mikudagur 23. mai 2012síða 6

Mikudagur 23. mai 2012 · Nr. 59 6 Sosialurin Hugskot og viðmerkingar – send sms til 225000 Eingin skal noyðast av landinum – Hetta var ikki mítt dreymastarv, men eg brenni fyri at hjálpa fólki, sum eru komin illa fyri, sigur nýggja forkvinnan í Meginfelag teirra Brekaðu í Føroyum. Hennara visjón er, at ongin skal noyðast at fara av landinum fyri at fáa hjálp Rannvá G. Fossaberg Fyri góðari viku síðani var nýggj forkvinna vald í MBF. Valið fall á Caritu Björklund, sum er útbúgvin námsfrøðingur, og sum í nógv ár var forkvinna í Pedagogfelagnum. Nýggja forkvinnan í MBF sær nógvar avbjóðingar og spenn­ andi uppgávur liggja fyri framm­ an, men fyrst og fremst vil hon virka fyri, at fólk, ið bera brek, fáa somu møguleikar, sum øll onn­ur. Harafturat hevur hon sum aðalmál, at hesin samfelags­bólk­ urin skal fáa so mikið góð kor at liva undir í Føroyum, at familjur hjá børnum, ið bera brek, ikki fara av landinum fyri at fáa neyðuga hjálpina. – Fyri at arbeiða fyri MBF er umráðandi at vera treisk og tolin, tí ting henda ikki her og nú, sigur Carita Björklund. Brennur fyri at hjálpa Hóast Carita Björklund fegnast um at hava fingið heitið forkvinna í MBF, er tað ikki nakað, hon hev­ ur gingið og droymt um. – Hetta er ótrúliga spennandi, og eg gleði meg at fara í gongd. Eg kann tó ikki siga, at hetta er mítt dreymastarv, tí eg havi ikki gingið við tankum at gerast forkvinna í felagnum, sigur Carita Björklund, sum er 60 ára gomul og býr í Sørvági. Men tað, at kunna hjálpa øðrum fólkum, sum ikki sjálvi hava møguleika til tess, er nakað, sum altíð hevur havt áhuga hjá Caritu Björklund. Eitt nú hevur hon verið virkin í Astma- og Allergi­felagnum, Felagnum fyri Hoyribrekað og Giktafelagnum. – Eg havi ein almennan áhuga fyri, at tingini rigga, og so dugi eg eisini at síggja, at tað eru nógv fólk, sum veruliga hava brúk fyri hjálp, sigur Carita Björklund. Tað er ser­liga frá tíðini, hon ar­ beiddi á Hjálpartólamiðstøðini, at hon hevur upplivað, at korini hjá fólki, ið bera brek ella hava ver­andi sjúku, ikki eru nóg góð í Før­oy­um. Tó leggur hon dent á, at bíði­tíðin er stytt munandi hjá Hjálpar­tólamiðstøðini sum so aftur merkir, at fólk skjótt fáa tey hjálpar­tól, sum tey hava fyri neyðini. – Áhugan fyri at vera við til at bøta um viðurskiftini hjá fólki, sum hava hjálp fyri neyð­ ini, fekk eg veruliga, tá eg ar­ beiddi á Hjálpar­tólamiðstøðini í 80 árunum, har eg sá ymisk brek og gjørd­ist varug við, júst hvussu stórur tørvurin á hjálp er, greiðir Carita Björklund frá. Hon hevur eisini starvast sum náms­frøð­ ingur, og ta tíðina hevur hon sæð, at skip­anin ikki riggar optimalt. – Sum námsfrøðingur havi eg ofta sæð manglandi lóggávu. Børn og ung, sum eru sálarliga veik, standa á langum bíðilistum fyri at fáa ta hjálpina, tey hava brúk fyri, og tað er als ikki nøktandi, sigur Carita Björklund, sum leggur stór­ an dent á týdningin av at fólk fáa hjálp skjótast gjørligt. – Líka mikið um talan er um fólk við gikt, børn, ið hava tørv á hjálp frá sálarfrøðingi, ella onkur, sum skal til uppvenjing aftan á ein blóðtøpp, so er tað av alstórum týdningi, at tað verður sett inn við hjálp so