fríggjadagur 6. juli 2012síða 86

vika 28 l 9. juli 2012 38 Hús & Heim Vikutema Vilmund Jacobsen Eyðun Eliasen er arkitektur. Hann fekk sína útbúgving í ár 2000 og hevur arbeitt í eini 8-9 ár hjá MAP Arkitekt­ um. Í fjør heyst byrjaði hann at arbeiða fyri seg sjálvan, og Eyðun hevur nú sína teknistovu í heiminum á Landavegi 7 í Havn. – Í løtuni er hetta ein einmans­ fyritøka, sigur hann. Umframt at arbeiða sum arkitekt­ ur, er Eyðun eisini farin í holt við at byggja sær og familjuni síni hús í vesturbýnum í Havn. Hann framsýndi hesi húsini, sum eru eitt sindur ser­ støk, á arkitektadegnum í fjør. - Eg havi arbeitt rættiliga leingi við at tekna húsini. Betongarbeiði er nú í gongd, og arbeiðið at byggja tey er so smátt byrjað. Húsini verða í tveimum hæddum, sum eru beint undir 100 fermetrar hvør. Haraftrat er eitt úthús á 11 fermetrar. Hugsað í smálutir Eyðun Eliasen vísir á, at húsini, hann nú byggir til sín og familjuna, hava nøkur motiv ella tema í sær, sum hann ætlar sær at arbeiða víðari við framyvir, so onnur eisini kunnu fáa gleði av líknandi húsum. – Tá eg havi teknað húsini, havi eg hugsað niður í smálutirnar. Húsini lata seg aftur móti høgættini og eru opin móti lágættini og vesturskininum. Eitt útiøki verður knýtt at húsunum, og altanin er partur av alrúminum og stovuni, leggur hann aftrat. Eisini eru heilir veggir frá gólvi til loft, innbygd skáp og annað, sum verða gjørd av snikkara. Hann sigur, at húsini verða væl bjálvað, og upphitingin kemur úr jørð­ ini. – Eg fari at hava eitt jarðhitanlegg, har ein pumpa, ið koyrir við el, umsetir jarðhitan til heitt vatn, sum síðan fer út í kranar og gólvhitarør. Hetta verður einasti hiti í húsinum. Her verður eingin ketil, sum brennur olju, og her verður heldur eingin sólorka. Góðar upplivingar Eyðun sigur, at hann hevur arbeitt við ymiskum modellum av húsunum, og modell eru eisini bygd úr pappi. – Fyri tað fyrsta skulu eini sethús hava tað byggitekniska í lagi. Tey skulu verða væl bygd, væl bjálvað, og tey skulu ikki leka. Eg haldi tó, at tað ov sjáldan hoyrist um, at tað eisini skal verða liviligt í húsunum, at fólk dagliga fáa upplivingar av ljósi og myrkri, summar og vetur og at tey, ið eiga húsini, skulu føla seg væl í teimum. Ein annar týðandi partur er, at húsini ”venda” rætt, um man so kann siga, leggur Eyðun Eliasen, arkitektur, aftrat. Arkitektur byggir síni egnu hús - Húsini verða væl bjálvað, og upphitingin kemur úr jørðini. Eg fari at hava eitt jarðhitanlegg, har ein pumpa, ið koyrir við el, umsetir jarðhitan til heitt vatn, sum síðan fer út í kranar og gólvhitarør. Hetta verður einasti hiti í húsinum. Her verður eingin ketil, sum brennur olju, sigur Eyðun Eliasen, arkitektur. Vilmund Jacobsen Ofta verður sagt, at føroyingar búgva í ov vánaligum húsum í mun til føroyska veðurlagið. Fólk eru nógv innandura, tá vetur og illfýsið er. Tí er umráðandi, at bústaðurin er góður og trivnaðurin verður hareftir. Summi hús trekkja og onnur hava trupulleikar við