mikudagur 4. apríl 2012síða 8

Mikudagur 4. apríl 2012 · Nr. 41 8 Sosialurin Hugskot og viðmerkingar – send sms til 225000 Í eini fráboðan 25. januar kunngerð flogfelagið Norwegian, at teir hava bílagt 222 nýggj flogbør – 122 frá ameerikansku Boeing og 100 frá europeiska Airbus. Men hjá Airbus framgongur bíleggingin ikki som »firm order« – ella endalig avtala. Tað ger hon tó hjá Norwegia og Boeing, skrivar epn.dk Ein partur verður at lækka kostnaðin Leo Poulsen Tað er ikki uttan ein stóran part av sorgblídni, at Jákup Sverri Kass gevst sum sølu- og marknaðarleiðari hjá At­ lants­flog. – Tað er mín seinasti ar­ beiðsdagur í dag, og ja, tað er við sorgblídni, at eg sigi Atlantsflog farvæl. Serliga tí eg sigi farvæl við eitt ar­ beiðspláss, har eg havi trivist ógvuliga væl. Eg havi havt eitt sera gott samstarv við starvsfólk, viðskiftafólk og leiðslu, og tá er tað sjálvandi ringt at fara til eitt annað ar­ beiðspláss, sigur Jákup Sverri Kass. Hinvegin kennir hann rættiliga væl Vága Floghavn, og veit tí, hvat hann kemur til. – Eg havi eina sera góða fatan av Vága Floghavn, og eri spentur upp á uppgávuna. Har eru avgjørt spennandi møguleikar við tað, at flog­ breytin nú er longd, og ein nýggjur terminalur er á veg, sigur Jákup Sverri Kass. Tað eru nevndu útbygg­ ing­ar, sum skapa spennandi avbjóðingarnar. – Eg eri sera spentur sam­ an við starvsfólki og leiðslu at seta út í korti, hvørja leið Vága Floghavn skal ganga. Floghavnin er jú ein týð­ andi partur av okkara sam­ ferðslu­kervi við tað, at Vága Floghavn er einasta flogvegis samband við útheimin, sigur Jákup Sverri Kass. Vága Floghavn er okkara motorvegur út í heim, kanska serliga til Danmarkar, har meginparturin av flog­ferðsl­ uni gongur. Nýggir møguleikar Tað eru kortini ikki bert út­ litini hjá Vága Floghavn, sum eru spennandi. Nú gamla arbeiðsplássið hjá Jákup Sverra Kass, Atlantsflog, gong­ur eisini spennandi tíð­ um ímóti. – Tilgongdin við Airbus flog­farinum hevur verið í gongd í fleiri ár, og varð byrjað langt áðrenn eg kom til Atlantsflog. Men seinasta hálvttriðja árið, tá eg havi verið við í tilgondini, hevur verið ótrúliga spennandi, tí nýggi Airbussurin gevur fe­lagnum so nógv betri møgu­leikar, sigur Jákup Sverri Kass. Serliga nýggju møguleik­ arnir við Airbussinum síggja spennandi út. – Nýggju møguleikarnir hjá føroyingum at koma út í heim og hjá útlendingum at koma til Føroya við tað at flogfarið røkkur nógv longri og er munandi meira øko­ nomiskt, fer vónandi at føra til, at ferðaseðlarnir verða nakað bíligari í framtíðini, sigur Jákup Sverri Kass. Tað er serliga leingjanin av flogbreytini, sum gevur føroyskari flogferðslu nakrar nýggjar møguleikar. Breiðka inntøkurnar Jákup Sverri Kass hevur havt sína dagligu gongd á flog­vøllinum í fleiri ár, og kennir tí rímiliga væl til Vága Floghavn, men kortini fer hann at brúka nakrar dag­ar at seta seg betur inn í viður- skiftini. – Fyrstu uppgávurnar verða, saman við nevnd og leiðslu at seta út í kortið, hvat vit skulu fokusera upp á. Hvussu vit skulu fáa ein sunnan rakstur í