fríggjadagur 6. juli 2012síða 84

vika 28 l 9. juli 2012 36 Hús & Heim Vikutema Urtagarðurin hevur alt til urtagarðsbrúk - Enn eru vit bara í byrjanini av juli, og nógv fáa ikki summarfrí fyrr enn nú. Veðið er gott, og tí vænta vit nógva sølu av summarplantum, pottum og urtagarðsamboðum, sum vit hava eitt stórt úrval av. Tað merkist beinanvegin, tá góðir dagar eru, sigur Maj Johannesen, ið hevur dagligu ábyrgdina av Urtagarðinum hjá 2x3 á Hálsi Vilmund Jacobsen Havnar Timburhandil eigur og rekur 2x3 á Hálsi, sum hevur eitt stórt úrval av plantum, runnum, smærri trøum, alskyns pottum úr leiðuri og øll amboð til urtagarðsbrúk – heilt úr spakanum um rívur og hvíslur til trillubøruna. Urtagarðurin í 2x3, sum hesin part­ur av konseptinum verður róptur, selur eisini fræ, mold og tæðing. Áhugi fyri vøkstri Maj Johannesen, sum hevur ábyrgdina av urtagarðinum, sigur, at fólk dúgliga hava keypt ymiskt fræ, eitt nú til gula­ røtur, ymiskar aðrar røtur og rabarbu­ røtur. – Nú er tíðin líka sum farin frá at seta niður fræ til gularøtur og røtur, men enn koma fólk inn á gólvið at spyrja um fræ og rabarburøtur. Hon vísir á, at hóast tíðin er við at renna frá velting og sáðing uttandura, ber framvegis til at forplanta inni, um fólk eitt nú hava eina útistovu ella tílíkt. – Eg haldi, at vit hava selt meiri av eitt nú gularótafræ og rótafræ í ár enn áður. Líkt er til, at fólk vilja síggja okkurt veksa, og kunnu tey so eisini brúka tað, sum upp úr jørðini kemur, er tað ikki verri. Maj sigur, at tey eisini hava selt rótafræ til stovnar og barnagarðar, og eisini her vísir tað seg, at veksandi áhugi er at síggja vøkstur, sum tey sjálvi skapa og eru um, sigur hon. Veðrið ger munin – Enn eru vit bara í byrjanini av juli, og nógv fáa ikki summarfrí fyrr enn nú. Veðið er gott, og tí vænta vit nógva sølu av summarplantum, pottum og urta­garðsamboðum, sum vit hava eitt breitt úrval av. Tað merkist beinan­ vegin, tá góðir dagar eru. Fólk koma inn at keypa summarblómur. Fleiri keypa litir, onnur keypa plantur og trø sum eru grøn alt árið. Vit selja eisini nógvar rósurunnar, sum fáast heilt úr 40 cm. upp í umleið 1,20 metrar. Hon vísir á, at Urtagarðurin hjá 2x3 eitt nú hevur sitrónplantur, kivi-, fiku- og víndrúaplantur. – Hetta eru pantur, sum antin mugu standa í drívhúsi ella í útistovu, leggur hon aftrat. Við góðum ráðum Maj Johannesen sigur, at tað er ikki so sjáldan, at fyritøkur, stovnar og privatfólk hava serstøk ynskir, og her plantar Urtagarðurin eisini fyri fólk og annars pyntar pottar, um viðskiftafólk ynskja tað. – Onkur velur kanska at hava okk­ urt heilársgrønt í pottinum, og síðan kann potturin pyntast við blómum í føgrum litum. Hon sigur, at tey, sum starvast í Urtagarðinum, altíð til reiðar at ráð­ geva og vegleiða síni viðskiftafólk um plantur og vøkstur. Áðrenn vit sleppa endanum við Urtagarðinum í 2x3, kunnu vit leggja aftrat, at Havnar Timburhandil á Kambs­dali eisini hevur eitt rímiliga breitt úrval av slíkum, sum hoyrir urta­garðinum til. – Vit eru altíð til reiðar at vegleiða viðskiftafólk um plantur og vøkstur, sigur Maj Johannesen, ið hevur dagligu leiðsluna av Urtagarðinum í 2x3 á Hálsi Mynd: Vilmund Jacobsen