fríggjadagur 22. juni 2012síða 13

13 Fríggjadagur 22. juni 2012 · Nr. 71 Sosialurin Hugskot og viðmerkingar – send sms til 225000 nøvn Føðingar 15. juni fingu Iben og Regin Faaborg, Søldarfirði, eina dóttur. Hon var 54 cm long og vigaði 3870 gr. Langafríggjadag 6. apríl fingu Símun og Silja ein lítla­beiggja, Filip. Hann var 52 cm langur og vigaði 3500 gr. Foreldrini eru Jóhanna Restorff og Jan Jóanesar­son, búsitandi í Århus. 10 juni fingu Beinta Djurhuus og Kjell Johansen, Tórshavn, eina dóttur. Hon var 54 cm long og vigaði 3820 gr. 11. juni fingu Eyðna Norðfoss og Alfred Wøldike, Tórshavn, eina dóttur. Hon var 55 cm long og vigaði 3810 gr. 11. juni fingu Susie og Ørvur Norðberg, Tvøroyri, eina dóttur. Hon var 53 cm long og vigaði 3670 gr. Vilmund Jacobsen Av samlaðu føroysku makrel­ kvotuni í ár á stívliga 148.000 tons, verða 4.000 tons ikki út­lutað beinanvegin, tí hesi tonsini verða til Havstovuna at ráða yvir. Aftrat hesum, eru 8.000 tons, sum eru ætl­að til aðrar vinnuligar royndir – og møguliga til býtis­handil við onnur lond um veiðirættindi. Býta við tosk Jacob Vestergaard, lands­ stýris­maður í fiskivinnu­mál­ um, sigur, at í vár vístu russar eina ávísan áhuga fyri kanska at býta eitt sindur meiri av toski í Barentshavinum um við makrel úr føroyskum sjógvi. – Vit hitta russar aftur í Reykjavík í Íslandi um einar 10 dagar, tá fiskimálaráðharrar í Norðuratlantshavi fara at hittast á árligum fundi. Við eitt slíkt høvi plagdu vit eisini at tosa saman land­ anna millum. Landsstýrismaðurin sig­ ur, at í Íslandi ætlar hann at finna út av, um áhugi fram­ vegis er hjá russum at býta eitt sindur meiri av makreli um við tosk í Barents­havin­ um. Í verandi avtalu við russ­ ar, er býtisfiskurin, sum Før­ oyar lata aftur fyri tosk úr Barentshavinum, makrel­ur og svartkjaftur, tó at russ­ar í avtaluni fyri 2012 fáa nógv minni makrel enn í undan­ farna ári. – Við tað, at svart­kjafta­ kvotan øktist, kundu vit lata russum í verandi avtalu væl meiri av svartkjafti, og tí minkaði parturin av makreli í býtisavtaluni. Serliga Rusland Jacob Vestergaard heldur, at tað serliga er Rusland, sum er áhugavert í einum møgu­ ligum býtishandli fyri økt veiði­rættindi í hesum árin­ um. ­– Líkt er ikki til, at vit koma nakran serligan veg í býtishandli við onnur lond, eitt nú Ísland og Grønland, leggur hann aftrat. Landsstýrismaðurin fegn­ ast annars um, at nógv betri javnvág er í avtaluni við russ­ ar nú enn áður. – Eg vil siga, at í avtaluni við russar fáa vit nú væl meiri tosk fyri tað, sum vit lata undan Føroyum, og vit kunnu bara fegnast um, at meiri liggur eftir í okk­ara part, enn tað áður hevur gjørt í sínámillum fiski­veiði­ avtaluni landanna millum, sigur Jacob Vestergaard. Útlit eru til meiri tosk frá russum Tað er ikki óvist, at Føroyar ikki kunnu fáa nøkur tons av toski aftrat frá russum úr Barentshavinum í ár, um vit lata teimum nøkur tons av makreli aftrat - Í Íslandi um einar 10 dagar ætli eg mær at finna út av, um áhugi framvegis er hjá russum at býta eitt sindur meiri av makreli um við tosk í Barentshavinum, sigur Jacob Vestergaard, landsstýrismaður í fiskivinnumálum Í avtaluni við russar fáa vit nú væl meiri tosk fyri tað, sum vit lata undan Føroyum