fríggjadagur 15. juni 2012síða 64

vika 25 l 18. juni 2012 8 vikutíðindi 12. maður til Hannover at stuðla landsliðnum Í 2002 stóð føroyska landsliðið fyri eini av teimum størstu bragdinum í føroyskari fótbóltssøgu, tá bara stongin skilti føroyska landsliðið og táverandi vara­heims­ meistarnar úr Týsklandi. Bæði á og uttanfyri vøllin vunnu Føroyar viðurkenning frá týska fólkinum fyri eitt megnar avrik, hóast Týskland vann 2-1 7. septembur í ár spæla Føroyar aftur í Hannover ímóti Týsklandi og nú hevur tú møguleikan at verða við. Føroyska fjepparafelagið, 12. Maður, skipar fyri ferð til dystin. Farið verður úr Føroyum mikumorgun 5. Septembur kl 8.00. Flogið verður til Kastrup í Danmark. Síðani verður farið við luksus-bussi úr Kastrup til Hannover í Týsklandi. Busstúrurin verður áleið seks til sjey tímar. Í Hannover verður gist í tríggjar nætur á 4’ stjørna gistingarhúsið við morgunmati. Gistingarhúsið eitur Mercure Hotel, Atrium Hannover. Frá gist­ingar­húsinum verðu møguligt at gera útferðir í býnum og kring Hannover økið. Tá tað gekk so væl seinast, so er ongin orsøk til at broyta nakað. Tí verður hildið til í somu barr sum í 2002. Hon eitur Brauhaus. Tað verð­ ur her, at upptaktin til sjálvan dystin fríggjakvøldið 7.septembur verður. Her samlast øll tey føroysku við­ halds­fólkini, ið eru komin til Hannover. Fleiri ferðaløg koma við før­oyskum viðhaldsfólkum. Væntandi verða áleið 200 til 300 áskoðarar til upp­ hit­ingina. Leygardagin 8.septembur, dagin eftir dystin, byrjar heimferðin. Eftir morgunmat verður koyrt við luksus- bussi til Kastrup. Flúgvarin flýgur til Før­oyar klokkan 19.00 – vónandi við einum megnar avriki bæði á og uttan­ fyri vøllin. Prísurin fyri ferðina er 5.495,- og tað er við flogferðaseðli úr Føroyum til Kastrup og aftur, bussferð millum Kastrup og Hannover, gisting á tríggj­ ar nætur við morgunmati og at­gongu­ merki til landsdystin millum Týskland og Føroyar. Fyri tíggju árum síðani fór bólturin á stongina, tí ein bøkkur lá í vegin. Ímyndi tykkum um bøkkurin ikki er í vegin hesaferð! Tað ber til at tekna seg til ferð­ina á heimasíðuni hjá 12. manni. www.footballsupporters.fo Mario Gomez og Týskland dystast í hesum døgum í Póllandi og Ukraina til EM 2012 Avtala um sosial trygd Á fundi í Bergen, skrivaðu norður­ lendsku ráðharrarnir undir nýggja Norðurlendska konventión um sosiala trygd. Landsstýriskvinnan í almannamálum Annika Olsen skriv­aði undir vegna Føroyar. Norðurlendska konventiónin um sosiala trygd er ein millumtjóða avtala millum norðurlendsku lond­ini á almannaøkinum. Avtalan tryggjar, at norðurlendingar sum flyta mill­um Norðurlond, hava sama rætt til sosialar veitingar, sum borg­ar­ar í tí landinum tey flyta í. Nýggja avtalan kemur fyri gomlu konventiónina frá 2003, sum hevur verið galdandi í Føroyum síðani 2005. Orsøkin til at norðurlendsku londini nú hava gjørt eina nýggja avtalu eru nýggjar ES-reglur á almannaøkinum. Norðurlendska konventiónin gevur tó í fleiri førum víðkaði rættindi til persónar, ið flyta millum Norðurlond, og eisini gevur norðurlendska avtalan før­ oy­ingum og grønlendingum hesi somu rættindi til sosiala trygd. Føroysk umboð hava luttikið í arbeiðstilgongdini fram ímóti at avtalan bleiv undirskriva í Bergen. Luttøkan er samskipað úr Almanna­málaráðnum og umboð úr Almanna­verkinum og ALS hava lut­tikið virkið. Avtalan skal staðfestast í hin­ um londunum, áðrenn hon verður sett í gildi. Síðani verður kon­ven­ tiónin løgd fyri Løgtingið til støðu­ takan. Væntandi verður hetta kom­andi vár. Ung í arbeiði í Klaksvík Sosiala nevnd hjá Klaksvíkar býráð samtykti 6. juni 2012 at endurtaka tiltakið Ung í Arbeiði í summar við broyttum aldursbólki, og Húsið, ið umsitur skipanina, boðar nú frá at ungfólk kunnu melda seg til. Sosiala Nevnd samtykti eisini, at málbólkurin fyri Ung í Arbeiði í ár skal vera ung í aldrinum 14- 16 ár, tvs. markið niðureftir er tey, sum fylla 14 ár í 2012, og uppeftir er tað tey, sum ikki fylla 17 ár í 2012. Húsið heitir nú á áhugað ung í Klaksvíkar Kommunu um at útfylla eitt skrásetingarskjal. Jógvan Andrias Joensen, leiðari, upplýsir, at skrásetingarskjøl fáast í Húsinum og í Miðluni, og tey kunnu eisini skrivast út av heimasíðunum www.husid.fo og www.klaksvik.fo