fríggjadagur 10. august 2012síða 34

nr. 92 · 10. august 2012 2 VIKUSKIFTI Enn er nakað eftir av summarinum, sum tó er farið at halla – bæði summarið og Summar, sum er vikuskiftisinnleggð í Sosialinum. Men vit ætla at njóta tað, sum eftir er, og uppliva tað, ið summarið hevur at bjóða. Aftur hesaferð umrøða vit eitt av mongu summarbrúdleypunum, sum eru hesa ársins tíð. Har greiðir Hjalti Lamhauge frá, hvussu fegin hann gjørdist, tá hann sá hvussu glað unnustu hann bleiv, tá hann spurdi hana, um hon vildi verða kona hansara. Gleðin er eisini nakað, sum blómar hesa ársins tíð. Og fólk gleðast á so ymsar hættir. Mong finna gleðina í fjølbroyttu upplivingunum, sum eru at heinta. Mongu festivalarnir er eitt serligt slag av uppliving, og í hesari útgávuni av Summar greiða teir báðir ummælararnir, Uni Leitisstein Hansen og Niels Uni Dam, frá, hvussu teir hava upplivað tónleikasummarið í Føroyum. Onnur finna gleðina í øðrum upplivingum, eitt nú við at vitja fyriskipað tiltøk, framsýningar og so framvegis. Öström í Rættará í Havn er dømi stað, har fleiri av hesum upplivingum eru at heinta. Eisini hetta verður umrøtt í Summar. Somuleiðis er prát við nólsoyingin René Hansen, sum umframt at gleða seg til ovastevnuna, eisini gleðist í tónleikinum. Tískil hevur hann sum 39 ára gamal avrátt at biðja dagligdegnum í Føroyum farvæl, fyri at arbeiða við tónleikinum á skúla í Danmark. Men eingin gleði uttan okkurt álvarsamt. Í Summar er hesin partur ein viðger av spurninginum, um vit menniskju kunnu liva í allar ævir. Tað eru fleiri, sum meta tað, meðan onnur eru rungandi ósamd. Hesum fara vit í dýpdina við í greinini »Kanst tú liva í ævir«. Sostatt inniheldur Summar – eins og summarið – rættiliga nógv. Hvussu nógv summarið fevnir um, eru fleiri góð dømi um niðanfyri. Konsertir, ítróttur, stevna og sjónleikur eru bara nøkur av tiltøkunum. Okkara tilmæli er at vitja okkurt av hesum – ella okkurt heilt annað – og so annars gleðast um summarið og tað, ið eftir er av tí. Summarið er so mangt Rólant Waag Dam Summarredaktørur Tiltøk um vikuskiftið Sveinur hevur móttøku í Tutl á Káta horni á gongugøtuni í Havn klokkan 15.00 í samband við fløguútgávu hansara Effodeildin verður á skránni nú 19. umfar verður spælt. Oddabrak verður í Gundadali fríggjakvøldið klokkan 18.00 Leikurin »Skrímslini« eftir Rakel Helmsdal hjá Karavella Marionett- Teatri um vikuskiftið á Tjóðpallinum bæði leygardag og sunnudag klokkan 15 og 17 Regatta av Eiði til Hósvíkar fríggja­kvøldið, sum Hósvíkar Róðrarfelag skipar fyri. Farið verður av Eiði klokkan klokkan 17.00 Konsert við Summartónum á Trøllanesi leygardagin klokkan 19.30 har Thomas Loefke og Angelika Nielsen spæla Ovastevna verður í Nólsoy um vikuskiftið við kabarett, felagssangi, dansi og tí sum har til hoyrir