mánadagur 19. mars 2012síða 4

Mánadagur 19. mars 2012 · Nr. 34 4 Sosialurin Hugskot og viðmerkingar – send sms til 225000 Randi Jacobsen Í 20 ár hevur Anfinn Vital­is Hansen arbeitt sum advo­ kat­ur í Føroyum, og hann hevur leingi hugsað um at roynt okkurt annað eina tíð. Í fjør datt hann yvir eina grein um, at lands­ rættirnir hava eina serliga skipan, so­leiðis at advokatar í eitt tríggjar mánaða skeið fáa høvi at royna seg sum dóm­ara í landsrætti. – Eg sá hetta, søkti, og longu í fjør fekk eg boðini um at byrja 1. apríl, sigur An­finn V. Hansen. Hann væntar at læra ein hóp sum landsrættar­dóm­ ari. Anfinn V. Hansen held­ ur, at hann er fyrsti før­ oyski advo­katur, sum roynir hetta. – Eg havi arbeitt líka síðan 1992 arbeitt út i eitt sum advokaturin, og tí er tað upp á tíðina, at eg royni okkurt annað. Aðrir hava verið í farloyvi og hava verið til skips, og onkur hevur verið burturi og lisið, sigur Anfinn V. Hansen. Sunt at fara í farloyvi Hann væntar, tað verður gott fyri virki hansara, at hann fer í farloyvi nú. Í fjør var hann í farloyvi í ein mán­að og vendi aftur til sítt yrki við fullari styrki. Hann væntar, at tað sama verður, tá ið hann kemur aftur eftir at hava verið lands­rættardómari í tríggjar mánaðir. Familjan flytir ikki við honum til Danmarkar, tí tey hava ein son, sum gongur í fólkaskúlanum. Tríggir mán­aðir er tó ikki so long tíð. Anfinn V. Hansen er verji hjá manninum, sum situr varð­haldsfongslaður fyri at hava tiki lívið av Dánjal Peturi Hansen. Tað hevur ongan týdning, at verjin fer í farloyvi, tí Anfinn V. Hansen veit, at málið ikki kemur fyri rættin, fyrr enn hann kemur heim aftur. Ein advokatur, sum hevur verið landsrættardómari í tríggjar mánaðir, kann søkja um at fáa skeiðið longt, men Anfinn V. Han­sen hevur ongar ætlanir um at gera tað. Kanska onk­un­tíð seinni heldur hann. Verður landsrættardómari 1. apríl tekur advokaturin Anfinn V. Hansen við sum dómari í Eystara landsrætti, men bara í tríggjar mánaðir. Hann er fyrsti føroyski advokaturin, sum roynir hetta tilboðið Anfinn V. Hansen byrjar 1. apríl sum dómari í Eystara Landsrætti Randi Jacobsen Hósdagin í seinastu viku var umsóknarfreistin úti til miðnámsskúlarnar, og nú sita skúlaleiðslurnar og telja upp og finna útav, um skúlarnir kunnu taka ímóti øllum umsøkjarunum. Sosialurin hevur ringt runt til flestu skúlarnar. Enn eru tað bara fyribilstøl, tí næmingar søkja ofta fleiri skúlar. Føroya Studentaskúli og HF-skeið hevur fingið met nógvar umsóknir, 373. Hetta er met. Í fjør var talið nakað lægri, fyrraárið 339. Størsti parturin er framvegis til matematisku deild, men fram­gongdin er størst til máls­ligu deild. Skúlin hevur skuldu at taka inn allar skikk­að­ar umsøkjarar til studenta­skúl­ in, og nú situr leiðslan og roynir at finna útav, hvussu nógvum næmingum skúlin kann hýsa komandi ár. Á leið tað sama Studentaskúlin og HF-skeiðið á Kambsdali hevur fingið 26 umsóknir til HF og 88 til studentaskúlan, og hetta er eitt sindur minni enn í fjør. Føroya Handilsskúli í Havn hevur fingið 184 um­ sókn­ir, 60 til FHS, 77 til HH2 og 47 til HH3. Hetta er nakað minni enn í fjør. Skúladepilin í Hovi og Fiski­vinnuskúlin í Vest­ manna hava fingið á leið líka nógvar umsóknir sum í fjør. Tekniski skúlin í Havn hevur fingið 241 umsóknir, og tað er nakað meira enn í fjør. Tað serliga hjá tí skúlanum er, at 80 gentur hava søkt inn á hárdeildina, og so nógvum næmingum kann henda deildin als ikki taka ímóti. Matútbúgving dregur Tekniski skúlin í Klaksvík hevur fingið 90 umsóknir til SIT, og serliga nógvar umsóknir eru til SIT-Mat. Hetta er ein støðisútbúgving, og næmingarnir kunnu so fara víðari og útbúgva seg til kokk, tænara, bakara og annað. HT- hevur fingið 37 um­ sóknir, á leið sum í fjør. Hetta talið heldur sær, tí tað eru ikki so nógv skúlatilboð til gentur. Á HT eru tó helvt um helvt líka nógvar gentur sum dreingir. Klaksvíkar HF-skeið hev­ ur fingið 37 umsóknir, á leið tað sama sum í fjør. Skúlin fekk tó bara lovi at taka inn ein flokk. Fleiri skúlaleiðarar siga, at stóra arbeiðsloysið mill­um ung sæst aftur á umsøkjaratalinum. Árgang­ irnir eru tó minni. Fleiri ung søkja inn á skúla ikki tí tey tíma so væl, men tey vita einki annað at taka sær til. Eydnast teimum at finna okkurt arbeiði, gevast tey, og tað er kanska serliga galdandi fyri gentur. Fleiri ung vilja í skúla Hóast árgangirnir minka, søkja fleiri inn á miðnámsskúlarnar orsakað av arbeiðsloysinum. Aftur í ár hevur skúlin í Hoydølum fingið met nógvar umsóknir