flogvøllin, og hvussu vit gagnnýta tann møguleika, sum longda flog­ breytin hevur við sær, sigur Jákup Sverri Kass. Avbjóðandi uppgávan verð­ur at breiðka um inn­ tøkugrundarlagið hjá Vága Floghavn. – Men tað allarfyrsta verð­ ur saman við nevndini at finna út av, hvussu vit gera, og hvat vit fokusera upp á. Og so skal eg sjálvandi møta starvsfólkunum, og koma at kenna smálutirnar í hvørjum virkisøki sær á flogvøllinum, sigur Jákup Sverri Kass. Ein háttur at breiðka um inntøkugrundarlagið hjá Vága Flog­havn er, at fáa onn­ ur flog­feløg at flúgva upp á Vágar. – Tað er sjálvandi ein part­ur av uppgávuni, men fyrst og fremst haldi eg, at vit internt skulu hyggja at teimum inntøkum, vit framm­an undan fáa. Og í tí liggur eisini, hvussu vit fáa fleiri inntøkur í teimum møgu­leikum, sum longu finnst á flog­vøllinum, sigur Jákup Sverri Kass, Men neyðugt verður eisini at hyggja nærri at, hvussu ein burðardyggur rakstur fæst í Vága Floghavn. – Fyrst og fremst verður tað saman við nevndini at hyggja at, hvussu vit agera teir næstu tríggjar mán­aðirnar, tað næsta árið, tey næstu tvey árini. Tí vit verða noydd til at raðfesta nøkur ting frammarlega og nøkur ting longur afturi, sigur Jákup Sverri Kass. Fleiri um útreiðslurnar Stjórin hjá Jákup Sverra Kass, Magni Arge, hevur ofta fílst at teimum avgjøldum, ið verða løgd oman á ferða­seðla­ kostnaðin. Hvat ætlar Jákup Sverri Kass at gera við tað, nú hann tekur við sum stjóri í Vága Floghavn týsdagin. – Sjálvandi verður tað nakað, vit fara at hyggja nærri at. Tað er í áhuganum hjá Vága Floghavn, at avgjøldini eru so smá sum tilber, fyri at fáa ferðaseðlaprísin niður. Men tað er nú einaferð so­ leiðis, at í Føroyum búgva 50.000 fólk, sum skulu út og heim, og tað merkir, at Vága Floghavn skal hava fleiri herðar og fleiri fólk at bera tær útreiðslurnar, fyri at fáa avgjøldini niður, sigur Jákup Sverri Kass. Tað er ein partur av mál­ in­um. – Hin parturin er sjálvandi, at vit hyggja eftir øðrum inn­tøkumøguleikum sum føra við sær, at fleiri verða at bera tær útreiðslur, sum ein flogvøllur hevur við sær. Avgjøldini eru ein partur av tí, og vit ynskja sjálvandi, at tey eru so lág sum gjørligt. Men vit skulu samstundis hava rakstuin at hanga sam­an, sigur Jákup Sverri Kass, sum týsdagin tekur við starvinum sum stjóri í Vága Floghavn. Tað verður í fyrsta umfari Per Levring, sum skal taka yvir starvið hjá Jákup Sverra Kass sum sølu- og marknaðarleiðari. Per Levring hevur drúgvar royndir innan flogferðslu millum annað hjá Maersk Air, og hevur seinastu tíggju árini starvast hjá Atlantic Airways í Danmark. FLOGFERÐSLA Týsdagin tekur Jákup Sverri Kass við sum stjóri í Vága Floghavn, og tað sær hann sum eitt sera spennandi starv við stórum avbjóðingum. Ein verður at hjálpa til at lækka ferðaseðlakostnaðin, so fleiri fólk fara at ferðast um flogvøllin stjóri Týsdagin skiftir Jákup Sverri Kass starvið sum sølu- og marknaðarstjóri hjá Atlantic Airways út við stjórastarvið á Vága Floghavn tíðindi Nýggju møguleikarnir fara vónandi at føra til, at ferðaseðlaprísirnir fara at lækka