fukti. Ikki minst, nú oljan er vorðin so dýr, samstundis sum eini væl bjálvað hús eru ein fyritreyt fyri alternativum orku­keld­ um, er spurningurin um at byggja eini betri hús vorðin meiri aktuellur. – Jú, tað eru mong, sum kundu hugsað sær ein betri bústað enn tann, tey hava í dag. Mær dámar at fara í dýpdina við loysnunum, og mær dámar at loysa tingini eitt sindur øðrvísi. Tá er tað líka mikið, um talan er um eina innrætting, umbygging ella bygging av einum sethúsum ella eitt nú ein virkisbygning. Eyðun Eliasen sigur, at tað líka sum er hetta, ið er endamálið við hansara virksemi – at gera tingini eitt sindur øðrvísi enn vanligt, men vónandi eisini eitt sindur betri. Einfalt og gjøgnumført – frá konsepti til detaljur. – Í løtuni verður eitt torg gjørt í miðbýnum í Havn, sum Eya hevur teknað og stendur fyri. Tann verk­ ætlanin er gott dømi um, hvussu Eya arbeiðir við og loysir uppgávur, sigur Eyðun Eliasen. Hann sigur, at fyrst varð arbeitt við einum heldur øðrvísi hugskoti við at samansjóða eitt avmarkað torg við eini lítlari standmynd. Síðan var upp­ gávan at víðariføra og gjøgnum­ arbeiða alt í smálutir og at fáa hetta framt í veruleikanum. Umhugsa sethúsaverkætlanir – Eg umhugsi at fara undir at menna sethúsaverkætlanir, bæði støk sethús og samanbygd í byggifrøðiligum sam­ starvi um bústaðir og hús, sum eg í løtuni byggi til familju mína. Hetta verða ikki eini sonevnd sniðhús, men ein typa ella tema, sum fólk vónandi fara at síggja virðir í. Endamálið er, at motiv og detaljur, líknandi teimum sum eru í mínum húsum, skulu ganga aftur, men fólk skulu í aðrar mátar fáa húsini bygd eftir egnum ynski og tørvi. Eyðun Eliasen sigur, at hann hevur brúkt nógva orku uppá at fáa hesi húsini so ódýr sum gjørligt. Samlaða íløgan fyri grundstykki og hús er rættiliga stór og tí hevur tað verið ein neyðug avbjóðing at halda fermetr­ aprísinum niðri. – Hetta kunnu tískil verða eini hús til vanlig fólk á gøtuni, tó við einum ynski um dygd – og ikki bara til tey, sum hava betri ráð. Eg haldi, at fyri at vera eini arkitektað teknað hús, eru eini slík hús sum hesi lutfalsliga bílig, sigur arkitekturin á Landavegi 7 í Havn, sum er at hitta á tlf. 509876. Mær dámar at fara í dýpdina Arbeiðssetningurin var eisini: Høg, smøl rúm, mótvegis víðum og lágum rúmum. Vard, afturlatin rúm, mótvegis opnum rúmum. Gott samband millum úti og inni. Útsýni móti býnum, Havnini og havsbrúnni. Fáa ljósið og veðurlagið inn í uppihaldsrúm. Gagnnýta veggir, sum goymslu og innbúgv. Nisjur og smá intim rúm í stóra rúminum. Tilfar og litir ið vekja sansirnar. Arbeiðssetningurin - ella ynskini fyri - húsini vóru í høvuðsheitum hesi: Sethús til eitt húski, 2 vaksin og 2 børn. Høvuðsynskini eru eini hús í 2 hæddum, sum skulu bjóða íbúgvunum ymiskar upplivingar - Mær dámar best, og tað fellur mær mest nattúrligt, at uppgávurnar verða loystar eitt sindur øðrvísi, enn onnur vildu havt loyst tær, sigur arkitekturin, Eyðun Eliasen, sum í dag hevur sítt egna virki - Eya