fríggjadagur 29. juni 2012síða 76

vika 27 l 2. juli 2012 24 Ferðast heima Vikutema Gongu­ ferð til Dysjarnar Sandoy: Ein serlig uppliving stend­ur teimum gonguhugaðu fyri sunnu­dagin 8. juli. Tá verður farið í Dysj­arnar norðan fyri Skálavík. Ætlanin er at fara til gongu frá vatnbrunnunum í Sandshaga klokkan 10:30, framvið Mølburs­ vatni og niðan á Endan, har vakurt er útsýni er yvir Dysjarnar og út yvir Gulans­boga. Talan er um ein langan og miðal­tungan túr, sum endar við at farið verður innar í húsini undir Borg­ini til súpan, kaffi og pann­u­ køkur. Sagt verður, at túrurin eisini kann gerast av fólki norðanfjørðs, tí Teistin siglir av Gomlurætt, so­ leiðis at fólk bæði sleppa í oynna og av oynni aftur seinni um dagin. Seglskip vitja á Sandi Sandoy: Fríggjadagin 6. juli verður eitt heldur øðrvísi tiltak á havnar­ lag­num á Sandi. Hetta er í samband við at segl­ skip kring alt landið leggja leiðina higar á ferðini millum oyggjarnar. Byrjað verður seinnapart á degi, við sølubúðum, barnatiltøkum og tónleiki, áðrenn seglskipini koma at bryggju umleið klokkan 19. Eftir tað sleppa fólk umborð á skipini at vitja, áðrenn felags­ sang­ur, føroyskur dansur og seinni harmonikudansur. Og sjálvandi – tiltakið er al­ ment og øll eru vælkomin at lut­ taka, siga Sands kommuna og ung­ mannafelagið Virkið í eini felags innbjóðing. Enniway – sum faðirin, so sonurin Tað kemur ikki av ongum, at Hávardur byrjaði at sigla við ferðafólki. Bara við at siga eftirnavn hansara – Enni – so sigur ein samstundis sigling við ferðafólki í føroyskum farvatni. Meðan faðirin – Birgir – hevur ført tús­ undtals og aftur túsundtals ferða­fólk millum oyggjarnar í nógv ár við Norð­ lýsinum, byrjaði Hávarður so smátt í 2005 at fyrireika seg til sítt íkast til føroysku ferðavinnuna. Í februar mánaði hetta árið fekk hann hendur á bátinum, sum nú er vorð­in fastur fúsur í vinnugreinini at sigla við ferðafólki bæði innanfyri og uttan fyri 200 fjórðingar sjómarkið. Hóast feðgarnir arbeiða í somu bransju, hevur Hávarður meiri lagt seg eftir at hava smærri bólkar, sum allir hava fingið eina serstaka uppliving tætt við náttúruna, sum sæst frá sjó­ num. Við Enniway sum basu, er ynskið teirra at skapa eitt hugnaligt uppi­ halds­rúm fyri vinirnar, eins væl og familj­una. Her er møguleiki at fiska ella fara í froskmannabúna at veiða til egna máltíð, ella ein velur heilt aðra leið við at ganga og uppliva oyggjarnar á henda hátt. Samstundis sum Enniway hevur ymisk sløg av ferðandi, eru tilboð teirra eisini fjølbroytt. Her ber til at velja millum dag- og kvøldtúrar sum oftast verða gjørdir av Havnini og til Nólsoyar. Íroknað túrin er ein ógloymandi konsert, lekkur suppa – úr fiski, sjálvandi – og ein gongu­túrur í bygdini. Til ber eisini at gera ein viku­skiftis­ túr, og hevur ein heldur hug til ein longri túr heima ella úti, so er eisini møguleiki til tað. Fleiri kamping­ pláss í Eysturoynni Teimum, ið dáma væl at ferðast við kampingsvognum, hava góðar møgu­ leikar at seta bilin frá sær í Eyst­ uroynni. Eitt nýtt kampingpláss lat upp í Æðu­vík í fjør, og í skótadeplinum á Selatrað ber til at fara við kamping­ v­ognum. Og longur niðri í somu bygd – niðri á Víkini (myndin) – er eisini møguleiki til tess. Her er tað Jákup Weihe, sum bjóðar teimum vitjandi teir hentleikar sum hoyra til eitt slíkt stað. Síðani 2005 hava Hávarður Enni og tey hjá Enniway ment eitt tilboð til tey ferðandi at síggja tey sjáldsomu støðini fram við klettum okkara Nógv kenna bert oyggjar okkara frá landi, men við Enniway er ein ótrúligur møguleiki at síggja, hvussu vakrar tær eru from the seaside