fríggjadagur 15. juni 2012síða 68

vika 25 l 18. juni 2012 12 vikustjórin Lærdi hjá Jóhonnu TG 326 Gudmund Kárason Jacobsen, stjóri á Vágs Skipasmiðju, viðgongur, at áhugin fyri fótbólti er lítil, men í sínari tíð róði hann nógv kapp. – Í dag, nú eg eri 43 ára gamalur, er hárið vorðið ov grátt og kilo’ini ov nógv til kapprógving, sigur fryntligi vágbingurin brosandi Vilmund Jacobsen Stjóri og ein av trimum eigarum av Vágs Skipasmiðju er 43 ára gamli, Gudmund Kárason Jacobsen. Hann er útbúgvin skipstimbrari, og hesa út­ búgving fekk hann í 1988. Gudmund byrjaði at læra, meðan hann saman við øðrum arbeiddi um­ borð á sluppini, Jóhonnu TG 326. – Sum ungur hjálpti eg saman við øðrum til at seta skipið í stand, og her vóru eisini danir við kunnleika til skipstimburfakið, sum arbeiddu umborð á Jóhonnu. Tað var tá, eg varð spurdur, um eg hevði hug at koma í læru sum skips­timbrari, og eg tók av. Gudmund sigur, at við tað at hon­ um vantaði royndir í breiðari høpi í lærutíðini, gjørdi hann læruna lidna hjá táverandi eigarunum av Vágs Skipa­smiðju. – Tað var faktist Felagið Jóhanna TG 326, ið stóð sum lærumeistari hjá mær, sigur hann. Hugnaligt umhvørvi Gudmund Kárason Jacobsen eigur nógvar tímar tilsamans umborð á slupp­ini, og seinastu 4-5 árini hevur hann eisini verið formaður í felagnum, sum eigur og rekur skipið. Hann ásannar, at tað var ikki bara í lærutíðini, at hann arbeiddi upp á skipið, men áhugin fyri hesi verkætlan, sigling við seglum og tí hugna, sum skaptur verður í slíkum umhvørvi hevur verið so mikið stórur, at hann eisini eigur nógvar túrar við sluppini. Saman við øðrum, sum hava staðið saman um skipið, hevur hann eisini mangan tikið eina hond í, tá okkurt hev­ur verið sum skuldi gerast. – Eg havi sum so ongantíð verið sjó­maður, tó at eg havi verið einstakan túr við fiski-og farmaskipi, men mær hevur dámað ógvuliga væl at verða við í virkseminum við Jóhonnu. Sjálvur viðgongur Gudmund Kárason Jacobsen, at áhugin fyri eitt nú fót­bólti er lítil, men í sínari tíð róði hann nógv kapp. – Í dag, nú eg eri 43 ára gamalur, er hárið vorðið ov grátt og kilo’ini ov nógv til kapprógving, sigur fryntligi vágbingurin brosandi. Teir, sum í dag eiga Sp/f Vágs Skipa­smiðju, eru Gudmund Kárason Jacobsen, Hans Ziskasen, sum eisini starv­ast á skipasmiðjuni og Mortan Mortensen, sum annars er stjóri á Tanga­virkinum í Vági. Allir eru teir vágbingar, og stjórin sigur, at øll árini – heilt úr 1. flokki og upp í 10. flokk – gingu teir í sama flokki við Vágs skúla. – Ja, vit hava fylgst øll hesi ár, og síðan 1993 hava vit so átt Sp/f Vágs Skipasmiðju saman, leggur hann aftrat. Siglir á jóansøku Gudmund Kárason Jacobsen sigur annars, at sluppin Jóhanna hevur skift motor í vetur, men fyri ikki so lang­ari tíð síðan vóru teir óhepnir við skip­ inum. – Eitt rør fór at leka, og vit mistu smyrjoljuna av motorinum. Vit vænta, at skipið verður klárt at sigla aftur í hesi vikuni. Nú jóansøka stundar til, hava vit onkrar túrar, sum vit skulu sigla, og eg ivist ikki í, at skipið verður klárt aftur til ta tíð. Jóhanna hevur í fleiri ár hava motorin hjá 20-tonsaranum Sævarenni, sum var heimahoyrandi í Nóls­oy. Í einum brimi rak skipið á land og fórst, men motorurin endaði so umborð á Jóhonnu. Hetta var ein Mercedes 200 hk. – Motorurin, sum settur varð í Jóhonnu í vetur, var júst av sama slagi sum hin gamli úr Sævarenni, sigur Gudmund Kárason Jacobsen, sum annars gleðir seg til at loysa skipið aftur um jóansøkuna. Fakta: Navn: Gundmund Kárason Jacobsen Aldur: 43 ár Hjúnarfelagi: Maibritt Toftum Jacobsen Børn: 4 børn Starv: Stjóri Stavsfólk: 15 Í dag er hann stjóri og ein av eigarunum av Vágs Skipasmiðju, har hann í 1988 tók prógv sum skipstimbrari. Hann er eisini formaður í Felagnum Jóhanna TG 326, har hann í sínari tíð byrjaði at læra Mynd: Vilmund Jacobsen Eg havi sum so ongantíð verið sjó­maður, tó at eg havi verið einstakan túr við fiski-og farmaskipi