mánadagur 27. februar 2012síða 8

Mánadagur 27. februar 2012 · Nr. 25 8 Sosialurin Hugskot og viðmerkingar – send sms til 225000 Gott ár hjá Atlantic Petroleum Hóast árið ikki gjørdist so gott, sum upprunaliga var roknað við, er Ben Arabo kortini nøgdur við úrslitið, sum vísti eitt avlop á 66,6 milliónir eftir skatt Leo Poulsen 127,5 milliónir stóðu á nið­ astu linju áðrenn skatt, og tað var heldur lakari enn upprunaliga metingin segði. – Vit hava framleitt góðar 2000 tunnur av olju í meðal um dagin, men hóast tað er heldur minni enn vit væntaðu tá árið byrjaði, so var oljuprísurin ógvuliga góð­ur. Vit fingu í meðal 108 doll­arar fyri tunnuna, og tað er væl meira enn teir 100 dollararnir, sum vit høvdu roknað við, sigur Ben Arabo, stjóri í Atlantic Petroleum. 66,6 milliónir krónur vórðu í avlopi, tá skatturin var goldin, og við tí er eginognin hjá felagnum vaksin upp til 444,4 milliónir krónur. – Tað, sum veruliga hevur havt týdning hjá okkum, er at vit hava tvífaldað leitiloyvini gjøgnum árið, og tað hava vit nýtt nógva orku upp á. Vit eru nú til reiðar at fara undir at bora tríggjar brunnar, har tann fyrsti verður settur á innan fyri 14 dagar, tann næsti verður boraður í juni saman við Statoil á Brugdan II økinum, og so hava vit lagt ein brunn aftrat til rættis at bora í ár í Norðsjólnum, sigur Ben Arabo. Tað merkir, at boriaktivi­ tet­urin verður munandi størri í ár, enn hann var í fjør. Felagið er eisini væl fyri fíggjarliga. – Lániskuldin er komin niður á góðar 104 milliónir, havav 65 milliónir er lang­ freistað skuld, so fíggjarliga er felagið munandi betri fyri enn tað var fyri tíð síðani. Men tað, vit fáast við, krevur nógvan pening, og tí eru vit rættiliga varnir soleiðis, at vit hava ráð at taka av, tá rætta tilboðið kemur, sigur Ben Arabo. Góð útlit Fyri framman liggja nøkur fund í syðra parti av Norð­ sjónum. – Har skulu vit bora fyri at fáa staðfest, um fundini eru í rakstrarverdum nøgdum. Og hartil koma so teir tríggir áðurnevndu brunnarnir, men vit eru eisini alla tíðina úti um okkum at útvega fleiri brunnar, sigur Ben Arabo. Onkrir av hesum brunn­ unum verður boraður í ár, men onkur liggur longur frammi í 2013. Tað er avbjóðingin at tryggja, at Atlantic Petroleum eisini hevur nakað at gera um fimm ár, sigur Ben Arabo. Framleiðslan verður á sama støði sum í fjør. – Vit rokna við at fram­ leiða eitt stað millum 700.000 og 800.000 tunnur upp á ársbasis, og í peningi meta vit at koma upp á eitt stað millum 200 og 270 milliónir krónur áðrenn avskrivingar og skatt, sigur Ben Arabo. Hesar metingarnar eru gjørdar út frá varligum olju­ prísum. – Vit hava valt at gera met­ ingarnar út frá einum olju­ prísi sum sigur 100 dollarar fyri tunnuna, og tað er varis­ liga mett, tí oljuprísurin í løtuni er væl oman fyri tað, sigur Ben Arabo. Ben Arabo, stjóri á Atlantic Petroleum, heldur, at árið hildnaðist væl, hóast framleiðslan var heldur lakari enn upprunaliga mett Leo Poulsen Tað var mest sum av tilvild, at Durita Brattaberg fekk starvið sum stjóri fyri opera’ini í Ringsaker. Eg sang við í operakórinum tá starvið var lýst leyst, og eg søkti so og fekk tað, hóast eg ikki hevði tær neyðugu royndirnar, sigur Durita Bratta­berg. Hon fekk starvið, sum er áramáls sett í fýra ár, og tá tey fýra árini vórðu farin søkti hon av nýggjum og fekk starvið aftur. Durita er útbúgvin innan biologi og hon hevði arbeitt við verkætlanum, sum er nakað tað sama, sum starrvið í Ringsaker Opera’ini. Eftir seks árum í Ring­ saker Opera’ini metti Durita Brattaberg, at tíðin var komin til at royna nakað nýtt, og tá møguleikin beyðst, søkti hon starvið sum stjóri í nýggja mentanarhúsinum, sum í løtuni verður bygt í Hamar. Talan er um eitt rættiliga stórt hús, sum er 15.000 fer­ metrar. Tað skal húsa sjón­ leikinum í Hedemark og uppland, har verður eitt stórt bókasavn og venjingarhøli til kórsang og annað, umframt ein stóran sal. Roknað verð­ur við einum vitjanartali mill­ um 700.000 og 800.000 fólk, so talan er um mest týdn­ ingar­mikla húsið millum Oslo og Trondheim, sigur Durita Brattaberg. Herðaklapp Durita Brattaberg treivst væl í Risaker, men føldi sam­ stundis, at henni nýttist nýggjar avbjóðingar. Samstundis visti eg jú ikki, nær eitt starv innan ment­anina aftur gjørdist leyst at søkja, og tí gjørdi eg av at royna hetta, sigur Durita Brattaberg. Í blaðnum ostlendingen. no verður Durita Brattaberg umrødd, og tað er ikki hissini herðaklapp hon fær við á veg­num. Sjálvandi er tað altíð huga­ligt at fáa rós, men tað arbeiði eg havi gjørt í Ring­saker havi eg ikki gjørt einsamøll, tað ber stutt sagt ikki til. Vit hava eitt gott stýri og góð fólk, sum hava sett út í kortið hvørja leið vit skulu halda, og eg skal avgjørt ikki taka mær ærina fyri tað sjálv, sigur Durita Brattaberg. Hon tekur væntandi við starvinum 1. juni, og hon verð­ ur sum nevnt við at byggja nýggja mentanarhúsið upp frá grundini. Durita skal menna mentanina í Hamar Eftir seks ár sum stjóri fyri Opera’ini í Risaker er tíðin nú komin til, at Durita Brattaberg skiftir starv. Hon skal frameftir verða leiðari fyri einum risastórum mentanarhúsið, sum í løtuni er undir bygging í Hamar Durita Brattaberg er sera væl umtókt sum stjóri á Ringsaker Opera’ini, men frá 1. juni verður tað nýggja mentanarhúsið í Hamar, sum fær gleði av henni