fríggjadagur 13. apríl 2012síða 34

nr. 43 · 13. apríl 2012 2 VIKUSKIFTI Børn skulu læra longu í barnagarðinum, at tað er ikki í lagi at sláa. Elin Winther Poulsen, samskipari í heildarætlan ímóti harðskapi í nærsambondum Klæði Inna Törnroos inna@sosialurin.fo Kotið ella frakkin hjá Rakel Helmsdal er seymaður úr endurnýttum troyggjum. Lisa Marie Correia úr Colorado í USA seymar kotini og verða tey gjørd serliga til hvønn einstakan kunda. – Hetta er ein praktfullur frakki. Havi ynskt mær hann sera leingi og havi ivast nógv, tí hann er so dýrur. Havi ongantíð keypt so dýrt plagg fyrr (uttan føroysk klæðir), sigur Rakel um sítt klædnakeyp. Hon fann frakkan, tá hon leitaði á netinum. Enlightened Platypus, sum fyritøkan eitur, selur síni pløgg á Etsy. com har nógv vakurt handarbeiði verður selt. – Tað er eitt so fantastiskt netverk við so ótrúliga nógvum dugnaligum fólk­um. Etsy er ein verulig kapping til móta­handlar, sum hava 100 plagg av hvørjum, sigur Rakel. Heldur tú at frakkin hjá tær kann verða íblástur til føroyingar at byrja at gera okkurt meira av gomlum troyggjum? – Sjálvandi burdu vit í Føroyum seymað burutur úr gomlum troyggjum, og fólk gera tað longu. Dania Danielsen hevði í nógv ár skeið í kreativeri seym­ing, har fólk seymaðu burturúr júst gomlum troyggjum og øðrum. Um áhugi er fyri at keypa eitt líkn­ andi kot, sum tað hjá Rakel, ella bara fyri at fáa íblástur, ber til at vitja hesa heimasíðuna Etsy.com. Hvala­ kríggið Redaktørur: Eyðun Klakstein Útgevari: Sosialurin, www.sosialurin.fo Umbróting: Sosialurin · Høvuðssniðgevi: Pætur Eyðunsson Jensen Forsíðumynd: Ragnar Ludvig / Mynd: Heinesen Myndir klumman Eyðun Klakstein Um tit vóru á Leynum seinasta vikuskifti, sóu tit kanska okkurt reytt, sum snaraði runt niðri á sandinum. Tað var Rakel Helmsdal í sínum nýggja reyða koti. Eitt kot, sum hevur ferðast allan vegin úr Colorado til Føroya, og sum er sum gjørt at snara runt í á einum føroyskum sandi Dreymakot á Leynasandi Tað hevur verið friður um føroyska grinda­ drápið, síðani Paul Watson og hansara fólk fóru úr Føroyum í fjørsummar. Eingi grindaboð vóru, meðan fólkini frá Sea Shepherd sigldu millum oyggjarnar, og tí kom tað ikki til samanbrestir millum før­oy­ ingar og umhvørvisfólk, sum felagsskapurin annars legði upp til. Men hóast tað spældi væl av í fjør, er ikki sloppið í ár. Langt frá! Tað er friður, stilli, men tað er stilli áðrenn stormin. 27. apríl sendir sjónvarpsrásin Animal Planet fyrsta partin av nýggjari Whale Wars røð, sum snýr seg um vitjanina hjá Sea Shepherd í Føroyum. Whale Wars hevur annars snúð seg um stríðið hjá Sea Shepherd í Suðurhøvum, og røðin hevur havt nógvar hyggjarar. Nú verður grindadrápið – ella kanska mangul upp á tað sama – miðdepilin í fimm nýggjum pørtum av Whale Wars. Sea Shepherd satsaði stórt upp á Føroyar, tey fingu ikki blóðugu myndirnar og saman­brestirnar, sum tey ynsktu sær, men forumtalan av nýggju røðini gevur ábendingar um tað, sum vit kunnu vænta okkum av sendingunum. Tað verður klipt kreativt og samansett dramatiskt. Sitat verða tikin burtur úr samanhangi, musikkur leggur upp til spenning og kenslur, og onkursvegna skal sendirøðin liva upp til undanfarnu røðir, hóast lítið og einki hendi í Føroyum. Tí fara vit komandi tíðina at fáa frálæru í, hvussu umhvørvisfelagsskapir brúka snildir fyri at fáa sín boðskap fram, og skal eg gita – uttan at vita – so fer tað ikki at fáa ov lítið. Vit fara at standa spyrjandi, fara at rysta við høvdinum, undrast og argast, men vit fáa trupult við at afturvísa øllum pástandum og framførslunum í sendirøðini. Tað verður tungt hoyggj at bera, og halda vit, at tað spældi væl av í fjørsummar, tí umhvørvisfólkini ikki fingu tað, tey vildu hava, so skulu vit bara síggja Whale Wars. Tá fáa vit eina eirindaleysa áminning um, at í reality sjónvarpið er sonevnda »reality« veruleikin – líkamikið um tað er klipt og manipulerað og dramatiserað við øllum hugsandi snildum. Fyrireikið tykkum – tað er nú, at veruliga hvalakríggið hjá okkum byrjar! So segði hon... Rakel Helmsdal í sínum dreymakoti! Frakkarnir eru í alskyns litum og støddum! »I believe every woman needs at least one piece of clothing that can lift her spirit just by putting it on«