fríggjadagur 17. februar 2012síða 22

Fríggjadagur 17. februar 2012 · Nr. 21 22 Sosialurin Hugskot og viðmerkingar – send sms til 225000 Ítróttur flogbóltsfinalur Hilmar Jan Hansen Í finaluni hjá kvinnunum møtast tvey av trimum liðum, ið hava myndað toppin í Eik-liguni í vetur, umframt at hetta er endurtøka av finaluni í fjør. Tá skuldu fimm sett til, áðrenn Mjølnir kundi lata seg heiðra sum steypavinnari, og í ár er minst líka sannlíkt, at talan verður um eina javna og tætta finalu, nú SÍ aftur stendur hinu megin netið. – Vit hava spælt ímóti Mjølni tvær ferðir í vetur og tapt báðar ferðir, hóast dystirnir hava verið øgiliga tættir. Um vit spæla upp til okkara besta og eru fult uppsettar, sigur Karin Mikkelsen í SÍ. – Allar eru væl fyri og klárar til ta stóru avbjóðingina, sum ein steypafinala altíð er. Fyri okkara viðkomandi fara vit á vøllin við einum lutfalsliga nýggjum liði, har fleiri av teimum, ið spæla fast inni, ikki hava spælt steypafinalu fyrr. Okkara styrki er, at vit standa øgiliga væl saman sum eitt lið, sjálvt um nógvar eru nýggjar. Skal tosast um ein favoritt í kvinnufinaluni, so má tað vera Mjølnir, sum síðsta kappingarár vann greipuna og higartil í ár hevur verið oddalið í Eik-liguni – enntá uttan at hava tapt nakran dyst. Men allíkavæl eru tær í Mjølni ikki nógv fyri at leggja alt trýstið á seg sjálvar: – Liðið hjá SÍ er ikki akkurát tað sama sum í fjør, tá vit spældu ein fimmsettara í finaluni, og eg vildi hildið, at minni munur er á liðunum nú, enn tað var tá. Báðir dystirnir okkara millum í landskappingini hava eisini verið tættir, har vit vunnu annan 3-2 og hin 3-0, men við øgiliga jøvnum settum allan vegin ígjøgnum, sigur Eina Kalsø í Mjølni. – Hjá okkum er eingin spælari skaddur, so vit eru væl fyri at spæla finaluna. Bæði lið plaga at serva væl, men okkara styrki er kanska, at vit hava størri spælarar og stóra slagstyrki. Og so hava vit eisini Margit, sum við sínum stóru royndum kann tetta holini og í sínum liberospæli ganga undan. hilmarjan@sosialurin Hilmar Jan Hansen Hjá monnunum er Mjølnir við í finaluni triðja árið á rað, men eydnan hevur ikki verið við tey bæði undanfarnu, og í fyrraárið var júst SÍ við yvirlutan. Tí fer Mjølnir eftir at fáa revansju, samstundis sum hetta er mest umráðandi dyst­urin hjá klaksvíkingunum, ið bara kunnu koma í FM-finaluna, um eitt ella annað undur hendir á vegnum. – Vit eru so klárir, sum vit kunnu vera tað, og tað hevur verið hugaligt at vant hesa vikuna, tí vit hava verið fleiri, enn vit plaga. Til hesa síðstu venjingina vóru vit 14 mans, so tað er serliga stuttligt hjá okkum, sum ofta hava verið fáir, sigur Thorvald Danielsen í Mjølni. – Eg skal ikki dylja fyri, at í míni verð er SÍ stórfavorittur, tí í allan vetur hava sørvingar havt nógv tað besta liðið, sum stigatalvan eisini vísir. Teir eru longu í FM- final­uni, meðan vit mugu leggja alt í steypafinaluna, sum kann gerast okk­ara einasti kjansir at vinna nakað í vetur. Vit vita, at spæla vit upp til okkara besta, so eru vit góðir, og vit eru sera spentir til henda dystin. Sørvingar ætla, sum vera man, ikki at leggja seg flatar, fyri tað um teir longu hava tryggjað sær pláss í FM-finalunum, tí vinna teir steypafinaluna, so hava teir møgu­ leikan greipuna fyri fjórðu ferð, sum er meira enn nakað annað manslið hevur klárað. – Okkara lið er øgiliga