fríggjadagur 24. februar 2012síða 34

nr. 24 · 24. februar 2012 2 VIKUSKIFTI Rigmor Dam kann fara heim ímillum tveir tingfundir at tøma uppvaskimaskinuna, men tað kunnu útjaðarapolitikarar ikki. Bill Justinussen, løgtingsmaður X Factor Eyðun Klakstein eydun@sosialurin.fo Mikudagin mátti Sveinur Gaard Olsen gevast at venja nýggja sangin til X Factor kappingina í kvøld. Seinastu dag­arnar hevur Sveinur verið sjúkur, og miku­dagin gekk tað so illa við at syngja, at hann noyddist at gevast. – Eg fekk í grundini slettis ikki sung­ið, so eg varð sendur til lækna og so heim. Eg skuldi bara hvíla meg og ansa eftir mær sjálvum. Eg havi havt fepur og ilt í hálsinum, men tað er blivið fræg­ari nú, segði Sveinur Gaard Olsen á tíðinda­fundi hjá X Factor í gjár. – Eg rokni við at verða væl fyri til fríggjakvøldið, og áðrenn mann skal á pallin, fær mann jú eitt adrenalin kick, sum eisini hjálpir, sigur hann. Aftur í 80’ini Í kvøld er dance-tónleikur evnið fyri framførslunum. Tað er langt frá heima­ vøllur hjá Sveini, men hann hevur funnið ein sang, sum honum dámar væl og kennir seg tryggan við at framføra. – Vit lurtaðu eftir nøkrum sangum, sum eg kundi syngja, men eg kendi einki av tí. So heldur enn at fara at taka okkurt av hesum nýggja plastikk­tón­ leikinum, valdi eg heldur at fara aftur í 80’ini og finna okkurt meira kitch, og so fall valið á Blue Monday hjá New Order, greiðir Sveinur frá. 9 luttakarar komu víðari til live­ showini, og nú eru tvey farin burtur­ av. Sveinur hevur ikki verið í vanda enn, men hann roynir at hugsa sum minst um, at talan er um eina tónleika­ kapping. – Tað er kanska mótsigandi X Factor konseptinum, men tað ber ikki til at kappast um tónleik. Tað er nakað, sum vit eru felags um, og eg vil fram um alt annað gera tað, sum eg kann standa inn fyri í hesi kappingini, sigur Sveinur. X Factor er aftur á skránni á DR1 fríggja­kvøldið kl. 19.00 Billeysa tilveran Redaktørur: Eyðun Klakstein Útgevari: Sosialurin, www.sosialurin.fo Umbróting: Sosialurin · Høvuðssniðgevi: Pætur Eyðunsson Jensen Forsíðumynd: Greta Svabo / Mynd: Katrin Svabo Bech klumman Randi Jacobsen – Eg fekk í grundini slettis ikki sungið, so eg varð sendur til lækna og so heim, sigur Sveinur Gaard Olsen um sangvenjingina mikudagin. Í kvøld ætlar hann sær tó at verða klárur á X Factor pallinum, har tvær milliónir danir fylgja við Sjúka hevur argað Svein Eg var ikki so sorgarbundin, tá ið mín elskaði, fitti gulur bilur gekk fyri fyri nøkrum síðan, tí eg hevði hugsað um at spara bilin burtur. Men tað var ikki sum at siga tað, og leingi skeitti eg í lýsingar eftir brúktum bilum. Eg fall tíbetur ikki fyri nakrari freisting, og tá ið eg fekk arbeiði í Miðlahúsinum, var ikki so neyðugt longur at hava bil. Bussurin koyrir næstan frá hurðini oman í miðbýin, og bara nakrir fáir minuttir eru at ganga til arbeiðsplássið. Tað sama heim aftur. Bara 20 minuttir eru millum bussarnar. Eg sleppi frá at leita eftir parkeringspássi og at renna út av og á at flyta parkeringsskivuna, soleiðis sum nógv onnur gera. Tá ið veðrið er gott, er eisini deiligt at ganga til arbeiðis. Serliga hesa tíðina, tá ið ljósið er sjáldsamt um morgunin, og planturnar spríkja fram. Á veg niðan aftur til bussin kann eg fara til handils. Eitt fáment húshald krevur ikki tað nógva keypið, og serliga ikki hjá okkum, ið sum oftast hava nakað av døgurðamati í boksini. Eitt er frælsi, men tað er eisini áhugavert sosialt at koyra við Bussleiðini. Har eri eg komin at kenna fleiri fólk, eisini børn og ung. Onkuntíð er einki nakað at frætta í bussinum. Saman um tikið fati eg ikki, at fólk, sum búgva í býnum og arbeiða í býnum, tíma at taka bilin við sær til arbeiðis. Eg havi grannar, sum lata bilin standa heima, tá ið tey fara til arbeiðis. Ongar bøtur. Eingir parkeringstrupulleikar. Hóast samvitskan yvir fyri ozonlagnum er góð, má eg viðganga, at tað eru løtur, tá ið eg sakni bilin. Serliga um summarið. Frælsiskenslan við at seta seg í bilin og koyra avstað út í náttúruna ella til annað stað í landinum, tá ið tað hóvar mær. Jú, rætt er, at Bygdarleiðir koyra, men hundur mín sleppur ikki við bussinum, tí hundurin er ov stórur til at koyra í eina tasku ella í lumman. Tað er keðiligt og eftir mínum tykki órímiligt. Eins og mær dámar hundinum væl at ferðast. Men ráð eru fyri øllum. So segði hann... – Tað er kanska mótsigandi X Factor konseptinum, men tað ber ikki til at kappast um tónleik. Tað er nakað, sum vit eru felags um, og eg vil fram um alt annað gera tað, sum eg kann standa inn fyri í hesi kappingini, sigur Sveinur Gaard Olsen Mynd: DR tilvildarlig mynd