fríggjadagur 13. januar 2012síða 8

Fríggjadagur 13. januar 2012 · Nr. 6 8 Sosialurin Hugskot og viðmerkingar – send sms til 225000 Rannvá G. Fossaberg Tað er vorðið alsamt meira vanligt, at fólk fara í sjón­ varp, har tey syngja, dansa ella okkurt heilt annað fyri síðani at blíva dømd av út­ valdum dómarum. Alt verð­ ur filmað, líka mik­ið hvussu luttakararnir klára seg í hes­ um kapping­un­um, sum fleiri av undir­halds­send­ing­unum seinastu árini hava verið. – Summi av teimum fara har, tí tað er okkurt, sum drívur verkið, og hjá nógvum er tað tráanin eftir at sleppa framat eini mikro­fon, sigur Eyðun Joen­ sen, sum er fyrrverandi klin­isk­ur sálarfrøðingur við psykiatriska depilin á Lands­sjúkra­húsinum. Hann hevur meira enn tredivu ára royndir innan sálarfrøðina. X-Factor er dreymurin Ein av orsøkunum til, at fólk uttan tær stóru sang­gáv­ urnar eisini melda seg til eina kapping sum X-Factor, hevur samband við nakrar grundleggjandi tørvir, sum øll menniskju hava. – Onkrir luttakarar klára seg væl, men vit síggja eis­ ini tey fólkini, sum tað ikki gongst serliga væl hjá. Vit menniskju hava eina fjøl­ táttaða tørvskipan, og hon myndar okkara atferð alt lívið. Í hesi tørvskipanini er eisini ein tørvur sum ekshibitionisma, sum snýr seg um at traðka fram og vísa seg. Hjá summum fólk­ um er hesin tørvurin rætti­ liga dominerandi, sigur Eyð­un Joensen. Í nógvum før­um er tað júst hesin tørv­ urin, sum ger, at fólk verða motiverað til at luttaka í undirhaldssendingum, hóast tey ikki eru serliga væl egn­ að. – Flest øll atferð hjá okk­ um er motiverað av onkrum. Øll menniskju hava dreymar um avrik og eydnu, eisini inn­an tónleik, so tá tey melda seg til eitt nú X-Factor, er tað í vónini, um at teirra tón­ leikatalent skal koma fram, greiðir Eyðun Joensen frá. Tekur synd í luttakarunum Seinastu tvey fríggjakvøldini hava vit sæð ymisk fólk til upptøkuroynd í X-Factor, sum verður víst á DR1 hvørt fríggjakvøld klokkan 19.00. Eyðun Joensen heldur, at tey fólkini, sum ikki klára seg serliga væl til upp­tøku­ royndinar, kunnu fáa tað trupult eftir at hava verið í sjónvarpi. – Eg taki synd í teimum, tí meir enn ein millión fólk hava sæð tey lippað, øst seg og gjørt sær fyri skomm­ um í almennum sjón­varpi. Tá tey so skulu út aftur í gerandisdagin, hava nær­ um øll sæð tey koma illa frá sanginum til upp­tøku­roynd­ ina, sigur Eyðun Joensen. Harafturat heldur hann, at stóra fokusið á luttakararnar, kann gerast ein trupulleiki hjá onkrum teirrra. – Tað kann vera torført at fáa nógva uppmerksomheit upp á stutta tíð. X-Factor er sum ein ballón, ið blæsist upp av Danmarks Radio, og nógv verður gjørt burturúr. Tá tað so er liðugt, brestur ballónin, og tá kunnu tey lut– takandi merkja ein tómleika, tí brádliga er eingin áhugi fyri teimum, sigur Eyðun Joensen. Blachmann stóran týdning Ein av teimum trimum dóm­ arunum í X-Factor 2012 er tann bersøgni Thomas Blach­ man, ið als ikki er bangin fyri at leggja fingrarnar ímill­um, tá hann skal døma lut­takararnar. Hóast tað eru fleiri, ið halda, at hann stundum fer út um mark, so er Blachman týdningarmikil fyri sendingina. – Eg haldi, at Blachman er, soleiðis sum hann er, men hann spælir uttan iva eisini eina rollu. Hann hevur nógv at siga fyri sendingina, tí tað er gjøgnum hann, at vit sum hyggjarar kunnu út­liva nakrar tørvir, so sum agres­ sión og harðskap, greiðir Eyðun Joensen frá og leggur afturat, at tað er ein orsøk til, at vit sum hyggjarar mangan halda tað vera serliga und­ irhaldandi, tá tað gongst luttakarunum minni væl. – Okkum dámar ofta ser­ liga væl, tá tað gongst øðrum illa, og tað hevur aftur nakað at gera við okkara margfaldaðu tørvskipan, sum eisini inniheldur óreinheit og skaðafrøi, sigur Eyðun Joensen. Okkum tørvar X-Factor Tá vit hyggja eftir eini undir­ haldssending sum X-Factor, er tað í stóran mun tí at talan er um eina sending uttan stórvegis tyngd og dýpd. – Hetta slagið av undir­ haldi er ein ómakaleys dag­ d­vølja, sum flestu fólk hava tørv á fyri at koma burtur frá dagsins strevi. Ein stórur partur av tí, sum fjøl­miðl­ arnir dagliga koma við, krev­ur stórt djúphugsni av okkum, og tískil kemur ein sending sum X-Factor væl við, sigur Eyðun Joensen, sum heldur, at fordómarnir í sam­band við X-Factor eru linkaðir. – Nú tora fólk at siga, at tey fylgja við í X-Factor, og tey skammast ikki. Onkursvegna er tað blivið minni ófínt at játta, at mann hyggur eftir tí, sigur Eyðun Joensen. Hann heldur, at X-Factor er blivið so væl umtókt, av tí at talan er um eina sending, sum á ongan hátt setir krøv til hyggjararnar. – Tá vit hyggja eftir X-Factor, kunnu vit taka okkum av løttum, seta okkum væl til rættis í sofuni og njóta eina dagdvølju, meðan vit kunnu gera viðmerkingar, uttan at tað bindur okkum, sigur Eyðun Joensen. Mikrofontráanin drívur verkið í X-Factor – Summi fólk hava eina øgiliga mikrofontráðan og troka seg framat í ólukkumát. Tað eru júst hesar typurnar, sum ofta eru at síggja í eini undirhaldssending sum X-Factor, sigur Eyðun Joensen, sálarfrøðingur Tey, ið melda seg til X-Factor uttan at hava røttu sanggávurnar, gera tað orsaka av eini grundleggjandi tørvskipan, sum øll menniskju hava, sigur Eyðun Joensen, sálarfrøðingur