fríggjadagur 15. juni 2012síða 60

vika 25 l 18. juni 2012 4 vikutíðindi Fyrsti Summar Festivalurin varð hildin í Klaksvík í 2004, og ein av tón­leik­arunum, sum stóð á plakatini, var vísu­sangarin Hanus Gærdum Johansen. Og síðani tá hevur Hanus staðið á plakat­ini hvørt ár. Nú verður Summar Festival­urin hildin fyri 9. ferð, og Hanus verður eisini hesaferð á pallinum. Hanus hevur spælt á øllum pall­ unum á Summar Festivalinum. Hann hevur havt stórar konsertir á pallinum á Vágsbøi, hann hevur spælt á teimum smærru pallunum, har fólk hava flokk­ ast frammanfyri, og líkamikið nær og hvar framførslan hevur verið, hevur Hanus tikið løtuna og høvið og verið framúrskarandi. – Eg veit ikki. Teir spyrja altíð, um eg ikki havi hug at spæla, og tað havi eg. So higartil hava eg altíð verið við, segði Hanus, tá ið hann fyri nøkrum árum síðani varð spurdur um, hví hann altíð spælir á Summar Festivalinum. Við framúrskarandi løgum til eins framúrskarandi yrkingarnar hjá Pól F. hevur Hanus langt síðani brent seg fastan í føroysku fólkasálina. Og hóast hansara skrá er rúmligari enn tað, so hevur tú ikki veruliga verið á Summar­festivali, fyrr enn tú hevur hoyrt ramligu røddina hjá Hanusi kvøða løgini hjá sumbiarskaldinum. Tað vóru uttan iva nógvir føroyingar, sum ætlaðu sær á konsert í Horsens 30. juni ella 1. juli, tá ið ein av størstu poppstjørnunum og sangskrivarunum í søguni, Sir Paul McCartney, skuldi hava konsertir har. Men hesar konsertir eru nú strik­ aðar av langa konsertlistanum hjá McCartey. Í farnu viku boðaðu fyrireikararnir frá, at Paul McCartney kemur ikki til Horsens í hesum umfari, men at kon­ sert­irnar verða hildnar seinni. Umboðsfólkini hjá McCartney siga, at tað loysir seg betur at flyta kon­ sertirnar til seinni, tá ið McCartney skal hava fleiri konsertir. Konsertirnar í Horsens stóðu annars rímiliga einsa­ mallur á skránni júst um tað mundið. Drúgv konsertferð Slatur hevur gingið um, at McCartney er útlúgvaður av drúgvari konsertferð, hann hevur verið á í eitt nú Suður­ amerika, og at røddin hjá honum er slitin, men sambært hansara umboðs­ fólkum hevur hetta einki at gera við av­lýsingarnar í Danmark. Konsertfrðin Band On The Run hevur verið sera vælumókt. McCartney spælir sangir frá Beatles-tíðini, frá Wings og frá tíðini sum solistur, og í Mexico City vóru 250.000 fólk á kon­ sert. – Eg eri keddur av, at fólk eru vón­brotin um avlýsingarnar. Eg veit, at nógv gleddu seg til konsertirnar í Dan­mark, men vit gera tað gott aftur seinni, sigur McCarteny í einari frá­ boðan. Enn er ikki greitt, nær konsertirnar í Horsens verða hildnar, og tey, sum hava keypt atgongumerki til avlýstu kon­sertirnar, fáa pengarnar aftur. Uni Debess útgav fløguna »Life Is A Picture« í desember mánað 2011. Sangir av fløguni hava verið nógv at hoyrt í Kringvarpinum og Rás 2, men nú verður høvi at hoyra Una Debess live í Norðurlandahúsinum við bólki og tveimum serligum gest­um. Uni Debess hevur útgávukonsert har 7. juli. Gestirnir eru ikki ókendir menn á føroyska tónleikapallinum. Sámal Ravnsfjall hevur gjøgnum mong ár verið ein av okkara fremstu tón­ leik­arum kendur millum annað við sangum sum Medistari í Karry og Undir Trappuni Hjá Lenu. Niels Galán hevur eisini verið á toppinum í nógv ár eftir hondini, millum annað hevur hann spælt vid bólkinum Mold, men er nokk mest kendur sum front maðurin í bólk­inum 200, sum just hevur út­ givið eina fløgu. Tónleikararnir sum fara at bera hesar tríggjar solistarnar gjøgn­ um konsertina verða: Edvard Nyholm Debess (bass og sang), Rógvi á Rógvu (trummur og slagverk), Finnur Hansen (orgul, mandolin, floytir, gittar og sang), Fríði Tanggaard Bjørgvin (gittar og sang). Umframt at spæla løg av Life Is A Picture, fer Uni at spæla onkur nýggj løg av eini fløgu, sum kemur út seinni í ár. Eisini fara hesir tríggir solistarnir at spæla nøkur løg saman. Uni Debess útgávukonsert McCartney avlýsur Horsens Paul McCartney, sum skuldi hava konsertir í Horsenss um mánaðarskiftið, hevur avlýst konsertirnar Paul McCartney, sum nú fyllir 70 ár, hevur avlýst framførslur í Danmark Hanus aftur á Summar Festival Hanus G. Johansen fer aftur í ár at hava framførslu á Summar Festivalinum í Klaksvík Hanus G. Johansen hevur havt fleiri minniligar framførslur á Summar Festivalinum