væl fyri, sum kappingin eisini hevur víst, og vit hava eina góða blanding av ungum og royndum spælarum. Breiddin er stór, tí ungdómsarbeiðið er okk­ara styrki, so vit alla tíðina kunnu seta ungt fólk við, sigur Jón Nielsen í SÍ. – Vit og Mjølnir kennast rættiliga væl, tí vit spæla so nógvar dystir ímóti hvørjumøðrum ígjøgnum vet­ ur­in. Tað liðið, sum heldur høvdið kalt og ikki fær ov nógvar nervar, vinn­ur dystin. Hjá okkum ræður um at hugsa um okkara egna spæl og at gera tað á vøllinum, sum vit duga best. Vænta javna finalu Kvinnuflogbóltur Dystirnir millum Mjølnir og SÍ higartil í vetur hava verið javnir, hóast Mjølnir hevur vunnið teir, og báðir partar vænta eisini eina javna steypafinalu JAVNT OG TÆTT Aftur í ár hittast Mjølnir og SÍ í steypafinaluni hjá kvinnunum, og út frá úrslitunum í vetur, kann saktans roknast við, at talan aftur í ár verður um ein fimmsettara Mynd: Álvur Haraldsen Liðini kennast væl Mansflogbóltur Hjá Mjølnir er steypafinalan einasti møguleiki at vinna nakað, men SÍ vil samstundis taka fyrsta sporlið í royndini at vinna greipuna fyri fjórðu ferð Hilmar Jan Hansen Í steypafinaluni hjá kvinnum í fjør var fyri fyrstu ferð ein kvinna annardómari, tá Rúna Hentze dømdi saman við manni sínum Jan Hentze, sum er altjóða flogbóltsdómari. Í ár verður tikið eitt stig aftrat, tí hesa ferð verður Randi Larsen í Fuglafirði annardómari í kvinnufinaluni og Rúna fer upp at vera annar­ dómari í mansfinaluni. Báðar eru við í dómarabólkinum og hava dømt í fleiri ár. – Vit royna at eggja fleiri kvinn­um til at døma, og vónandi fáa fleiri eisini hug, tá tær síggja, at tað ber til at koma langt sum kvinnuligur flogbóltsdómari í Føroyum. Í dómarabólkinum eru bara tríggjar kvinnur og sjey menn, so vit kundu hugsað okk­um at fingið fleiri kvinnur við, sigur Jan Hentze, ið sjálvur er dómari í steypafinalunum átt­ anda árið á rað. Hann sigur, at steypa­finalur­ nar altíð eru nakað heilt serligt, tí allir miðlarnir eru har og ein rúgva av áskoðarum, so karm­ arnir eru fantastiskir. Eitt nú er gangurin inni í ítróttarhøllini á Hálsi so nógvur, at tað er neyð­ ugt at floyta harðari, so spæl­ ararnir eisinin hoyra tað. – At vit so eisini hava tveir kvinnuligar dómarar við, ger kanska uppgávuna lættari, tí eg haldi meg hava sæð, tá eg havi dømt saman við Rúni, at tað leggur ein ávísan dempara á. Í øllum førum brúka menninir meira kjaft ímóti mær enn ímóti henni, flennur Jan Hentze, ið ásannar, at trotið á kvinnu­ ligum dómarum ikki er nakar ser­føroyskur trupulleiki. – Sum altjóða dómari síggi eg tað sama, at menninir domi­ nerað nógv í dømingini. Runt um í øllum Europa eru kanska 3-400 altjóða dómarar, men av teim­um eru ikki meira enn 30- 40 kvinnur. Og tær, sum eru, standa seg fantastiska væl og eru minst líka góðir dómarar sum menninir, so tað er nokk ein spurn­ingur um at fáa tær at halda seg til. hilmarjan@sosialurin.fo Kvinnur døma Flogbóltur Randi Larsen verður annardómari í kvinnufinaluni og Rúna Hentze í mansfinaluni, og altjóða dómarin, Jan Hentze, verður fyrstidómari í báðum finalunum Steypafinalur Leygardagin 18. februar 13.30 Mjølnir-SÍ kvinnur 15.30 SÍ-Mjølnir menn Sunnudagin 19. februar 13.00 Fleyr-Mjølnir kvinnuungl. 14.15 TB-Fleyr mansunglingar 15.30 Fleyr-ÍF gentur 16 16.45 SÍ-ÍF dreingir 14 18.00 SÍ-Ternan dreingir 16 19.15 Fleyr-Dráttur gentur 14