fríggjadagur 1. juni 2012síða 46

nr. 62 · 1. juni 2012 10 VIKUSKIFTI Forsetin Eyðun Klakstein eydun@sosialurin.fo Í 17 ár hevur hann verið virkin í nevnd hjá Ítróttarsambandi Føroya, og sein­ astu tvey árini hevur hann verið for­seti í felagsskapinum, sum varðar av før­ oyskum ítrótti. Petur Elias Petersen úr Sandavági var herfyri afturvaldur sum forseti, og hann trívist væl í leiklutinum sum fremsta umboð hjá føroyskum ítrótti. – Mær hevur altíð dámt at verið við, har tað hendir, og eg havi áhuga fyri ítrótti. Eg var ikki nakar serliga góð­ur íðkari, og tí valdi eg heldur at fara í nevnd – og tað riggaði betur hjá mær, sigur Petur Elias Petersen. Og hann hevur arbeitt nógv í nevndum – bæði í Sandavágs Ítróttar­ felag, Hondbóltssambandinum, Róðrar­ sam­bandinum og seinastu árini í Ítróttar­sambandinum. – Tað eru nógvar smáar og størri upp­gávur sum forseti í Ítróttar­sam­ bandinum. Tað er nógv samskifti við fólk og felagsskapir heima og burturi, vit royna at arbeiða politiskt og ávirka mál, og vit skulu eisini hugsa um at flyta ítróttin og ítróttarfelagskapin skila­gott fram á leið, sigur Petur Elias. Mugu betra og byggja út Petur Elias Petersen heldur, at føroyskur ítróttur støðugt stendur fyri stórum avbjóðingum – eisini hóast summi fólk vísa á, at ítrótturin er so nógv betur fyri við fasili­tetum enn annað frítíðar- og ment­anar­virksemi. – Ítrótturin hevur hampuliga góðar umstøður, men vit ynskja tær betri. Alt arbeiðið innan ítrótt er sjálvboðið, og tað liggur eitt sera stórt virði í hesum fyri alt samfelagið – eisini tá ið vit tosa um heilsu og fyribyrging av sjúkum, sigur Petur Elias Petersen. – Tað mangla høllir, vallir og aðrir fasilitetir fleiri staðni kring landið, og vit royna allatíðina at virka fyri, at umstøðurnar verða betraðar. Vit royna at vísa bæði lands- og komm­unu­ politikarum á, at tað er sera týdn­ingar­ mikið, at umstøðurnar hjá ítróttinum eru góðar, so at fólk sleppa at íðka ítrótt, tá ið tey hava hug til tað og tørv fyri tí, sigur hann. – Vansin við, at fasilitetirnir ikki eru góðir, er, at vit ikki fáa børn og ung upp í ítrótt. Summa staðni er vansin, at tað heilt einfalt ikki er pláss fyri øllum á vølli, í høll ella í hyli til dømis, og ein annar vansi er eisini, at vit kunnu missa fólk burtur av teimum virknu ítrótta­fólkunum, tí umstøðurnar ikki eru nóg góðar. Á veg til Bermunda Oyggjaleikirnir fylla nógv í føroyskum ítrótti, og tað er eisini nakað, sum ÍSF forsetin brúkar nógva tíð til. Nógvar fyrireikingar skulu gerast til leikir­nar, og ÍSF er í miðdeplinum, hóast ser­sam­ bond, einstakir leiðarar og ítróttarfólk taka eitt stórt tak hvør sær. Í 2013 verða Oyggjaleikinir hildnir á Bermuda, og tað er langur teinur hjá føroyskum ítróttarfólki at ferðast. – Vit hava í longri tíð vitað, at hesir leikirnir fóru at verða ein stór avbjóðing hjá okkum. Tað er langt at ferðast, og tað er kostnaðarmikið. Vandin var, at føroyska oyggjaleikaliðið varð sera skert til hesar leikirnar, og kanska bara 30-40 fólk fóru avstað, men nú sær betur út við tí, sigur Petur Elias Petersen. Hann sipar í hesum føri til, at landið hevur latið eina