mikudagur 6. juni 2012síða 30

Mikudagur 6. juni 2012 · Nr. 64 30 Sosialurin Hugskot og viðmerkingar – send sms til 225000 Ítróttur U21 Landsliðið U21-landsliðið argaði aftur: Gott avrik men hepnið var við Serbia Fótbóltur Aftur týskvøldið vísti føroyska U21-landsliðið, at teir kunnu spæla upp við einum stórum evropeiskum fótbóltslandsliði. Hesaferð var tað oddaliðið Serbia, sum mátti kýta seg og hevði tørv á eitt sindur av hepni, áðrenn teir vunnu 2-0 ímóti Føroyum í Gundadali Pætur Albinus Føroyska U21-landsliðsvenjaraparið, Bill McLeod Jacobsen og Heðin Askham, vórðu tvungnir at gera í minsta lagi tvær broytingar á liðnum í mun til dystin ímóti Makedonia fríggjakvøldið. Karl Løkin og Klæmint A. Olsen høvdu nevn­iliga báðir fingið leikbann, og kundu teir ikki vera við ímóti Serbia. Venjararnir høvdu valt at seta Heina Vatnsdal á miðvøllin fyri Karl Løkin, meðan Jóan Símun Edmundsson røkti plássið á vong­ inum ístaðin fyri Klæmint Olsen, og síðani varð Dánjal á Lakjuni settur í álopið. 1.307 áskoðarar vóru til dystin í Gundadali, har tað vóru frálík fótbóltslíkindi – turt, stilt og nakað kalt. Áskoðarafjøldin var hálvt triðja hundrað áskoðarar fleiri enn til dystin ímóti Makedonia fríggja­ kvøldið. Hildu ikki aftur Eins og í dystinum ímóti Makedonia, so løgdu føroyingarnir bragdliga fyri og longu í fyrsta minutti royndi Gilli Sørensen at bróta ígjøgnum í vinstru. Við mikla kvikleikanum megnaði hann eisini at leggja høgra bakkin aftur um seg, men hann rak ov langt og málmaðurin kom í vegin. Serbia, sum annars ikki fekk frið at spæla fyri ágangandi føroyskum spælarum, fekk ein risa stóran møgu­leika í sjeynda minutti, tá ið Viljormur Davidsen ikki fekk beint bóltin burtur, og Sasa Markovic slapp at renna næstan púra leysur, men úr spískum vardi Kristian Joensen væl fyri. Besta møguleikan fekk tó Før­ oyar tá ið eitt korter var spælt. Gott spæl hjá Føroyum úrslitaði seg í einum innleggi frá høgru, men skotið hjá Halli Hanssyni, sum ann­ ars var leysur í feltinum, fór langt við síðuna av. Eftir hálvum tíma legði Serbia seg á odda, hóast spæl teirra fyrr í dystinum ikki beinleiðis týddi, at mál var í luftini. Verjan hjá Før­oy­ um varð fangað, og gott spæl út á vinstra vong endaði við innleggi, sum Filip Malbasic prikaði bóltin í netið til 1-0. Tað angaði av álvara av rangstøðu hjá einum serbiskum leikara í feltinum, sum eisini ávirk­ aði spælið, men til misnøgd millum føroyskar leikarar og áskoðarar veitr­aði linjuverjin ikki. Føroyar helt á Føroysku leikararnir fullu ikki í fátt og hildu fram við at vísa gott ágrýtni og eisini dirvi at sjálvt hava bóltin, men fimm minuttir eftir leiðslumálið mátti Kristian Joensen koma við tveimum stór­ bjarg­ingum fyri at verja um eitt møguligt 2-0-mál til Serbia. Fyrst bjarg­aði hann meistarliga einum langskoti frá Luka Milivojevic og í hornasparkinum beint aftaná fekk hann bjargað á málstrikuni. Í tíðini, sum dómarin hevði lagt afturat, fekk Luka Milivojevic sítt seinna gula kort fyri eina full­ komiliga tápuliga takkling aftanfyri miðjuna. Hann hevði løtu áðrenn fingið sítt fyrra gula kort fyri at gera sjónleik. Fyrsti hálvleikur var annars merktur av, at Føroyar als einki stóð aftanfyri Serbia, men teir dugdu bara betur at taka av møgu­ leikanum, tá ið hann var til staðar, og var hetta einasta orsøkin til at teir vóru á odda 1-0 í hálvleikinum. Yvirleggjarin var fyri Tað sást frá byrjan í seinna hálvleiki, at Føroyar vildu hava bóltin. Tað var sjálvandi eisini skilagott, nú teir vóru ein maður í yvirtali, men Serbia kom tó væl fyri seg og hótti Føroyar. Venjari teirra rópti eisini, at teir ikki skuldu bakka, men royna at halda trýstið frammi á vøllinum. Føroyar ressaðust sanniliga, og serliga var tað orsaka av einum rimm­ar sterkum Heina Vatnsdal mitt á miðjuni, sum setti seg ígjøgn­ um. Miðvallarin úr FC Suðuroy vísti stórspæl. Eftir einum tíma var Føroyar millimetrar frá at javna, tá ið Rógvi Holm sparkaði eitt horna­sparks­ innlegg á yvirliggjaran. Júst sum Føroyar av álvara vóru um at leggja trýst á, so var bara seks minuttir seinni galið. Føroyar hevði nógvar mans frammi á vøllinum, Heini Vatnsdal byrjaði inni á miðvøllinum, fyri leikbannaða Karl Løkin Myndir: Álvur Haraldsen