tíðliga sum møguligt. Leila gevur íblástur Carita Björklund tekur við starv­ inum sum forkvinna í MBF eftir eldsálina Leilu Solmunde, sum and­aðist fyri stuttum. Fyrrverandi for­kvinnan gjørdi eitt megnar arbeiði í felagnum og saman við um­sitingini og starvsnevndini var hon við til at bøta um støðuna hjá fólki, ið bera brek, í Føroyum. Og tí hevur Carita Björklund stóra virð­ing fyri. – Tær broytingarnar og fram­ stigini, sum eru farin fram øll hesi árini, eru Leilu og hinum í MBF at takka. Sum nýggj forkvinna fari eg at hyggja eftir, hvar Leila slepti og so arbeiða víðari harfrá. Eg havi stóra virðing fyri øllum tí, hon hevur gjørt, sigur Carita Björklund. Hon kennir tó einki trýst á sær, nú hon skal taka við starv­inum eftir Leilu Solmunde. – Tað er ein stórur missur fyri felagið, at Leila ikki er her meira. Eg haldi ikki, at eg kenni nakað trýst á mær sum nýggj for­kvinna, tí eg kann ikki gera ann­að enn mítt besta, og tað ætli eg mær eisini, greiðir Carita Björklund frá. Hon heldur seg hava lært nógv frá Leilu Solmundi og fer eis­ini at brúka onkrar av arbeiðs­ hætt­unum, sum fyrrverandi for­ kvinnan brúkti. – Eg fari at leggja meg eftir at hava gott samband við lands­ stýrisfólkini og ætli so avgjørt áhaldandi at kunna tey um MBF og um hvørja hjálp, summir føroy­ ingar hava tørv á, sigur Carita Björklund. Øll skulu trívast í Føroyum Nýggja forkvinnan í MBF hevur fleiri ting, ið liggja henni á sinni sum forkvinna í felagnum. – Visjónin er, at limatalið í MBF skal minka, tí tá vita vit, at tað eru færri fólk, ið hava tørv á okkum, av tí at tey klára seg á líka fót sum øll onnur í samfelagnum – hóast tey bera brek ella hava varandi sjúku, sigur Carita Björklund, og leggur afturat: – Leila plagdi at taka til, at øll skulu hava somu rættindi til alt, og tí útsøgnini kundi eg ikki verið meira samd í, sigur Carita Björklund. Fyri hana er tað umráðandi at fólk, sum bera brek, fáa betri bústaðarviðurskifti, tí sum støðan er nú, eru bústaðar­ viður­skiftini ikki nóg góð. – Bústaðarmøguleikarnir eru í fer við at batna, men tað er langur veður enn, og er tað nakað, eg havi lært øll árini, meðan eg havi sit­ið í nevndini hjá MBF, so er tað at tingini henda ikki beinanveg, og at hvør broyting tekur drúgva tíð, sigur Carita Björklund. Eitt ann­ að, sum liggur henni á sinni sum forkvinna í felagnum, er at arbeiða fyri familjum, ið onkursvegna eru ávirkaðar av sjúku ella breki. – Vit hava mist nógvar fam­ iljur til eitt nú Danmarkar av tí at møguleikarnir og tilboðini til fólk, ið bera brek, ikki eru nøkt­andi í Føroyum. Frá mínum arbeiðs­ royndum veit eg, hvussu eitt brek ávirkar eina heila familju, og tí veit eg eisini hvussu umráðandi tað er, at ein familja fær hjálp skjót­ast gjørligt, soleiðis at tað ikki verður so, at øll familjan fer at bera brekið, greiðir Carita Björklund frá. Fyri hana er sam­ starv og samskifti vegurin fram. – Eg ynski at hava gott sam­ starv við feløgini undir MBF, um­sitingina og starvsnevndina, so­leiðis at MBF framhaldandi kann vera eitt gott móðirfelag hjá øllum. Við einum positivum samskifti kunnu vit klára nógv, sigur Carita Björklund. rannva@sosialurin.fo í meldrinum