fríggjadagur 25. mai 2012síða 4

Fríggjadagur25. mai 2012 · Nr. 60 4 Sosialurin Hugskot og viðmerkingar – send sms til 225000 tíðindi Tjaldarar á G! Festivalinum skulu í ár halda til í Norðragøtu – á bønum ímillum Mortansstovubrekkuna, sum gongur oman við fótbóltsvøllinum, og kirkjugarðin. Danski coverbólkurin robbie.dk, sum spælir sangir hjá Robbie Williams, verður við á konsert­ degnum Voxbotn 30. juni. Keypa ferðaseðlar gjøgnum internet og fartelefon Beinta Simonsen Tann 23. novembur í fjør varð skipað fyri almennum fundi í Virkinum á Sandi, har enda­ málið var, at øll sluppu at siga sína meining viðvíkjandi Teistanum og allar hansara manglar. Og hvussu Teistin kann tæna Sandoynni betur. Avtalað varð á fundinum, at allar kommunur í Sandoy­ nni skuldu velja eitt umboð, sum komu í eina nevnd, sum skal royna at arbeiða fyri, at Teistin verður betri gagn­ nýttur, enn hann er í dag. Sama nevnd skal hava tætt samstarv við Strand­ferðsl­ una. Avtalað varð eisini á fund­ inum, at hendan nevndin skuldi hava sín fyrsta fund tann 15. desembur, har tey skuldu millum annað siga sandoy­ingum frá sínum fyrstu ætlanum. Men tann fund­urin hevur ikki verið enn, tí Húsavíkar kommuna hevði ikki havt fund. Men í kvøld hevur Húsavíkar komm­una valt sítt umboð. Tey, ið sita í nevndini eru hesi: • Sands kommuna: Poul Klementsen • Skopunar kommuna: Bjørk Hentze (varafólk Heiðrún Hansen) • Skálavíkar kommuna: Dánjal Jákup Jacobsen • Húsavíkar kommuna: Bødvar Hjartvarsson Í gjárkvøldið hevði Teista­ nevndin sín fyrsta fund, og hóast avbera gott veður, so leitaðu fólk sær eystur til Skálavíkar á fund. Poul Klementsen, for­ maður í nevndini, legði fyri­ bils niðurstøður fram. Millum annað eru ynski frammi við­ víkjandi ferðaseðlum. Sand­ oy­ingar vilja, at tað gerst møgu­ligt at keypa ferða­ seðlar við fartelefon ella inter­net­inum. Eisini er ynski um, at ferðaseðlaprísurin fer niður, tí verandi ferða­seðla­ kostnaður er alt ov høgur, og kvøldtúrarnir hjá Teistanum kl 21 og 23 skulu halda fram. Poul Klementsen segði fundarfólkinum frá, at nevndin hevur havt fund við Strandferðsluna, og stjór­ in, Bogi Mortensen, segði, at nøkur mál fingu teir loyst, og málini viðvíkjandi ferða­ seðla­kostnaði og kvøldtúrum fingu teir ikki loyst, tí tey eru politisk. Síðan tók Jóhan Dahl orð­ ið, og hann segði, at Teistin hevði verið trupul hetta sein­ asta tíðarskeiðið vegna brek, og hann segði seg skilja, at tað gongur út yvir ar­beiði hjá fólki, flutning, vinnu o. a. Hann fegnast tó um, at loksins er pengingur fingin til vega til at umvæla Teistan fyri. Teistin skal til um­væl­ ingar í september mánaði, og 17 milliónir krónur eru játtaðar til umvælingar og fýra milliónir krónur eru játt­ aðar til sleipistøð. Teistin verður úr sigling í níggju vikur, og hetta tíðar­ skeiðið røkir Ternan Sandoy­ ar­leiðina. Jóhan Dahl lovaði fundar­ fólkinum, at hann vil gera alt, hann er mentur, fyri at finna eina loysn upp á skerjingar hjá Strandferðsluni, og at Teistin siglir seinastu túrarnar, ístað­in fyri at missa teir. Lands­týrismaðurin greiddi eisini frá, at Strandferðslan er farin at arbeiða upp á eina skipan, har tað skal ger­ast møguligt at keypa ferða­seðlar við fartelefon og inter­neti. Viðvíkjandi ferða­ seðla­kostnaði, so er Jóhan Dahl fyri einari sam­halds­ fastari skipan, men tað er politisk ósemja enn um eina slíka skipan, segði lands­týris­ maðurin. At enda fekk fundar­fólkið at vita frá lands­týris­mann­ inum, hvussu nógv Teistin kostar. 