fríggjadagur 27. apríl 2012síða 42

nr. 48 · 27. apríl 2012 2 VIKUSKIFTI Tað er týdningarmikið at fólk vita, at tað eru aðrir seksualitetir enn heteroseksualitetur. Sonja Jógvansdóttir, nevndarlimur í felagsskapinum LGBT Flaggdagur Eyðun Klakstein eydun@sosialurin.fo Nógva staðni kring landið savnaðust fólk til flaggdagshald mikudagin. Røð­ ur vórðu hildnar, sangir sungnir og tón­ leikur spældur. Í Vágum helt løgtingskvinnan Eyðgunn Samuelsen, sum er ættað úr Sør­vági, røðuna hesaferð. Hon segði mill­um annað hetta um Merkið: – Mín vón er,  at vit øll somul lata okk­um kveikja av Merkinum  til at standa saman og verja tey virðir og rætt­indi, sum okkara samfelag byggir á, segði Eyðgunn Samuelsen í røðuni í Vágum. Í Hvalvík helt landsstýriskvinnan Annika Olsen røðuna, og hon tosaðu um flaggið og ítróttarfólk: – Stríðið fyri Merkinum er ikki av. Her heima kunnu okkara ítróttarfólk bera Merkið og  skótar kring landið bera Merkið til slíkar hátíðarløtur sum hesar. Men  úti í heimi mugu okkara fremstu ítróttarfólk bera tjóðarmerkið hjá aðrari tjóð. Hetta sker ein í hjartað, og vit mugu halda áfram at stríðast fyri rætt­indinum hjá okkara Merki. Hvørjum flagga vit fyri? Karin Kjølbro hevði leitað aftur til Klaksvíkar at halda flaggdagsrøðu, og hon segði millum annað: – Flaggsøga okkara er spennandi lestur, og vísir, at tey, ið støðugt og áhald­andi stríðast fyri eini søk, sigra umsíðir. Eisini er áhugavert, at tað ikki vóru teir fólkavaldu, ið gingu á odda. Í flaggstríðnum er mangt, ið bendir á, at fólkið var minst bátslongd frammanfyri politikkararnar, segði hon. Í Havn helt rithøvundin Carl Johan Jensen røðu, sum hann segði ikki var flaggdagsrøðu, og hann segði millum annað soleiðis: – Hvørjum skal Merkið flagga fyri, tá politikkararnir hóra saman av fá­ fongdini einsamallari í sínum endaleysa klandri um, hvør ið eigur heiðurin av tí, sum eingin teirra hevur avrikað. Hátt virda út­búgv­ing Redaktørur: Eyðun Klakstein Útgevari: Sosialurin, www.sosialurin.fo Umbróting: Sosialurin · Høvuðssniðgevi: Pætur Eyðunsson Jensen Forsíðumynd: Heiðrik á Heygum / Mynd: Rebekka Rafael klumman Inna Törnroos Mikudagin vórðu flaggdagsrøður hildnar kring landið. Landsstýriskvinna segði, at flaggstríðið er ikki av, og rithøvundur spyr, hvørjum vit flagga fyri Flaggstríðið heldur fram Eg havi útbúgving – frá einum útlendskum universiteti! Og ongastaðni er hon so nógv verd sum í Føroyum! Tað legði eg til merkis, tá ið eg kom heim at arbeiða fyri nøkrum árum síðani. At hava eina útbúgving í Føroyum letur nógv fleiri dyr upp, enn hon ger her í Stockholm, her nógv – ja, næstan tey flestu – hava eina uni­ versi­tets­útbúgving. Eg haldi, at tað er sunt og gott, at ein útbúgving er nógv vird. Men samstundis kann eg ikki lata vera við at hugsa um, at tað kanska eru undirlutakenslur mótvegis teimum, sum hava verið uttanlanda og lisið, ið liggja aftan fyri hesa virðing í Føroyum. Tí eitt skulu tit, sum »bara« hava gingið í fólkaskúla ella á student vita: Vit, sum hava nomið okkum útbúgving á universiteti, duga ikki at arbeiða fyrrenn vit sita á reyvini og arbeiða. Universitetið lærir okkum eina rúgvu av teori, men sera sjáldan er høvið at praktisera tað, vit hava lært okkum. Tað gera vit, tá vit koma út í arbeiðslívið í Føroyum ella uttanlands. Eg minnist einaferð, eg hevði skrivað eina grein í Sosialinum, og ein kvinna ringði í øðini og skeldaði meg fyri at hava lagt henni orð í munnin. Eg bað sjálvandi um orsakað, men hon helt áfram at geyla um, hvussu vánalig og óútbúgvin blaðfólk á Sosialinum vóru. Eg bleiv eitt sinður ørg og segði, at eg hevði yvir 10 ára royndir og eina útbúgving sum blaðkvinna! Tá tagnaði hon við eitt og bað næstan um fyrigeving fyri, at hon hevði ringt! Eg minnist hesa samrøðu væl, tí eg bleiv so illa við av hennara reaktión. Sjálvandi kunnu vit við útbúgving eisini gera feil – meir enn so! Við hesum vil eg sjálvandi ikki siga, at man ikki skal lesa og fáa sær eina útbúgving, men eg veit bara, at eg bleiv ikki blaðkvinna við at ganga trý ár á universitetinum – tað bleiv eg, tá eg kom út í arbeiðslívið og gjørdi eina rúgvu av feilum, sum royndir starvs­ felagar rættaðu uppá og sum vónandi eru blivnir færrri. So segði hon...