fríggjadagur 29. juni 2012síða 72

vika 27 l 2. juli 2012 20 Ferðast heima Vikutema Føroya størsta baðiland Klaksvík: Síðani Klaksvíkar Svimji­ høll fekk sítt baðiland, við teirri 44 metrar longu øku, hava fólk bæði í og úr býi leitað sær hagar at njóta nakrar tímar. Her eru eisini fleiri hylar við ymisk­um hitastigi, eins og ein kann bjóða sauna, tveir heilsuklivar við infra­reyðum strálum og dagsljósi og sólum. Eitt vældámt tilboð er ein tann góði kaffimunnurin, sum kann njótast ókeypis í høllini, sam­ stundis sum ein prátar við aðrar menn ella kann fylgja við ymiskum ítróttargreinum – t.d. fótbólti – á stór­skíggja, meðan børnini og onn­ ur í familjuni svimja og hugna sær í hyljunum. Gamal handil við tí allar­ nýggjasta Klaksvík: Hóast handilin húsast í bygningi sum er omanfyri 150 ára gamal, so ávirkar tað ikki úrvalið av vørum. Her kann tann vitjandi bæði fáa nakað til eygað, oyrað og sálina. Í handlinum ber til at keypa bøkur og fløgur, og aðrastaðni í bygninginum er eitt gott høli til framførslur av tónleiki og sjónleiki, og mín sann eisini til framsýningar av list. Handilin húsast undir sama taki sum Norðoya Fornminnissavn, sum avgjørt er eina vitjan verd Góður matur afturvið stórfingnari náttúru Matstovan hjá Elisabeth hevur ikki bert góðan mat á matarlepanum. Samstundis sum ein kann njóta hetta, ber til at skoða ta ríku náttúruna á Viðareiði Tað er Elisabeth Nybo, sum hevur rikið hesa væl umtóktu og væl vitjaðu mat­ stovuna síðan 2003. Elisabet er út­ búgvin kokkur frá Korinth-Kro í Få­borg á Fjóni í 1998. Talan er um eina hugnaliga mat- stovu við góðum plássi til 40 vitjandi og breiðum úrvali av góðum mati í fyrsta floks góðsku. Høvuðsrættirnir eru fleiri, t.d. ensk­ ur búffur, franskur búffur ella lambs­ rygg­ur. Lundar er ein spesialitetur, sum mat­stovan er kend fyri, eins og dag­sins fiskur altíð er á matskránni og dessert omaná. Har er eisini ein barna­mat­skrá eins og smyrji­breyð at fáa. Til ber har­aftrat at njóta eitt glas av víni aftur­við matinum. Matstovan er mitt í bygdini á gøtu­ hædd og er væl atkomulig hjá fólki sum nýta koyristól. Frá 15. mai til 15. august er opið hvønn dag frá klokkan 12 til 21, annars er opið eftir avtalu. Dagførd matarskrá hjá Matstovuni hjá Elisabeth er at síggja á heimasíðuni www.menu.fo. Beinta í Ónagerði Eftir ein góðan bita her ber til at spáka sær runt í bygdini og fáa sjón fyri søgn. Náttúran sigur sína søgu, men bygdin er søgulig við t.d. Ónagerði, sum hevur verið prestagarður síðan einaferð í 1600-talinum. Tað var í Ónagerði at tann kenda presta­frúan Beinta búði, sum var høv­ uðspersónurin í skaldsøguni Barbara hjá Jørgen-Frantz Jacobsen. Núverandi kirkjan á Viðareiði er frá 1892, og hevur t.d. kirkjusilvurið sína heilt serligu søgu. Talan er um eina gávu frá ensku stjórnini sum takkarløn í sambandi við eina hending í 1847, tá enska skipið Marwood við 13 monnum umborð rendi á land á Viðareiði og 9 av teimum bjargaðust. Fyrsta ferðamannaskipið av fleiri Tað var ein føgur sjón týsmorgunin at síggja tað risastóra og framúr snotuliga ferðafólkaskipið “Jewel of the Seas” stevna inn á Norðhavnina í Ánunum. Umborð á skipinum vóru omanfyri 2000 fólk. Hóast talan í hesum føri er um eina einstaka vitjan, so markerar henda stóra vitjan eina nýggja byrjan hjá Klaksvíkar Havn. – Við hesari vitjanini hava vit sett sjøtul á eina røð av vitjandi ferða­ manna­skipum her í Klaksvíkar Komm­ unu, sigur Atli S. Justinussen, for­ maður í Havna- og Vinnunevndini. – Umframt tær stóru útbyggingar, sum eru gjørdar av Klaksvíkar Havn – ser­liga í Norðhavnini -   hava vit í longri tíð arbeitt miðvíst við at markn­ aðarføra havnina og økið annars, og tað arbeiðið gevur nú úrslit. Nú tað gjørdist greitt, at fleiri stór­ ar vitjanir eru ávegis í summar, sam­ tyktu Havna- og Vinnunevndin og Fíggj­ar­nevndin fyri stuttum at seta ein cruise-samskipara - Finn Johannesen - til serliga at taka sær av hesum ferðamannaskipunum í summar. Nú verður so farið undir at eftir­ meta royndirnar frá teirri fyrstu og stóru vitjanini týsdagin, við tí fyri eyga at betra og víðka um tilboðini í býnum og kommununi annars. Eitt av tilboðunum henda dagin var eitt sølutorg ið varð sett upp á staðnum, har ein í framtíðini ætlar at gera eitt stórt av slagnum, nevniliga Biskup­ støðtorgið. – Júst hetta er ein av uppgávunum hjá okkara samskipara at skráseta øll viðkomandi viðurskifti, soleiðis at batar kunnu gerast, har tørvur er á teim, og ikki minst, at fleiri tilboð vera boðin fram her í Norðoyggjum, so vit hava enn fleiri tilboð í framtíðini, sigur Atli S. Justinussen. Long tíð er ikki til tær stóru eftir­ met­ingarnar, tí longu leygardagin í kom­andi viku kemur næsta ferðafólka­ skipð, Celebrite Eclipse, ið er líka langt sum Norðhavnin, sum er 317 metrar. Skipið kemur aftur til Klaksvíkar 11. august. – At fáa vitjan av einum so stórum ferðamannaskipi sum “Jewel of the Seas” og øllum teim 2000 ferðafólkunum krevur, at vit hava nógv ymisk tilboð. Vónandi er hetta byrjanin til nakað, sum vit í góðum samstarvi við allar partar, kann mennast og víðkast framyvir, sigur Atli S. Justinussen, formaður havna- og vinnunevndini - Vit bjóða øllum bæði føroyingum og útlendingum at vera vælkomin at vitja á Viðareiði. Her kunnu tey, saman við ríku náttúrupplivingunum njóta eina fyrsta floks matstovu í hugnaligum umhvørvi og við góðari tænastu, sigur Elisabeth Nybo frá Matstovuni hjá Elisabeth á Viðareiði