fríggjadagur 2. mars 2012síða 30

Fríggjadagur 2. mars 2012 · Nr. 27 30 Sosialurin Hugskot og viðmerkingar – send sms til 225000 Ársaðalfundur í P/F Atlantic Petroleum Boðað verður við hesum til ársaðalfund í P/F Atlantic Petroleum at verða á Hotel Hafnia, Áarvegur 4 - 10, 100 Tórshavn leygardagin tann 24. mars 2012 kl. 10.00 við hesi fundarskrá: 1. Val av fundarstjóra. 2. Frásøgn nevndarinnar um virki felagsins í farna roknskaparári. 3. Framløgu av grannskoðaðum ársroknskapi til góðkenningar. 4. Góðkenning av nevndarsamsýning fyri 2011 og 2012. A. Góðkenning av nevndarsamýning fyri 2011. Nevndin skjýtir upp at aðalfundurin góðkennir faktisku nevndarsamýningina fyri 2011 á kr. 1.329.225,00 B Góðkenning av støði fyri nevndarsamsýning fyri 2012. Nevndin skjýtir upp, at støði fyri nevndarsamsýning fyri 2012 verður hetta: • Støðisnevndarsamsýningin skal vera kr. 220.500,00 • Formaðurin móttekur 2,00 ferð støðisnevndarsamsýningina • Næstformaðurin móttekur 1,50 ferð støðisnevnndarsamsýningina • Vanligur nevndarlimur móttekur 1,00 ferð støðisnevndarsamsýningina. • Formaðurin fyri samsýningarundirnevndina móttekur 0,50 ferð støðisnevndarsamsýn­ ingina afturat vanligu nevndarsamsýning síni. 5. Avgerð um nýtslu av yvirskoti ella rindan av halli sambært góðkenda roknskapin og ársfrágreiðing. Nevnd felagsins mælir til, at avlopið sambært góð­ kenda roknskapin verður flutt fram til næsta ár. 6. Val av nevnd. Tríggir nevndarlimir standa sambært viðtøkunum fyri vali fyri eitt 2 ára skeið, nevniliga: Jan Edin Evensen, Diana Leo og David Archibald MacFarlane. Nevndin skjýtur upp afturval av teimum nevndarlimum, ið standa fyri vali. 7. Val av grannskoðara, ið situr til næsti vanligi ársaðalfundur er lokin. Grannskoðari felagsins er Sp/f Grannskoðaravirkið INPACT løggilt grannskoðaravirki, R.C. Effersøesgøta 26, 100 Tórshavn. Nevndin skjýtur upp afturval av verandi grannskoðara felagsins at sita til næsta ársaðalfund. 8. Heimild til nevnd felagsins til at keypa egin partabrøv. Nevndin skjýtur upp at aðalfundur felagsins broytir verandi heimild hjá nevnd felagsins til at keypa egin partabrøv til at vera soljóðandi: ”Heimilað verður nevnd felagsins til felagsins vegna í tíðarskeiðnum frá 24. mars 2012 til 23. mars 2017 at keypa egin partabrøv. Nevndin kann felagsins vegna í mesta lagi keypa egin partabrøv upp til tað punkt har áljóðandi virðið á øllum teimum egnum partabrøvum, sum felagið eigur, er 10% av áljóðandi virðinum av partapeningi felagsins og hetta til ein kurs, sum ikki kann víkja meiri enn 10% frá noteraða kursinum á partabrøvum felagsins ið handlaði verða á børsmarknaðinum hjá NASDAQ OMX í Keyp­ mannahavn tá keypt verður.” 9. Viðtøkubroytingar Harumframt ynskir nevndin at skjóta upp hesar broyt­ ingar í viðtøkum felagsins: A 1. Í § 6 verður talið “14” broytt til “21 dagar”, annars verður ásetingin óbroytt. A 2. Harumframt verður orðingin “á heimstaði felagsins” í fyrstu linju í § 6 at strika og henda áseting at seta inn afturat sum nýtt stk. 2 í § 6: “Aðalfundir felagsins verða at halda á heimstaði felagsins í Tórshavnar kommunu í Føroyum, í Keyp­ mannahavnar kommunu í Danmark ella í London í Onglandi.” A 