fríggjadagur 29. juni 2012síða 80

vika 27 l 2. juli 2012 28 Ferðast heima Vikutema Klaksvík kókaði av ferðafólkum – Vit hava nógv at læra eftir stórfingnu vitjanina av Jewel of the Seas. Nú verður arbeitt við at betra tilboðini til næsta skipið kemur, sigur Maiken Steinberg, leiðari á Norðoya Kunningarstovu. Talan var um eitt av størstu skipum, sum hevur lagt at eini føroyskari havn. Í sambandi við hesa vitjanina týsdagin samskipaði Norðoya Kunningarstova eitt sølutorg á Biskupstø. Haraftrat seldi Kunningarstovan upplivingar og útferðir til ferðafólkini. Hesin minniligi týsdagurin byrjaði longu kl. 8, tá fyrstu bussarnir við ferðafólkum steðgaðu uttan fyri Kunn­ingarstovuna. Tey høvdu gjørt av­talur við bussar og taxabilar um ymiskar útferðir og eisini varð skipað fyri gongutúrum og siglitúri. – Men tað vísti seg tó, at longu kl. 9 vóru allir túrarnir útseldir, greiðir Maiken frá í samrøðu við Norðlýsið. – Vit hjálptu so ferðafólkunum at finna runt í býnum og vísa teimum á støð, sum vóru verd at vitja. – Vit høvdu tilsamans 3000 av­ greiðslur týsdagin, og millum best umtóktu upplivingarnar var biltúrur niðan á Háls. Her tóku taxabilar fastan prís og so kundu ferðafólkini deilast um bilin. So gingu tey vestur um ella niðan á sjálvan Klakkin. Eisini valdu nógv at fara ein biltúr norður til Viðareiðis. Sera nógv fólk vitjaðu í Christ­ians­ kirkjuni, og annars gingu fólk túr um allan býin, soleiðis at Klaksvík nær­ um kókaði av fólki henda góð­veðurs­ dagin. Útbyggjast Eitt annað tiltak henda dagin var tað serstaka sølutorgið á Biskopstø. – Torvdagurin eydnast eisini væl, og er eitt av teimum tiltøkum sum vit hava arbeitt við í eina tíð. Ikki einans útlendingar vitjaðu á torginum, men eisini føroyingar, danir og onnur ferða­ fólk sum vóru í býnum, sigur ein fegin leiðari á Kunningarstovuni. Tey sum seldu og sýndu fram lærdu nógv og tey ætla at útbyggja hetta tiltak við øðrum enn bara sølu­ støðum til næstu ferð. – Vit hava havt eitt sera gott samskifti við umboð fyri ferða­manna­ skipið í fleiri vikur undan vitjanini, og varð skipað soleiðis fyri, at dansarar frá Klaksvíkar Dansifelag vitjaðu um­ borð og sýndu fram føroyskan dans. – Hetta tiltakið vóru tey sera fegin um og dansarar mundu ikki sloppið av aftur skipinum fyri fólki sum vildu avmyndast saman við teimum í før­ oyskum búna, sigur Maiken Stein­ berg. Tað er vorðið rættiliga populert at leiga hús her á Sandoynni, sigur Fríð­tór Debes. Ein rættiliga stórur partur av arbeiði hansara á Sandoyar Kunn­ ingar­stovu er at vísa fólki á møgu­ leikarnar fyri hesum. Tey hava í sínum lagi gjørt eitt stórt arbeiði at eftirlíka øllum hesum ynskjunum frá fólki sum eru vorðin kunnug við henda møguleikan. Kunningarstovan hevur sostatt nógv hús í allari sýsluni at bjóða fram – bæði í størru bygdunum, og í Skúvoy og Skarvanesi (myndin). – Jú, hetta vindur meiri og meiri uppá seg, sigur Fríðtór, sum hevur starvast á Sandoyar Kunningarstovu í hálvsætta ár. Nógv leiga hús í Sandoynni Mett verður at eini 3000 avgreiðslur vóru í Biskopstø-torginum týsdagin, tá stóra ferðamannaskipið Jewel of the Seas vitjaði í Klaksvík Mynd: Maiken Steinberg Jewel of the Seas legði at í Ánunum, og higani vórðu ferðafólkini flutt við bussum til Klaksvíkar Reinur og fríður Tað er sjálvandi altíð hugaligt at práta við gestirnar, og fáa teirra meting av støðuni og um­støðunum. – Ferðafólkini tosaðu nógv um, hvussu stórsligin náttúran var og hvussu reinur býurin er. Nógv tosaðu eisini um hvussu rein og frísk luftin var, og ikki minst hvussu blíð og fyri­kom­andi fólk vóru sum tey møttu á gøtuni. – Ferðafólk við cruise-skip­um eru ikki kend fyri at keypa nógv tá tey vitja, men tey leita eftir føroyskum og lokalum lutum sum tey kunnu eiga sum eitt minni. Harafturat keypa tey upplivingar og annað tílíkt. – Samanumtikið haldið eg at vit øll hava fingið nakað at hugsað um og fyri okkara við­komandi fara vit at byggja víðari uppá tær royndir sum vit hava gjørt okkum, sigur altso leiðarin á Norðoya Kunn­ingar­stovu, Maik­en Steinberg.