mánadagur 4. juni 2012síða 9

9 Mánadagur 4. juni 2012 · Nr. 63 Sosialurin Hugskot og viðmerkingar – send sms til 225000 Megintankin í uppskotinum er at skapa eitt eyðkent og væl vart býarrúm í miðjuni á tí útlagda økinum, ein mið­depil og eitt borgara­ torg, sum samstundis verð­ur týdningarmesta savn­ing­ar­ staðið í býnum við handlum, kaffistovum, miðstøð fyri ferða­fólk og vitjandi í einum ringi, uttan um torgið og við skriv­s­tovum, vinnuvirkjum og íbúðum í teimum ovaru hædd­unum á húsunum. Hetta býartorgið hevur eitt skap, sum fer at verja fyri veðri og vindi og gera, at har verður dámligt at vera, eisini ger­andisdagar, tá ið virk­ semið er avmarkað. Út frá hesari kjarnuni ber so til at byggja út í stig­ um so hvørt, bygningar sum mentanarhúsið, sjó­vinnu­ savn­ið, umsitingarhús til kommununa við tænast­um til borgararnar. Týdn­ing­ar­ mik­ið er tað, at miðbýurin longu kann vera ein veruleiki sum handilsmiðstøð innan fyri eitt stutt áramál og uttan at krevja stórar almennar íløg­ur í fyrsta umfari. Støðuplanurin er ein­ faldur og sannførandi við teim­um báðum áunum, Ósá og Vágsá, sum lata seg upp móti vánni, Vágsá sum ein býar­kend kanal, ið førir inn til ein bátahyl í suðursíðuni á býartorginum, Ósá sum ein frítt rennandi á, ið end­ ar í víkini á sólsíðini við Biskups­støð við sandstrond og neystum, soleiðis sum fyrr var í Klaksvík. Hetta gevur tilsamans eitt skap, ið vendir sær natúrliga móti vágni og útsýninum, og her úti, í vøkrum sam­bandi við býartorgið, stan­da teir týdningarmestu bygn­ing­ar­ nir: Mentanarhúsið og sjó­ vinnu­savnið. Klaksvík í framtíðini Í kappingarskránni bað Klaksvíkar kommuna um uppskot, sum millum annað fara: • at skipa Klaksvík til ein meira samlaðan bý tvørtur um Eiðið, sum bindur saman báðar síður í býnum • at skipa ein nýggjan miðbý við almennum funktiónum, sum vilja økja um títtleikan av fólki, sum hava ørindi í miðbýnum • at geva framtíðar miðbýnum loysnir, ið eru burðardyggar í mun til Agenda 21 prinsippir • at vísa á ein meira tættan miðbý við shared space prinsippum fyri ferðslu • at vísa á loysnir, ið taka hædd fyri veðri og vindi, har serliga vindurin tvørtur um Eiðið má avmarkast fyri at fáa lívd meginpartin av árinum, fyri uppihaldi úti fyri gangandi og súkklandi • at gera Klaksvík til ein attraktivan bý, ið kann kveikja nýggjar vinnur, nýggja mentan og nýhugsan • at geva Klaksvík bygningar í miðbýnum, sum saman skapa útiøki, har arkitektonisk dygd og umhvørvi verða raðfest høgt • at styrkja og betra um miðøkið sum møtistaðið, ið varpar ljós á samleika, sum fer at tryggja eina menning av staðnum og fólkagrundarlagnum • at geva eina heildarætlan, ið skipar miðøkið og koplar nýtt við verandi bygging í miðøkinum • at geva eitt tilmæli til eina miðbýarætlan, sum verður implementerað í eini lokalari byggisamtykt fyri økið. Byggja út í stigum Vinnandi uppskotið Uppskot 62, mrk. 13542. Klaksvík City Center. Biskupstorg. Uppskotsstillari: Henning Larsen Architects, Ósbjørn Jacobsen, ark., Maine Godderigde, stud.ark., Anna Sundstedt, stud.ark., Wesam Asali, visualisering, Kalle Park, Veðursimulering (Danmark) Vann 1. heiðursløn: 400.000 krónur Í uppskotinum verður eisi­ni nortið við ferðslu­við­ur­skift­ ini. Teir báðir armarnir í býnum verða styrktir við gongubrúgv fram við innasta partinum av vág­ ni, og innaru megin gongu­ brún­na verður skotið upp at hava tættari bygging við handlum, skrivstovum og íbúðum nakað sum utt­ an um býartorgið. Á vest­ ara arminum inn ímóti mið­øki­n­um er skotið upp at byggja eitt nýtt hotel. Ferðsluskipanin er ein­ føld við einum vegi inn til busstøðina tætt upp at torginum og annars at hava løgd tún felags fyri koyrandi, gangandi og súkkl­andi ferðslu. Har­um­ framt verður skotið upp at gongubrúgvarnar verða bund­nar saman og halda fram tvørtur um Eiðið til Borð­oya­vík og økið Úti í Grøv. Teir einstøku partarnir í uppskotinum kunnu verða nærri viðgjørdir í enda­ ligu ætlanini, men tað er týdn­ing­ar­mikið ikki at sleppa høvuðsskapinum við sínum greiðu út­sýnis­ linju, eitt skap, sum á stór­ fing­nan hátt er vístur í stjørnu­skap­aðu tekningini av samanbindingini millum ver­andi býin og tann nýggja, sum er komandi hjartað í býn­um. Dómsnevndin heldur, at hetta uppskotið er eitt greitt og byggilistarliga vakurt svar til settu uppgávuna, og at tað fer at geva býnum eitt spennandi og hugvekjandi grundarlag fyri framhaldandi arbeiðinum at gera nýggja miðbýin í Klaksvík til veruleika. Nýtt hotell TORGIÐ Ein partur av uppskotinum er at gera eitt fullkomuliga nýtt torg – Biskupstorgið – sum kann koma at síggja soleiðis út í framtíðini ÁHUGI Fleiri fólk vóru til tiltakið, tá vinnarin av kappingini varð avdúkaður HEIÐUR Gunvá við Keldu, borgarstjóri í Klaksvík handar vinnaranum heiðursbræv fyri uppskotið Mynd: Dávur Winther