millión krónur til føroysku luttøkuna á Oyggjaleikunum í 2013, og tað munar sera væl í samlaða pro­jektinum. – Nú hevur landið hjálpt okkum sera væl, og hetta ger, at tað verður møguligt at senda eini 100 ítróttarfólk avstað til Bermuda. Føroyar vilja hýsa leikunum um nøkur ár, og tí hevur tað sera stóran týdning, at vit eisini luttaka við einum sterkum og væl mannaðum liði á Bermuda. Nógvar aðrar oyggjar fara nevniliga at uppliva tað sama, tá ið leikirnir verða í Føroyum – at tað er langt og dýrt at ferðast – og tí mugu vit ganga undan og verða ein fyrimynd. – Harafturat er eisini eitt signalvirði í tí, at vit megna at bera ein kostnað á 3 milliónir krónur fyri luttøkuna á Bermuda, tí tað fer at kosta okkum ein­ar 15 milliónir sum land at hýsa Oyggja­leikunum. Ítróttarsambandið arbeiðir í løtuni við at fáa Atlantsflog at flúgva før­ oysku ítróttarfólkini til Bermuda. Ferðin er drúgv, men ætlanin er, at alt tað føroyska ferðalagið ferðast við før­ oysk­um flúgvara alla leiðina til Bermuda og heimaftur. Hetlendingar og grønlendingar hava víst áhuga fyri at flúgva saman við føroyska ferðalagnum, men sum støðan er í løtuni er mest sann­líkt, at føroyingar fylla eitt flog­far, og so verður tað upp til grøn­lendingar og het­lend­ingar at taka sær av einum flogfari. Útvendur persónur Petur Elias Petersen er nú afturvaldur til eitt nýtt tvey ára skeið sum ítróttar­ forseti, og hann trívist í álitis­sess­ inum. – Mær dámar væl at verða við og hjálpa, og eg føli, at eg geri mun í hes­ um leiklutinum. Eg fái ikki pengar burtur úr hesum, men mær dámar væl at taka eitt tak á hendan hátt, og eg fái nógvar góðar upplivingar burturúr. – Eg eri ein útvendur persónur, og tí havi eg ongar trupulleikar við at verða eitt umboð fyri ítróttin bæði her á landi og uttanlands. Tað krevur sjálv­ andi nakað av mær, av familjuni og av mín­um arbeiðsplássi, men við vælvild frá øllum, ber tað til. – Fólk hava eina góða og positiva fatan av ítrótti í Føroyum, og fólk halda, at tað er nakað týdningarmikið fyri okkara ungdóm, so at tey ungu hava nakað at fara til og ganga uppí, sigur Petur Elias Petersen. Hann dugdi betur í nevnd enn á vølli. Honum dámar væl at taka eitt tak í føroyskum ítrótti. Og hann er júst afturvaldur sum forseti í Ítróttarsambandinum. Vit hittu Petur Elias Petersen og spurdu hann, um forsetaleiklutin í ítróttinum Heldur í nevnd enn á vøll Í fjør vórðu 12 dopingroyndir tiknar av føroyskum ítróttarfólkum. Seks royndir vórðu tiknar av mann­ligum fótbóltsspælarum og seks av kvinnu­ligum hond­bóltsspælarum. Helvtin av royndunum vóru tiknar undir venjing og hin helvtin varð tikin eftir dyst. Allar royndirnar vóru negativar, t.v.s. at ongin farvegur av ólógligum stimbrandi evnum varð funnin. Síðani ÍSF gjørdi avtalu við Anti Doping Danmark í 2003, eru nú yvir 200 royndir tiknar av føroyskum ítróttarfólkum, og enn er ongin tikin fyri at hava tikið ólóglig stimbrandi evni. – Vit gera fyribyrgjandi arbeiði ímóti doping bæði við at upplýsa og við at kanna ítróttarfólk, og enn er so einki føroyskt ítróttarfólk tikið fyri doping, sigur Petur Elias Petersen. Eingin tikin fyri doping