fríggjadagur 3. februar 2012síða 34

nr. 15 · 3. februar 2012 2 VIKUSKIFTI Hvør dagur er almennur. Eisini teir ringu dagarnir. Ofta hugsa fólk ikki um, at vit arbeiða undir einum øgiligum tíðartrýsti, og tað merkir, at helvtin av innsløgunum eru ikki eins góð, og mann hevði hugsað sær at gjørt tey. Jan Lamhauge, sjónvarpsmaður Super Bowl Eyðun Klakstein eydun@sosialurin.fo Super Bowl er ein av stóru hendingunum í amerikanska samfelagnum – og størst ítróttarhending over there. Super Bowl er árliga finalan í amerikanskum fót­ bólti, og sunnukvøldið verður Super Bowl nummar 46 hildið. Finalan hesaferð verður á Lucas Oil Stadium í Indianapolis, og hetta er bert fjórðu ferð, at Super Bowl verður hildið í einum býi við køldum veðurlagi. Liðini í Super Bowl hesaferð eru New England Patriots og New York Giants. Hetta er eisini eitt rimmar veitslu­ kvøld hjá amerikumonnum, og tað er bara á Thanksgiving, at amerikanarar eta meira kjøt enn til Super Bowl kvøldið, verður sagt. Setti met í USA Síðani Super Bowl fyrstu ferð varð hild­ið í 1967, er finaludagurin blivin størsta ítróttarhending í USA. Sum sjón­varps­undirhald verður tað ikki tikið. Super Bowl eigur metið sum mest sædda sending í sjónvarpi nakrantíð, og áhugin fyri at lýsa í sambandi við Super Bowl er stórur. Tað kostar tó kassan at fáa eina sjónvarpslýsing á skíggjan – ein lýs­ing á 30 sekund kostar slakar 20 millión­ir krónur. Tað er serliga í USA og har á leið, at áhugin fyri amerikanskum fótbólti og Super Bowl er ovurhonds stórur, og tað er eisini serliga tann áhugin, sum ger Super Bowl til eina ta mest sæddu ítróttarhendingina í sjónvarpi í heim­ inum. Men Super Bowl hevur ikki eins nógvar hyggjarar kring heimin, sum finalan í Champions League fótbólts­ kapp­ingini hjá UEFA hevur. Tað verður nógv gjørt burtur úr undir­haldinum í hálvleikinum, og hesaferð skal Madonna framføra. Song­ kvinnan Kelly Clarkson skal syngja tjóð­sangin áðrenn finaluna. Tíðarmunurin millum okkum og USA ger, at finalan verður til náttar­ sjón­varp, men tað ber til at fylgja bæði upp­hiting og sjálvum brakinum á rásini TV3+ sunnukvøldið frá klokkan 21.00. Karamellu­ eskjur til av­heintingar… Redaktørur: Eyðun Klakstein Útgevari: Sosialurin, www.sosialurin.fo Umbróting: Sosialurin · Høvuðssniðgevi: Pætur Eyðunsson Jensen Forsíðumynd: Anna Elisabeth Iversen / Rebekka Rafael klumman Hilmar Jan Hansen Sunnukvøldið verður Super Bowl nummar 46 hildið í USA. Hetta er finalan í amerikanskum fótbólti og samstundis størsta ítróttarhending í USA Størsta ítróttar­ kvøld í USA So var aftur verkfall, og tað er sjálvandi eitt sindur keðiligt fyri tey, ið verða rakt. Tað er tað altíð, men soleiðis er tað bara. Í hesum føri mugu foreldur at smærri børnum leita sær ansingarhjálp frá ommum og abbum, umframt at nøkur børn ikki sleppa í skúla, tí stuðlar teirra eru í verkfalli. Her er altso talan um eitt vanligt verkfall, ið rakar nøkur, meðan tey allarflestu ikki merkja nakað til tað. Pedagogarnir sita við Svartaperi, eftir at hava verið við í einum sokallaðum samstarvi við Starvsmannafelagið, Lærarafelagið og Havnar Arbeiðskvinnufelag, tí hesi hava í vikuni gjørt sáttmálar fyri seg. Onkur skrivaði undir sáttmála við ongari krónu í framgongd og ein annar fjaldi krónurnar, so tær nú eru í lønartalvuni og ikki sáttmálanum. Við at tosa um differentiering – eitt fremmandaorð, limirnir mugu sláa upp – hava fleiri av formonnunum í feløgunum gjørt støðuna uppaftur fløktari. At eitt av feløgunum fór í verkfall og hini bara lótu, sum hevði tað einki við tey at gera, gevur helst góðan gróður undir gomlu sangregluna hjá Hans Andriasi, sum sang um ljós yvir landið og staðfesti, at »saman at halda var ei okkum givið«. Støðan á almenna arbeiðsmarknaðinum júst nú fortelur tað sama, tí hóast tað var ein feilur, ein »krúlla«, sum sendi pedagogarnar út í verkfallið, so løgdu hini feløgini ikki ein lort í tað, men skrivaðu undir sáttmálar við ongum innihaldi, heldur enn at stilla seg undir liðini á pedagogunum! Sum onkur tók til, so hevði hetta »ikki gingið við Ingeborg«. Nei, tað hevði tað so sanniliga ikki, tí hon var til eina og hvørja tíð før fyri at fáa arbeiðsgevararnar at rista í brókunum. Ikki, tí hon var óðari ella óblíðari enn nakar annar, men tí at hon helt fast við tað, hon helt vera rætt – og hon bakkaði ikki, bara tí tað lotaði úr onkrum kjafti! Nú verður ikki hildið fast við nakað sum helst, fakfeløguni spjaðast í allar ættir, og tað hevur ongantíð verið lættari enn tað sama at verið arbeiðsgevari her á landi, tí har er hvørki mótspæl ella mótstøða! Tá flatskatturin og pensjónirnar vóru á skránni, leikaðu fakfeløgini í við tómum orðum og karamellueskjum, men fingu heldur ikki tá sett eld í síni egnu. Nú eru mestsum øll kropin undir krossin og hava givið seg so undir arbeiðsgevararnar, at klárt er at sløkkja respiratorin, so lýsast kann við andlátinum hjá fakfelagsrørsluni. Ella, sum onkur skrivaði á Facebook: »Lítið brúkt Roses- karamellublikk við loki, ljóðar sum ein dreymur, fæst við at avheinta tað…« So segði hann... Sunnukvøldið bresta New York Giants og New England Patriots saman í Super Bowl mynd: polfoto