hósdagur 4. mars 2004síða 9

[ mars 2004 ] [ 17 ] [ 16 ] [ mars 2004 ] MADAME KLETT - CONSULAT HONAIRE 20. maj fingu vit nýggj- an franskan konsul í Føroyum, eftir at Valdemar Lützen, fyrr- verandi konsul, segði sessin frá sær. Frak- lands nýggi konsul eit- ur Julianna Klett, ið varð útnevnd til heið- urskonsul fyri fronsku tjóðina. Til dagliga starvast hon sum advo- katur, men er eisini trý-málsligur korre- spondentur í enskum, týskum og fronskum. Tískil skuldi hon havt stak góðar fortreytir fyri at røkja nýggja starv sítt sum consulat honaire, ið er franska heitið fyri heiðurskon- sul Tað var franski sendiharrin í Danmark, Régis de Bele- net, ið stóð fyri teirri for- mellu setanini av nýggja konsulinum. Stórfingin mót- tøka varð hildin á Verts- húsinum í Tórshavn, har sendiharrin nýtti høvi til at ynskja Juliannu tillukku við nýggja sessinum. Sendi- harrin vitjaði harumframt ymiskar stovnar og ymiskar embætismenn á sínari vitj- an í Føroyum, og eisini fekk hann orð á Anfinn Kallsberg løgmann. Spurd um, hví júst hon bleiv útnevnd, sigur Juli- anna Klett heldur lítillátin seg als ikki kenna orsøkina til hetta. Hon fortelur, at hon fekk ein fyrispurning úr Danmark í januar 2003, har hon varð spurd, um hon vildi gerast franskur konsul í Føroyum. Hesum játtaði Julianna, hóast hon ikki visti hví, hví fyrispurn- ingurin var komin til henn- ara. Tó hevur Julianna stór- an kunnleika til franska mentan og fronsk viðurskifti sum heild. Umframt at duga franskt, hevur Juli- anna eitt tíðarskeið búð í París og lisið á universiteti- num í Sorbonne. Sum konsul er tað upp- gávan hjá Juliannu at um- boða fronsku tjóðina og hennara áhugamál í Føroy- um. Vanligu arbeiðsuppgáv- ur hennara eru at hjálpa fransmonnum, ið eru komn- ir í óføri her í Føroyum. Eitt nú tá fransmenn missa passið hjá sær burtur ella søkja um visum, so er Juli- anna altíð fús til at hjálpa teimum. Annars vitjar Juli- anna eisini franskar sjó- menn, ið eru vorðnir sjúkir og liggja á sjúkrahúsið utt- an at hava nakran at tosa við. Fransarnir koma... Tilknýtið Føroyar hava til Fraklands er fyri ein stóran part umvegis okkara fiska- útflutning, og Julianna veit um ymiskar føroyskar fyri- tøkur, ið hava deildir í eitt nú La Rochelle og Sur la Mére. Harumframt eru tað eisini føroysk lesandi, ið leita sær til Fraklands at nema sær útbúgving. Men líkt er til, at Føroyar koma at hava upp aftur meira at gera við fronsku tjóðina - ið hvussu so er í 90 minuttir, tí hetta er longdin á fót- bóltsdystinum, ið verður Føroya og Fraklands mill- um. Óivað venja bæði landsliðini sera hart og nógv, men Julianna Klett fyrireikar seg sanniliga eis- ini og ætlar sær eisini at gera okkurt burtur úr hes- um merkisvera tiltaki. -Eg hevði gott kunnað hugsað mær at skipað fyri onkrari reseptión fyri franska liðið, tá teir koma higar, sigur Julianna Klett. Hon viðmerkir, at starvið sum konsul er ólønt og tí- skil má hon søkja um pen- ing til at skipa fyri tílíkum tiltøkum. Tá ið dóttir kenda filmsleikaranum Charlie Chaplin, Victoria Chaplin, við sínum forvitnisliga "Le Cirque Invisible", hevði Juli- anna eisini ætlanir um at skipa fyri onkrum tiltaki, men hetta náddi hon kortini ikki. Hvørjum liði franski konsulin fer at halda við í tí komandi landsliðsdystinum, kunnu vit bert gita okkum til. Fyrsti kvinnuligi konsul Julianna hevur nógvar ætl- anir fyri framman og ætlar sær á ráðstevnu saman við øðrum fronskum konsulum í danska kongaríkunum. Ráð- stevnan verður hildin í Keypmannahavn við einari formellari samkomu, og Julianna hevur longu fingið fyrispurning um hon vil lut- taka, og hetta sigur hon seg vera sinnaða til. At enda viðmerkir Juli- anna, at hon er fyrsti kvinnuligi konsulin í øllum danska kongaríkinum, og hetta ætlar hon sær at vera, so leingi hon hevur áhuga fyri tí, sigur Julianna Klett.