fríggjadagur 15. juni 2012síða 90

vika 25 l 18. juni 2012 34 Lýsing Nú stendur føroyingum í boði at keypa eina pakkaferð til Íslands at fiska laks. Og sambært føroyingi, sum hevur roynt at fiska í Langá, er staðið sera væl valt. – Umstøðurnar at fiska laks í Langá eru framúr góðar. Langá renn­ur úr Langávatni og munnar út í Borgar­ fjørðin norðan fyri Reykjavík. Og nógv er gjørt fyri at fiskiumhvørvið skal vera so gott sum til ber, sigur Hans Hjalti Skaale, býargartnari í Klaksvík. Hann hevur tvær ferðir verið í Ís­ landi og fiska laks í júst Langá. – Íslendingar hava gjørt nógv burtur úr at gera viðurskiftini so góð sum gjørligt. Eitt nú hava teir gjørt tað soleiðis, at til ber at stýra vatn­ mongdini í ánni soleiðis, at umstøð­ ur­nar altíð eru tær bestu, sigur Hans Hjalti Skaale. Fjarstøðan frá Reykjavík til Langá er bara millum ein og hálvan annan tíma at koyra. – Íslendingar hava seinastu árini gjørt nógv burtur úr at byggja smáttur á staðnum, so til ber at búgva við ánna. Og tað gevur ein heilt serliga hugna, sigur Hans Hjalti Skaale. Har eru góð viðurskifti at búgva og tað ber til at frysta tann laks, tú fiskar, eins og tað eisini er møguleiki at grilla fáningin um kvøldarnar. Vøkur náttúra Býargartnarin úr Klaksvík hevur nøkur serliga hugalig minnir frá túrinum í fjør í Íslandi at fiska laks. – Eg hevði eina føroyska flugu við, sum klaksvíkingurin, Andrias Joensen, hevði bundið. Eg fekk so ein laks við hesi fluguni. Seinni lánti eg so Jógvan Hansen fluguna, og stutt eftir fekk hann so ein laks eisini á fluguni, og hann skuldi vísa seg at verða størsti laksurin, sum varð fiskaður í Langá í fjør, sigur Hans Hjalti Skaale. Íslendingar hava eisini gjørt vega­ skapilsir fram við ánni, so til ber at koyra við fýrahjóls akførum til ymsu hyljarnar. – So tað slepst væl til ánna. Og tað er ikki bara sjálvt laksafiskaríið, sum er ein uppliving, eisini øll náttúran í Grenjardali er nakað fyri seg. Har ganga hestar og seyður á beiti, tú sær stórar gásaflokkar, og eg havi eisini sæð rev har, sigur Hans Hjalti Skaale. Langá er eitt hitt kendasta laksa­ staðið í Íslandi, og sambært Hans Hjalta Skaale eru viðurskiftini heilt fantastisk. – Tað fer heilt einfalt eingin íðin laksafiskari vónbrotin til húsa eftir ein túr í Langá. Og sjálvt um Reykjavík liggur nær við, og tað saktans ber til at koyra ímillum høvuðsstaðin og Langá, so mælir hann til at búgva á staðnum. – Tað gevur ein serligan hugna, og tað ber altíð til at gera eitt legg til Reykjavíkar, skuldi tørvur verið á tí, sigur Hans Hjalti Skaale, sum er íðin frítíðarfiskari. Allarbestu umstøður at fiska laks Ein teirra, sum hevur roynt at fiska laks í Langá, er Hans Hjalti Skaale, og hann letur stak væl at umstøðunum