fríggjadagur 29. juni 2012síða 84

vika 27 l 2. juli 2012 32 Ferðast heima Vikutema *All Inclusive • Gisting 3 nætur • Allar máltíðir • Hitapottur • Frítíðarútgerð •Hugnapakki um kvøldið við góðgæti, kips, sodavatn, frukt og ein góður filmur DEPILIN Í SKÁLAVÍK BJÓÐAR ALL INCLUSIVE FERÐAST Í EGNUM LANDI - UPPLIV SANDOYNNA Í SUMMARSKRÚ Gist í familjukamari upp til 5 persónar mándag til hósdag kr 3.900,- ella hósdag til sunnudag kr 4.900,- All Inclusive* DEPILIN Í SKÁLAVÍK WWW.DEPIL.FO TEL 530 530 Árliga summarframsýningin í Norð­ ur­landahúsinum er opin og verður opin fram til 26. august. Í ár bber heitið "Laterna Magica" og tey, ið sýna fram, eru Edward Fuglø, Sigrun Gunnarsdóttir og Astri Luihn. Framsýningin kann síggjast í Norðurlandahúsinum í alt summar, og síðan fer hon til Vejle Kunstmuseum í Danmark, har hon hongur uppi til november. Í 2013 er hon boðin til Osaka og Nagoya í Japan, til Trónd­ heim í Noregi, og hon endar sína ferð um heystið í Listasafni Kópavogur í Íslandi. Ókeypis konsertir Komandi mánadagarnar verða ókeypis konsertir í húsinum. Mánakvøldið spæ­lir Guðrið Hansdóttir, sum er búsitandi í Íslandi og hevur verið nógv á ferð við tónleikinum. 11. juli spælir kamartrio við Monika Stauss Joen­sen (violin), Ken Jones (trumpet), Birgitte Schnakenburg (klaver). 18. juli spæla Svafa Þórhallsdóttir (sang), Hrönn (klaver) og Angelika Nielsen (violin). Og mánadagin 25. juni er tað fólkatónleikur úr Eysturríki, Goa, Japan og Føroyum. Aðrar konsertir Tað verða eisini aðrar tónleika­fram­ førsl­ur í Norðurlandahúsinum komandi vikurnar. Mikukvøldið spæla solistar úr Sibeliusakademiina í Finnlandi. Duo Desimi spæla millum annað verk eftir Si­bel­ius og Rautavaara á violin og klaver. Leygarkvøldið 7. juli hevur Uni Debess útgávukonsert. Hann gav fyri nøkrum mánaðum síðani út fløguna Life Is A Picture, og nú hevur hann konsert í sambandi við útgávuna. Serligir gestir verða Sámal Ravnsfjall og Niels Galán. Filmur Týskvøldið 31. juli verður films­installa­ sjónin eftir Hildigunn Eyðfinnsdóttir og Katrina Ottarsdóttir sýnd. Verkið kallast Lejlighedsminder, sum er ein filminstallasjón uppbygd sum ein íbúðarpallmynd, har 5 stuttir filmar koyra í ring í hvør sínum rúmi. Hvør filmur vísir eina unga kvinnu, sum verður órógvað í sínum gerandisdegi av óunniligum barnaminnum, sum troðka seg inn á hana og yvirtaka sinnið hennara. Filmarnir eru hvør sær 6 til 8 minuttir til longdar. Talan í filmunum er á donskum. Konsertir, filmur og list Norðurlandahúsið bjóðar í summar fjølbroytt tiltøk – eitt nú summarframsýning, filmsinstallasjón og útgávukonsert