3. Harumframt verður henda áseting at seta inn sum nýtt stk. 3 í § 6: “Aðalfundur í felagnum verður, alt eftir nevndarinnar avgerð, hildin á føroyskum ella enskum máli.” B Ásetingarnar í § 2 stk. 2, § 3 stk. 2 nr. 4, § 3 B stk. 1 nr. 4 og í § 3 D stk. 2 nr. 4 í viðtøkum felagsins, ið eru soljóðandi: “Eingin partaeigari kann eiga meira enn 20% av partapeninginum í felagnum og eingin kann greiða atkvøðu á aðalfundi í felagnum við meira enn 20% av atkvøðunum. Løgfrøðiligir persónar, ið innanhýsis eru so tætt knýttir hvør at øðrum, at annar hevur avgerðandi ávirkan á viðurskiftini hjá hinum, verða at meta sum ein í mun til hesa ognar­ og atkvøðu­ avmarking, soleiðis at hesir løgfrøðiligu persónar tilsamans bert kunnu eiga og greiða atkvøðu fyri í mesta lagi 20% í partapeningi. Sum dømi um slíkt tætt tilknýti millum løgfrøðiligar persónar, ið fevnt er av hesi grein, kunnu nevnast: – innanhýsis viðurskifti millum partafeløg, ið eftir ásetingunum í § 2 í partafelagslógini eru at meta sum koncernbundin; – innanhýsis viðurskifti millum aðrar løgfrøðiligar persónar og partafeløg, har hesir aðrir løgfrøðiligu persónar eiga meira enn ella hava rætt til at greiða atkvøðu fyri meiri enn 50% av partapeninginum í partafelagnum; – innanhýsis viðurskifti millum almennar stovnar.” umframt inngangsorðingin í § 3 stk. 2 nr. 4, § 3 B stk. 1 nr. 4 og í § 3 D stk. 2 nr. 4 í viðtøkum felagsins, ið eru soljóðandi: ”Fyri nýggju partabrøvini er eisini galdandi henda avmarking í ognar­ og atkvøðurættinum til partabrøv í felagnum:” verða allar at strika. C. Verandi § 8 verður strikað og nýggj áseting við hesum innihaldi sett í staðin: “Ein og hvør partaeigari hevur rætt til at fáa eitt ávíst evni sett á dagsskránna á vanliga aðalfundinum sbr. tó annað og triðja punktum. Verður kravið herum sett fram í seinasta lagi 6 vikur fyri, at aðalfundurin skal haldast, hevur partaeigarin rætt til at fáa evnið við á dagsskránna. Fær felagið kravið seinri enn 6 vikur fyri at aðalfundurin verður hildin, ger nevndin av, um kravið er sett fram í so góðari tíð, at evnið kann verða sett á dagsskránna.” D. Verandi § 9 verður strikað og nýggj áseting við hesum innihaldi sett í staðin: “Eyðkaaðalfundur skal verða hildin, tá ein aðalfundur, nevndin ella aðalfundarvaldi grannskoðari felagsins krevja tað. Eykaaðalfundur skal innkallast í seinasta lagi 2 vikur eftir at hetta skrivliga verður kravt av partaeigarum, ið tilsamans eiga minst 5 % av partapeninginum, til viðgerðar av einum ávísum samstundis tilskilaðum evni.” E. Verandi § 10 verður strikað og nýggj áseting við hesum innihaldi sett í staðin: “Í einum samanhangandi tíðarskeiði uppá 3 vikur, ið byrjar í seinasta lagi 3 vikur undan aðalfundinum, íroknað tann dag, tá aðalfundurin verður hildin, skal felagið í minsta lagi lata hesar upplýsingar vera atkomuligar fyri partaeigarum sínum á heimasíðu síni: innkalling, upplýsingar um samlaða talið av partabrøvum og atkvøðurættindum á innkallingar­ degnum, tey skjøl, sum skulu leggjast fram á aðalfundinum, dagsskrá og fullfíggjaðu uppskotini, umframt oyðubløð, sum skulu nýtast við fulltrúa­ og brævaatkvøðu.” F 1. Í § 11 verður henda áseting at seta inn fremst: “Rætturin hjá einstøku partaeigarum felagsins til at luttaka á aðalfundi og at greiða atkvøðu í sambandi við partabrøv síni verður ásettur í mun til tey partabrøv, sum viðkomandi partaeigarar eiga skrá­ setingardagin. Skrásetingardagurin er 1 vika, áðrenn aðalfundurin verður hildin. F 2. Annars verða hesar ásetingar í § 11: “Hvør partaeigari hevur rætt til at møta á aðalfundi­ num, um viðkomandi í seinasta lagi 5 dagar fram­ manundan aðalfundinum hevur biðið felagið um atgongumerki. Atkvøðurætt á aðalfundinum hava partaeigarar, sum í seinasta lagi 5 dagar undan aðalfundinum hava biðið felagið um atgongumerki og atkvøðuseðil.” at broyta til hetta innihald og at seta síðst í § 11: “Partaeigari, fulltrúi hansara vegna, umframt fjøl­ miðlar, hava rætt til at luttaka á aðalfundi, um við­ komandi í seinasta lagi 3 dagar fyri aðalfundin hava fráboðað felagnum hetta.” Verður pkt F 1 og F 2 viðtikið, kemur § 11 í fullum líki at vera soljóðandi: “Rætturin hjá einstøku partaeigarum felagsins til at luttaka á aðalfundi og at greiða atkvøðu í sambandi við partabrøv síni verður ásettur í mun til tey parta­ brøv, sum viðkomandi partaeigarar eiga skrásetingar­ dagin. Skrásetingardagurin er 1 vika, áðrenn aðal­ fundurin verður hildin. Partaeigari kann skrivliga geva øðrum persóni fulltrú til at fara á fund og greiða atkvøðu hansara vegna. Atgongd til aðalfundin hava harumframt fjølmiðl­ arnir. Partaeigari, fulltrúi hansara vegna, umframt fjølm­ iðlar, hava rætt til at luttaka á aðalfundi, um við­ komandi í seinasta lagi 3 dagar fyri aðalfundin hava fráboðað felagnum hetta.” G. Í § 16 verður henda orðing í 4. avsnitti: “og verður henda at áseta av nevndini, tó so, at samlaða nevndarsamsýningin til allar nevndarlimirnar fyri eitt ár ikki kann fara uppum kr. 1.000.000 uttan loyvi frá aðalfundi felagsins.” at strika og verður ásetingin í nevnda 4. avsnitti í § 16 soleiðis frameftir einans soljóðandi: “Nevndarlimir fáa samsýning fyri nevndararbeiði sítt.” 10. Ymiskt, herundir eftir áheitan frá parta­ eigara: svar av spurningum m.a viðvíkjandi felagnum og rakstri tess. Viðtøkumeiriluti. Viðtøkubroytingarnar undir pkt. 9 A1, 9 C, 9 D, 9 E, 9 F1 og 9 F2 eru neyðugar til at viðtøkurnar verða í samsvari við ásetingarnar í vinnufelagslógini, og verða tí samtyktar við gildi, um bert ein partaeigari atkvøður fyri uppskotinum, hetta sambært § 2 stk. 3 í kunngerð nr. 18 frá 27. februar 2012 um skiftis­ skipanir í sambandi við ígildiskomu av vinnufelags­ lógini. Til samtyktar av einstøku uppskotunum til viðtøku­ broyting undir pkt. 9 A2, 9 A3, 9 B og 9 G omanfyri krevst smb. § 106 stk. 1 í Vinnufelagslógini, at í minsta lagi 2/3 av bæði greiddum atkvøðunum og av tí partinum av felagskapitalinum, sum er umboðaður á aðalfundinum, hava tikið undir við einstøku uppskotunum til viðtøkubroyting. Annars kunnu uppskot á skránni fyri fundin viðtakast við vanligum atkvøðumeiriluta. Bílegging av atgongumerkjum og atkvøðu­ seðlum, umframt atkvøðugreiðluháttur. Partaeigarar, ið ynskja at luttaka á aðalfundinum, mugu bíleggja atgongumerki og atkvøðuseðlar frammanundan og er seinasta freist fyri bílegging av atgongumerkjum og atkvøðuseðlum mánadagin