mikudagur 20. juni 2012síða 6

Mikudagur 20. juni 2012 · Nr. 70 6 Sosialurin Hugskot og viðmerkingar – send sms til 225000 í meldrinum Søkt varð um pening úr ymsum grunnum, og gleðin var stór, tá ið A. P. Møller í 2008 kom við meira enn fimm milliónum krónum. Tað var ein trupulleiki, tá ið tað almenna kravdi mvg av hesi gávuni. Í 2009 varð mvg rindað fyri at kunna sleppa í gongd við forn­frøðiligum kanningum og øðr­um. Í 2010 kom lógin um endur­rindan av mvg, og tá var sloppið, men grunnurin hevur ikki fingið upphæddina aftur fyri 2009. Ásettu dagin í fjør Í fjør var ligið so væl við arbeið­ inum, at tey í grunninum tordu at seta dag fyri, nær ætlanin skuldi handast, og dagurin varð settur til 22. juni í ár. Tað hava arbeitt millum tveir og átta handverkarar í Koltri alla tíðina. Bjørn segði festið frá sær í 2009, men Lükka hevur búð har alla tíðina. Í 2009 tók dóttir teirra við fest­ inum fyri tvey ár, men tey søgdu tað frá sær aftur, áðrenn tíðin var úti. Hetta var bæði tí tey høvdu smábørn, og tí landbúnaðurin kom at vera minsti parturin av ar­beiðinum í Koltri. Tá ið Bjørn hevði festið, vóru beinini trý, seyðahald, neytahald og ferðavinna. Ein felagsskapur, sum nevnist Koltursvinir, royndi at hjálpa og stuðla henni. Bjørn Patursson fekk tíðliga varhugan av, at tað neyvan vóru tey, sum skuldu taka yvir. – Eg hálvavegna sagaði sjálvur greinina, eg sat á. Óvanligt festi Koltur verður í framtíðini ikki nak­að vanligt festi. Bjørn Patursson væntar, at tað verður eitt tjóðarfesti. – Men tað er púra vist, at onkur má búgva har, tí tað verður so nógv at røkja. Ætlanin við Koltri er at varðveita fornminnini og alt siðsøguligt annars, at eitt øki skal friðast fyri husdjór og at varðveita føroysk húsdjór í oynni. – Um nakar møguleiki verður fyri tí, er eingin ivi um, at eg kundi hugsað mær at búð fast aftur í Koltri. Men eg ikki kenni treyt­irnar, og eg skal ikki verða nøkur forðing hjá øðum, sum kundu havt áhuga, sigur Bjørn Patursson. Neytini farin Meðan hann hevði festið í Koltri, fekk hann sær nøkur skotsk fjalla­neyt. Tey hóska ikki inn í ætlan­ina við Koltri, men neytini eru til í Føroyum enn og ganga í Kirkjubø og í Gásadali. Bjørn Patursson sigur, at lands­stýrismaðurin Jacob Vester­ gaard hevur verið ein eldsál í ar­ beiðinum, og hann er spentur, hvat landsstýrismaðurin fer at siga fríggjadagin. FAKTA Bjørn Patursson Stjóri á Búnaðarstovuni Giftur við Lükku. Tey eiga tvær døtur Um vikuskiftið verður stórt hátíðar­hald í sambandi við, at endurbyggingin av gamla býlinginum í morgin verður liðug Endurbygging Tað er nógv arbeiði í at endurbyggja gomul hús. Her eru handverkarar í ferð við at umvæla gamla bróstaviðin. Alt tilfar, sum kann nýtast, verður endur nýtt