fríggjadagur 6. juli 2012síða 34

nr. 77 · 6. juli 2012 2 VIKUSKIFTI Politikur og romantikur. Bókmentir og tónleikur. Okkurt lætt og okkurt við meiri bit í. Tað er tað, sum eyðkennir vikuskiftisblaðið, tú nú blaðar í. Eitt sindur til hvønn smak. Summar eitur hetta innleggið, avloysarin hjá nógv lisna og væl umtókta Vikuskifti, sum eins og øll onnur treingir til feriu av og á. Í Miðlahúsinum er Summar staðfestingin av, at summarið er byrjað. Fólk fara í feriu, meðan avloysarar taka við og tryggja, at gerandisdagurin í Miðlahúsinum koyrir sína dagligu gongd, har Sosialurin og Vikublaðið skulu skrivast, Rás2 røkjast og Portalurin passast. Soleiðis er tað á flest øllum arbeiðsplássum og stovnum í Føroyum hesa ársins tíð. Samfelagið steðgar ikki upp, bara tí fólk fara í feriu. Tey, sum arbeiða hvønn dag og syrgja fyri, at samfelagshjólini mæla runt, hava uppiborið at fáa frí í nakrar vikur, har tey kunnu slappa av og savna sær megi og mátt at herja á aftur. Í nógvum førum eru tað ofta ung fólk undir útbúgving, í Føroyum ella uttanlands, sum yvirtaka sessirnar, ið gerast tómir og loysa uppgávurnar, ið skulu loysast, tá feriutíð er. Hesi fegnast um at gerast partur av einum vanligum arbeiðsdegi aftur, og, ikki minst, at vinna sær nøkur oyru, sum gera tað eitt sindur lættari at vera lesandi, tá summarfrítíðin er av. Soleiðis er tað so ymiskt, sum summarið verður brúkt til. Hetta vikuskiftisinnleggið, Summar, fer eisini at verða brúkt til ymiskt. Nakrir afturvendandi tættir vera, okkurt av lættara slagnum, nakrar greinar fara aftur um og dýpdina, mentanarligt tilfar av ymsum slag verður eisini við, umframt aktuellar spennandi summarsøgur. Vælkomin til Summar og ver vælkomið summarið í Føroyum. Eitt sindur av hvørjum Tiltøk um vikuskiftið Konsert við Guðrið Hansdóttir í Nólsoy sunnudagin klokkan 13.30 Útgávukonsert við Una Debess í Norðurlandahúsinum leygarkvøldið klokkan 19.30 Føroya Regatta 2012. Siglt verður úr Klaksvíkar til Havnar fríggjamorgun klokkan 9.00, víðari Sands fríggjadagin og til Vágs leygardagin. Fiskikapping við Eiðisvatn verður fríggjakvøldið klokkan 18.00, vinnarin verður funning leygardagin. Grót-konsert við Kára Sverrisson, Lyon og Lisu í Dali í Tøting í Syðrugøtu klokkan 20.00 Barnafestivalur verður á Margarin­fabrikkini í Havn leygardagin frá klokkan 12.00 til 18.00. Millum annað vitjar Line úr X Factor og Ævintýraferðin Bókaframløga við Marjun Syderbø Kjelnæs í Posthúskjallaranum í Havn fríggjakvøldið klokkan 21.00. Yrkingaupplestur og sjónleikur er á skránni. Fjarðastevna verður í Vestmanna Rólant Waag Dam Summarredaktørur