tann 19. mars 2012. Bílegging av atgongumerki og atkvøðuseðlum fer fram umvegis heimasíðu fel­ agsins www.petroleum.fo ella á skrivstovu felagsins Gongin 9, 100 Tórshavn ella á tlf nr. + 298 350 100 og/ella telefax nr. + 298 350 101. Um so er, at partaeigari ikki kann luttaka á aðalfundi­ num, hevur hann møguleika at geva øðrum skrivliga fulltrú til at møta sína vegna. Á heimasíðu felagsins www.petroleum.fo, umframt á skrivstovu felagsins Gongin 9, 100 Tórshavn, kunnu partaeigarar útvega sær fulltrúarskjal, sum kann nýtast í hesum sambandi. Atkvøðugreiðsla fer fram á sjálvum aðalfundinum, við at viðkomandi partaeigari (ella fulltrúi hansara), ið rættstundis hevur bílagt atgongumerki og atkvøðuseðlar frammanundan, møtir upp á aðalfundinum og har greiðir atkvøðu. Atgongumerki og atkvøðuseðlar verða útflýggjaðir við dyrnar til aðalfundin. Rættur partaeigaranna til at seta fram spurningar. Partaeigarar kunnu undan aðalfundinum skrivliga seta leiðslu felagsins spurningar um viðurskifti, sum eru av týdningi fyri at meta um ársfrásøgnina 2011 og støðuna hjá felagnum annars ella um spurningar, sum avgerðir skulu takast um á aðalfundinum. Ynskir partaeigari at nýta henda rætt sín til at spyrja, kann hann senda spurning pr. bræv til Atlantic Petroleum P/F, Gongin 9, 100 Tórshavn ella á telefax nr. + 298 350 101, ella teldubræv á petroleum@petroleum. fo. Harumframt kunnu partaeigarar á sjálvum aðalfundi­ num munnliga seta leiðslu felagsins spurningar um nevndu viðurskifti. Skjalatilfar til aðalfundin, herundir ársroknskapurin 2011 og dagsskrá við fullfíggjaðum uppskotum. Skjalatilfar viðvíkjandi aðalfundinum, herundir (1) Ársroknskapurin 2011 við grannskoðaraátekning og ársfrágreiðing (2) dagsskrá, (3) fullfíggjað uppskot til aðalfundin (4) upplýsingar um samlaða talið av parta­ brøvum og atkvøðum í felagnum dagin innkallað verður til aðalfundin og (5) fulltrúaskjøl liggja frammi og eru tøk á skrivstovu felagsins Gongin 9, 100 Tórshavn (tlf nr. + 298 350 100 og/ella telefax nr. + 298 350 101) í seinasta lagi 3 vikur áðrenn aðal­ fundin, og kann fáast eintak av hesum við at venda sær til felagið har, umframt at alt hetta tilfar eisini er tøkt á heimasíðu felagsins www.petroleum.fo. Partapeningur, atkvøðurættur og kontoførandi peningastovnur. Partapeningur felagsins er kr. 262.670.300 býttur sundur í partabrøv á kr. 100 og multipla av hesum. Í § 5 stk.1 í viðtøkunum er ásett, at partaeigararnir hava 1 atkvøðu fyri hvørjar kr. 100 teir eiga í partapeningi. Tal av pørtum er: 2.626.703 og tal av atkvøðum: 2.626.703. Í § 2 stk. 2 er ásett, at eingin partaeigari kann greiða atkvøðu á aðalfundi í felagnum við meiri enn 20 % av atkvøðunum. Felagið hevur kosið sær Eik Banki Føroyar P/F til kontoførandi peningastovn og kunnu parteigarar felagsins venda sær til henda peningastovn á bústaðnum Yviri við Strond 2, 100 Tórshavn ella á heimasíðuni www.eik.fo ella á telefon nummar + 298 348 000 fyri at útinna fíggjarligu rættindi síni í felagnum. Tórshavn, hin 1. mars 2012 P/F Atlantic Petroleum Nevndin P.O.Box 1228 Gongin 9 FO-110 Tórshavn Faroe Islands Phone +298 350 100 Office direct +298 610102 Mobile +298 550 102 Fax +298 350 101