fríggjadagur 29. juni 2012síða 17

17 Fríggjadagur 29. juni 2012 · Nr. 74 Sosialurin Hugskot og viðmerkingar – send sms til 225000 Tórshavnar kommuna Boðanesheimið fer at hýsa 64 pensjónistum við ellisbrekum og varandi sjúkum, sum hava tørv á røkt. Á heiminum verður dentur lagdur á • at liva eitt lív, sum gevur meining og varðveitir samleikan hjá húsfólkunum • at fakliga dygdin av veittum tænastum verður sett í hásætið • at heimið áhaldandi verður við til at menna heilsufremjandi og fyribyrgjandi tiltøk til heimabúgvandi pensjónistar • at starvsfólkini á heiminum trívast, mennast og hava tað gott Boðanesheimið verður merkt av tryggum og heimligum umhvørvi. Afturat tí verður samsjóðað eitt starvslið til heimið, sum við støði í lívssøguni hjá húsfólkunum: • fakliga veitir dygdargóða røkt og umsorgan • stimbrar til eginumsorgan • stuðlar einum virknum gerandisdegi Boðanesheimið letur upp í oktober 2012. Heimið er innrættað í tveimum hæddum við tveimum búeindum til 24 húsfólk og einari búeind til 16 húsfólk. Í stóru felagslonini er stórkøkur, matarhøll, virkis- og venjingarstova og fyrisiting. Til virkis- og venjingarstovuna verður søkt eftir Fysio- og ergoterapeutum, heilsurøktarum og námsfrøðingum Virkis og venjingarstovan verður dageind við felagsaktivitum fyri húsfólk og heimabúgvandi pensjónistar. Endamálið við virkis-og venjingarstovuni verður at andkveikja lívsneistan, við at varðveita, menna og stuðla undir førleika brúkarans likamliga, sálarliga og sosialt. Tú kemur at vera við til at skapa rammur fyri einum gerandisdegi, sum er merktur av tryggum og heimligum umhvørvi. Afturat tí verður tú partur í einum starvsliði, ið fakliga stimbrar til eginumsorgan og stuðlar undir einum virknum gerandisdegi, mett út frá støðu og lívssøgu hins einstaka. Førleikakrøv • Prógv og góðkenning sum fysio- ella ergoterapeutur • Prógv og góðkenning sum heilsurøktari • Prógv sum námsfrøðingur • Áhuga at arbeiða innan eldraøkið • Góð evni at samskifta í skrift og talu • Evni at nýta tvørfakliga tilfeingið, sum verður á heiminum • KT-førleika á brúkarastøði Til køkin verður søkt eftir Køksrøktarstarvsfólki Tú kemur at vera í miðdeplinum at skapa rammur fyri einum gerandisdegi, sum er merktur av tryggum og heimligum umhvørvi. Afturat tí verður tú partur í einum starvsliði, ið fakliga ger dygdargóðan og føðslurættan kost til húsfólk og gestir. Førleikakrøv • Útbúgvin sum ernæringsassistent, køksrøktarstarvsfólk ella líknandi • Góð evni at samskifta í skrift og talu • Evni at nýta tvørfakliga tilfeingið, sum verður á heiminum • KT-førleika á brúkarastøði Til búeindirnar verður søkt eftir Sjúkrarøktarfrøðingum, heilsurøktarum, heilsuhjálparum og námsfrøðingum Tú kemur at vera við til at skapa rammur fyri einum gerandisdegi, sum er merktur av tryggum og heimligum umhvørvi. Afturat tí verður tú partur í einum starvsliði, ið fakliga stimbrar til eginumsorgan og stuðlar undir einum virknum gerandisdegi, mett út frá støðu og lívssøgu hins einstaka. Førleikakrøv • Prógv og góðkenning sum sjúkrarøktarfrøðingur • Prógv og góðkenning sum heilsurøktari • Prógv sum heilsuhjálpari • Prógv sum námsfrøðingur • Áhuga at arbeiða innan eldraøkið • Góð evni at samskifta í skrift og talu • Evni at nýta tvørfakliga tilfeingið, sum verður á heiminum • KT-førleika á brúkarastøði Boðanesheimið søkir eftir skrivstovufólki Starvið umfatar alt vanligt skrivstovuarbeiði í samband við heimið. Førleikakrøv • Skrivstovuútbúgving ella samsvarandi • Góð evni at samskifta í skrift og talu • Góð evni at arbeiða millum eldri fólk Fólk til vaskaríið og vaskifólk til búeindirnar Førleikakrøv • Fyrimun hava tey, sum hava starvast á vaskaríi • og tey, sum eru von at vaska Størvini verða sett eftir avtalu. Løn- og setanartreytir Løn og setanartreytir sambært sáttmála við avvarðandi fakfelag. Nærri fæst at vita um størvini við at hyggja á www.torshavn.fo ella við at venda sær til Jóngerð Guttesen, leiðara, telefon 224151. Umsókn saman við góðkenning, prógvum og upplýsingum um útbúgving og royndir skal sendast til Tórshavnar kommunu, Postsmoga 32, FO-110 Tórshavn, ella til teldupost: torshavn@torshavn.fo Umsóknarfreistin fyri øll størvini er mánadagin 23. juli 2012 kl 12.00. www.torshavn.fo Størv á Boðanesheiminum — eitt heim, har tað er vítt til veggja og rúmd er fyri nýhugsan og nýskapan Tórshavnar kommuna er landsins størsta kommuna. Í kommununi starvast tilsamans 1400 fólk, harav 130 fólk í fyrisitingini. Fíggjarætlanin javnvigar við 800 mió. kr. Hon fevnir um alt kommunalt virksemi, m.a. dagansingarstovnar, skúlar, kommunalu brennistøðina, Sløkkiliðið, Bussleiðina, ellisheim umframt annað virksemi á mentunarliga, sosiala og tekniska økinum. Les meira á www.torshavn.fo um fíggjarætlan, roknskapir v.m.