsk­ an tónleik, heldur tað verða týdn­ingarmikið, at hyggjarar og tey luttakandi í X-Factor vita, at X-Factor snýr seg um undir­hald: - Sendingarnar eru fyrst og fremst sjón­varps­undir­ hald. Tískil vísir X-Factor á ongan hátt, hvat tað vil siga at liva av tónleiki, og hvussu strævið tað í roynd og veru er. Tað gevur okkum eina illu­ sión av tónleikalívinum, og hvussu vinnan virkar, heldur Uni L. Hansen. Hetta merkir eisini, at størsti parturin av teimum luttakandi ikki hev­ ur tað, sum veruliga skal til fyri at kunna liva av tón­ leikinum: - Vit síggja rættiliga ofta, at tey mangla tað rætta drive´ið. Tað eru tey fægstu av teimum, sum vit síggja í X-Factor, ið eru byrjað á heilt ungum árum at arbeiða ser­ i­øst við tónleiki, og sum eru upp­sett til at arbeiða miðvíst við sangi og tónleiki sigur Uni L. Hansen. Succes krevur hart arbeiði - X-Factor líkist nógv eini ballón: Tað verður pumpað upp til tað heilt stóra, og brád­liga so fer luftin úr, og einki meir hendir, sigur Uni L. Hansen og vísir á, at eingin kemur sovandi til eina veruliga succes innan tón­l­eika­heimin: - Tað krevur hart arbeiði, pengar, talent, vilja og ikki minst tónlistarligan integri­ tet, sigur Uni L. Hansen og heldur áfram: - Tað er ikki nokk bara at duga at skriva sangir ella síggja gott út, um ein skal liva av tónleiki. Mann skal duga ekstremt væl at syngja og framføra og veruliga hava nak­að upp á hjarta, sigur Uni L. Hansen. Sambært tón­leika­um­mælaranum er støðið í X-Factor send­ing­ unum rættiliga ymiskt: - Støðið er so sum so. Onkun­tíð eru tó luttakarar, sum veruliga duga nakað, og sum hava tað rætta, men tað er langt ímillum, heldur Uni L. Hansen. Sjálvur hevur hann eina greiða meining um, hvat tað vil siga at hava X-Factor: - Hevur tú X-Factor, ert tú eitt talent, tú hevur nakað út­yvir tað vanliga, og røddin og stílurin eru sermerkt. Har­ afturat er umráðandi, at tú hvílir í tær sjálvum, sigur Uni L. Hansen, ið heldur, at Teitur er eitt gott dømi upp á ein sang­ara ið hevur X-Factor: - Teitur byrjaði tíðliga og hevur arbeitt hart fyri at røkka sínum máli. Tá tú hoyr­ir hann syngja, ivast tú ikki í, at tað er hann, og júst hetta er við til at gera hann til nakað serligt, heldur Uni L. Hansen. Ídnaðurin er niðursmeltaður Uni L. Hansen heldur, at hó­ast ein vinnur eina sang­ kapp­ing sum X-Factor, so merk­ir tað als ikki, at mann kann liva av tónleikinum: - Orsøkin, til at tað er so torført at klára seg innan tónleikaídnaðin í dag, er, at ídnaðurin er niður­smelt­ aður. Tað er sera trupult at forvinna pening upp á tón­leika­útgávur, og tískil er trupult at fáa nakran at gjalda fyri tær, uttan so at plátu­felagið veit, at íløgan kem­ur innaftur onkur­s­ vegna, greiðir Uni L. Hansen frá. Tónleikarar hava í nógv størri mun enn áður brúk fyri eini stórari áhoyrarafjøld, held­ur tónleikaummælarin: - Fólk, ið liva av tónleiki í dag, liva í stóran mun av at spæla konsertir, og fyri at liva av tí so krevst, at tú hevur eina rættiliga stóra áhoyrara­fjøld. Tí er spurn­ ing­urin, sum ein altíð skal seta sær í samband við lut­ takar­ar­nar í X-Factor, “hevði eg tímað at fari til eina kon­ sert við viðkomandi,” sigur Uni L. Hansen. Teir báðir føroyingarnir, Kristel og Sveinur, sum vit hava sæð sungið seg víðari í X-Factor seinastu tvey fríggja­kvøldini, fáa góð skoðs­mál frá Una L. Hansen: - Tey hava gott sjálvsálit og eru rólig á pallinum. Har­ um­framt hava tey tann fyri­ munin, at tey byrjaðu tíð­liga við tónleikinum tey hava ávísar royndir við at fram­ føra, og tað kann verða teim­ um ein stór hjálp, sigur Uni L. Hansen. X-Factor er ikki vegurin til stjørnurnar X-Factor Danska sangkappingin X-Factor á DR1 er á ongan hátt ein lopfjøl til ta stóru sangkarrieruna hjá ungum, vónaríkum sangarum. Tað heldur Uni L. Hansen, tónleikaummælari