fríggjadagur 27. juli 2012síða 52

vika 31 l 30. juli 2012 4 - Vit gingu leingi og hugsaðu um at byrja eina írska pub, men íløgurnar vóru stórar. Tá møguleikin at leiga okkum inn uppi á í Glitnum, tóku vit kjansin, og tað vísti seg at vera ein góð íløga. Nú er Irish Pub eisini vorðið kent fyri sínar Perlu-kotelettir, sigur Hans Andreasen, ið eigur og rekur Irish Pub Tað eru nú hálvt áttanda ár síðani, at Hans Andreasen byrjaði sportsbarrina, Glitnir. Og øll árini hevur staðið verið væl vitjað, ikki minst tá fótbóltsdystir í ensku Premier League verða vístir. - Við tíðini hava vit eisini innført karaoke, og tað skuldi vísa seg at gerast tað heilt stóra. Tað er ógvuliga stuttligt at hoyra, hvussu væl nógv syngja – og hvussu illa, sigur Hans Andreasen. Glitnir liggja á staðnum, har Kvøldlot í sínari tíð savnaði eina rúgvu av ungdómum, og staðið savnar líka nógv fólk í dag, tó at aldurin á teimum vitjandi man vera heldur hægri enn hann var í Kvøldlot tíðunum. Men Hans Andreasen, ið eigur og rekur Glitnir, gekk í longri tíð við tankanum um at byrja eina írska pub. - Konseptið við írskari pub víkur frá tí amerikanska við opnum rúmum. Á einari írskari pub er tú saman við øðrum, men kortini fyri teg sjálvan, tí tú ert skermaður av í básum, sigur Hans Andreasen. Hann kom í samband við eina fyritøku, ið specialiserar seg í at innrætta írskar pubbir. - Teir komu skjótt eftir, at tørvur var á einari írskari pub í Tórshavn, og tað hevur víst seg ikki bara at vera ein sølutaktikkur hjá teimum, tí pubbin hevur verið væl vitjað líka síðani vit lótu upp, sigur Hans Andreasen. Perlu-kotelettir Úrvalið av drykkjuvørum talar eisini sítt týðiliga mál um at tú ert komin inn á eina írska pub. Guinnes, Kilkenny og Tullamor Dew umframt minni kend og truplari sløg at úttala finnast millum úrvalið. - Eisini tá tað kemur til atmosferu royna vit at leggja okkum eftir tí ektaða írska, og tað merkir, at vit javnan hava trubadurar at syngja og spæla, ið koma hendan vegin, sigur Hans Andreasen. Eitt annað, sum hevur gjørt Irish Pub rættiliga kenda, men kortini ikki hevur nakað við irish pub-konseptið at gera sum so, eru sonevndu Perlu- kotelettirnar. - Vit seldu kotelettir í Glitnir, men so vóru tað fólk ið nevndu, hví vit ikki fóru at servera tærgóðu gomlu kotelettirnar, sum Perlan gjørdi kendar í 60-unum og 70-unum, og tað royndu vit so á Irish Pub, sigur Hans Andreasen. Og tað gjørdst ein dundrandi sukse. Hundraðtals kotelettir verða »langaðar um diskin« um vikuna. - Tað er ikki skeivt at siga, at Irish Pub í stóran mun er vorðið kent fyrig óðu gomlu Perlu-kotelettirnar, sigur Hans Andreasen. Irish Pub á Skálatrøð er ikki einasta írska pubbin uttan fyri Írland, og hesar samstarva og útveksla hugskot. - Tað eru einar 2200 írskar pubbir uttan fyri Írland, og umboð fyri hesar hittast enaferð um árið. Næstu ferðu verður í Boston, og tá ætla vit at vera við fyri fyrstu ferð, sigur Hans Andreasen. Drúgvar royndir Hans Andreasen er ikki nakar ársungi innan náttarlívið í Havn. - Eg havi verið bartendari í nógv ár og kenni tí barr umhvørvið væl. So tá eg fekk møguleikar at keypa Glitnir fyri hálvt áttanda ári síðani, tók eg at, sigur hann. Navnið Glitnir kom ikki av sær sjálvum, tí nógv orka varð løgd í at finna eitt gott og ramligt navn. - Tað endaði við Glitnir, sum merkir salur. Í norsku mytologiini var Glitnir ein salur, har høvdingarnir hittust, og tá teir komu út aftur úr Glitnir, vóru teir so sera samdir og nøgdir, sigur Hans Andreasen. Tá hann fyri skjótt trimum árum síðani byrjaði Irish Pub, so steðgaði víðkanin av virkseminum ikki har. - Eg fekk møguleikan at reka Café Nátúr, og eftir drúgva umhugsan gjørdi eg í mars av at royna hetta. Og eg má siga, at higartil havi eg ikki angra tað, sigur Hans Andreasen. Hann viðgongur tó, at summarið er góða tíðin at reka eitt skeinkistað. - Tað er stórur munur á sumri og vetri. Á sumri, í ljósu tíðini, hava fólk nógv betri hug at fara í býin. Og so hevur tú eisini útlendsku ferðafólkini um summarið, og tey vitja eisini, tó at tað er stórur munur á, hvaðani tey koma, sigur Hans Andreasen. Hann sigur, at fært ú amerikanarar á vitjan, so ger tú kvettið. - Teir keypa bara uttan at spyrja um prís. Onnur fólkasløg leggja minni eftir sær, og summi koma als ikki á gátt, sigur Hans Andreasen. Ólavsøkan eru dagarnir, har mest er at gera, og einki er at ivast í, at tað verða »langaðir nógvar Perlu- kotelettir um diskin« teir dagarnar. Á sumri, í ljósu tíðini, hava fólk nógv betri hug at fara í býin Fólk elska Perlu-kotelettirnar vikustjórin