15 milliónir krónur um árið eru settar av at reka Teistan fyri, men í 2011, kost­ aði Teistin 23 milliónir krón­ ur og hevði inntøkur fyri 8,8 milliónir krónur. Annars var fundurin góður og siðiligur og fundarfólkini vóru ófør at taka orðið og seta spurningar og koma við góðum hugskotum til bæði Teistanevnd og landstýris­ mannin í samferðslu­málum, Jóhan Dahl. Í gjárkvøldið skipað Teistanevndin fyri fundi í Skálavík um Teistan. Á fundinum lovaði Johan Dahl, landsstýrismaður, at gera tað, hann er mentur fyri at játtanin til Teistan ikki skal skerjast Beinta Simonsen Á fyrsta fundinum hjá Teista­nevndini á Sand­ oynni á Keldu í Skálavík miku­kvøldið fekk Johan Dahl, lands­týris­maður í vinnu­málum 1.073 mót­ mælis­undirskriftir, sum eru savnaðar millum sandoy­ ingar og suðuroyingar at mót­mæla skerjingum í túra­tal­inum hjá strand­fara­ skipunum. Sandoyingar og suður­ oyingar hava savnað undir­ skriftir inn í eitt styttri tíðar­skeið, og tað var Annika Joensen úr Skopun, ið er ein av stigtakarnum til undir­skriftainnsavnanina, ið handaði Jóhan Dahl tær 1.073 undirskriftir. Annika Joensen segði mill­um annað, at um túra­ talið verður skert, so kemur tað at raka meint, ser­liga í Sandoynni, tí at megin­ parturin av sand­oyggjafólki ar­beiða í Havn, og fleiri ar­ beiða í skeivum vaktum. Jóhan Dahl segði seg skilja støðuna og takkaði fyri undirskriftirnar. Jóhan Dahl fekk 1073 undirskriftir MÓTMÆLI Sandoyingar og suðuroyingar mótmæla skerjingum hjá Strandferðsluni Í næstu viku byrjar stór familju- og mentanarstevna í Skálavík. Og tað verður ein drúgv stevna, tí hon varar í heilar seks dagar. Poul Jacob Thomsen, sum er ein av fyriskiparunum, sig­ ur, at stevnan byrjar týs­dagin í næstu viku, tað er 28. mai, og hon endar sunnu­dagin 3. juni. Og tað verður ein stevna, har skráin er munandi fjøl­ broyttari enn vanligt er á eini bygdarstevnu nógvum ymsum tiltøkum, bæði til gam­ans og álvara. Týsdagin verður gongu­ ferð niðan á Skálhøvda og kvøld­kvirra í kirkjuni. Miku­ dagin verður hugnadagur og veitsla fyri øllum sandoy­ ing­um yvir 60 ár og har fara navnframu Nikolina og Eyðbjørn av kamarinum at spæla og syngja. Annars verður bæði harmoniku­dansur á bryggjuni, føroyskur dansur og enskur dansur á skránni. Áhugaverdir fyrilestrar verða eisini, nevnast kunnu fyrilestur um føroyska bátin, fyrilestur um seyðahundar og fyrilestur um føroyska rossi. Í frítíðardeplinum í Skála­ vík verða eisini ymisk tiltøk og har verður eisini tikið ímóti kampingvognum og á bryggjuni verður tikið ímóti bátum. Síð annars lýsing aðra­ staðni í blaðnum við full­ fíggj­aðari skrá. aki@sosialurin.fo Seta Skálavík breddan í eina viku