fríggjadagur 29. juni 2012síða 90

vika 27 l 2. juli 2012 38 Ferðast heima Vikutema Randi Jacobsen Hetta er árstíðin, tá ið nógv fólk fara í feriu, men í ferðavinnuni er mest at gera um summarið. Á Kunningarstovuni í Havn arbeiða nú í summar sjey fólk, og tey hava so nógv um oyruni, at tey ofta arbeiða til langt út á kvøldið. – Her er so nógv at gera, at arbeiðið hevði verið til tvey fólk aftrat, men rúm er ikki fyri teimum, sigur Theresa Turidardóttir Kreutzmann, leiðari á Kunningarstovuni. Hon fegnast um, at tey hava so nógvar vitjanir, tí tað er jú endamálið við Kunningarstovuni at kunna, kunna og aftur kunna um eitt og annað. Føroyingar koma inn til dømis at keypa atgongumerki ella at leita eftir onkrari gávu, men tey útlendsku vitjandi hava øll hugsandi ørindi á Kunningarstovuni. Føroyingar spyrja eisini um, nær sólin fer upp, og nær hon fer niður, og nær tiltøk eru. Ymiskir spurningar – Fríggjadagin í seinastu viku var long bíðirøð her fyri at keypa atgongumerki og armbond til stóra tónleikartiltakið Voxbotn, og her vóru samstundis 30 norskir skótar, sum skuldu ganga til Kirkjubøar. Gestirnir koma inn at spyrja um túrar, útferðarmál og annars um Havnina sum heild. – Vit standa mangan her við korti og peika fyri at vísa teimum, hvar her og hatta staðið er. Tey standa við kunningardiskin við farstøðina, og hvørja ferð ferða­ manna­skip kemur inn, fer onkur teirra um­borð at kunna um býin, støð í land­inum, søvn, handlar og annað. Tey hava eisini kunnað á túrunum hjá Norrønu, og tað hevur riggað sera væl. – Tað er sera týdningarmikið, at vit eisini brúka tíð uppá at kunna um tað handilsliga, tí tey vitjandi vilja gjarna keypa okkurt í býnum, sigur Theresa Turidardóttir Kreutzmann. Ein avbjóðing Hon heldur tað vera eina avbjóðing, tá ið fremmandu fólkini koma og spyrja um slíkt, tey ikki kunnu svara upp á beinanvegin. Tí hendir tað meira enn so, at tey mugu ringja til eitt nú Jens-Kjeld Jensen, tá ið tey spyrja um fuglar. – Tað er ein ómetaliga stórur tørvur á kunning, og tað er í fínasta lagi, at bæði føroyingar og útlendingar venda sær higar við spurningum. Tað er tað, vit hava Kunningarstovuna til. Theresa Turidardóttir Kreutzmann rósar starvsfólkunum fyri dirvi og ágrýtni, og hon er somuleiðis fegin um tað góða samstarvið millum Kunn­ ingar­stovuna og Tórshavnar komm­ unu. Tørvar Kunningarstovuni okkurt, er altíð leyst og liðugt. Stóra trýstið á Kunningarstovuna er líka frá apríl til út í september. Men eftir tað er framvegis nógv at gera, tí tá eru konsertir og onnur tiltøk at selja atgongumerki til, á jólum er jól í miðbýnum og so víðari. Fyri at starvsfólkini skulu fáa eitt petti av summarinum, royna tey at leggja so til rættis, at øll fáa frí eina viku hvør um summarið, men annars má ferian bíða til út á heystið. – Mær dámar so væl ferðavinnuna, og tí havi eg einki ímóti at arbeiða um summarið, sigur Theresa Turidardóttir Kreutzmann. Hon tekur tað sum prógv um gott arbeiði, tá ið vitjandi takka fyri góða tænastu. – Tað er stuttligt. Liggja fløt í luftini Tað er veruliga stuttligt, at so nógv fólk koma inn á Kunningarstovuna í Havn at spyrja um alt millum himmal og jørð. – Vit gera okkara besta at hjálpa teimum, og vit møta fleiri væl nøgdum ferðafólkum, sigur Theresa Turidardóttir Kreutzmann, leiðari Tann, ið hevur hug í teirri óspoleraðu og dramatisku náttúruni omanfyri Vestmanna, eigur at hyggja nærri eftir tilboðunum hjá “Fisking & Frítíð”. Í hesi upplivingini ber væl til at fiska síl í friðarligum umstøðum á Lómundar­oyri, meðan tú leigar ein kampingvogn, sum stendur á kamp­ ingplássinum við einum sera góðum og vøkrum útsýni. Hevur ein ístaðin – ella í sama við­ fangi – hug at gera ein longri gongu­ túr, so ber tað eisini til. Fyri eina familju, sum vil uppliva nak­að saman, uppliva ta føroysku náttúruna saman og koma aftur við góðum fongi, so er hetta forvitnisliga kampingplássið eitt vælvalt stað. Á heimasíðu teirra – fiskogfritid. com – fæst alt at vita um hetta spennandi tilboðið. Vágar verdar at vitja Útferðarmøguleikarnir í Vágum eru nógvir, fleiri søgn eru at vitja, og oyggin bjóðar fram øll sløg av gisting Felagskommunan í Vágum rekur Vága Kunningarstovu, har tvey fólk starvast um summarið. Anne Sophie Nordendal er leiðari. Hon heldur, at oyggin hevur nógv at bjóða ferðandi, føroyskum sum útlendskum. - Tá ið veðrið er keðiligt, hava tey flestu hug at vitja søvnini i oynni, Kálvalíð, Krígssavnið og bygdarsavnið í Sørvági. Vágar eru góðar at ganga á, og nógvir møguleikar eru fyri gongutúrum, eitt nú til Gásadals, til Fjallavatn og hini vøtnini, har fólk kunnu fiska, um tey hava hug til tað. Tindhólmur verður eisini væl vitjaður. Ein vøkur sjón Eitt kvøld í seinastu viku var hon við 44 føroyingum við Urðargjónna, har miðvingar sleppa seyð niður. - Tað var ein ómetaliga vakur túrur, og vit sóu sólina seta. Túrurin tók hálvan áttanda tíma aftur og fram, sigur Anne Sophie Nordendal. Hon sigur, at flestu útlendingarnir, sum vitja, eru danir, men tað koma eisini fólk úr fleiri øðrum londum. - Nú ein dagin høvdu vit vitjan av einum pari úr Kalifornia. Tey høvdu valt at fra brúdleypsferð til Føroya og vóru her í fjúrtan dagar. Nógv fara til Mykinesar Men plássið, sum fær tær nógv mestu vitjanirnar, er Mykines. Flestu útlendingar, sum koma til Føroya, vilja til Mykinesar, men tað eru eisini nógv føroysk arbeiðspláss, sum gera útferð til Mykinesar. Fyri summi leggur kunningarstovan ferðina til rættis, men nógv finna sjálv útav at bíleggja sær ferðaleiðara, bíleggja mat og biðja bátin Brynhild føra fólkini aftur og fram. Anne Sophie Nordendal sigur, at tað hevði verið betri, um starvsfólkini á kunningarstovuni vóru fleiri, og hennara ynski er, at kommunurnar fáa eyguni upp fyri møguleikunum í ferðavinnuni. Besti túrurin til ta virknu familjuna Um ein ikki beinleiðis veit av tí framm­ anundan, so munnu tey fægstu vita, at ein í Hósvík kann fáa rættiliga nógva útgerð til kamping. Á Garðsendavegi 23 heldur LB Service til, og her bjóðar Lars Bisgaard fram eitt stórt úrval av tænastum til tann kamping-hugaða. Her fært tú alt frá útgerð og for­ tjøldum til kampingferðina, eins og Lars eisini er hentur á ráðum, tá tað snýr seg um kampingferðing heima og uttanlands. Til ber ikki at greiða frá øllum í hesi stuttu grein. Men á heimasíðuni hjá Lars Bisgaard – www.lbcamping. com – fæst meiri at vita. Kunning um kamping – og keyp Theresa Turidardóttir Kreutzmann, leiðari á Kunningarstovuni.