fríggjadagur 13. juli 2012síða 52

vika 16 l 16. apríl 2012 4 vikutíðindi Vilmund Jacobsen Á barnafestivalinum í Havn næst síðsta leygardag var eitt av nøvnunum Óvita Blues Band. Teir, ið manna bólkin, eru brøðurnir, Beinir og Rani Troest Rasmussen. Beinir er nýliga fyltur 12 – og Rani er 9 ár. Martin Danielsen, sum eisini er við í bólkinum, er 11 ára gamal. Beinir spælir guitar og syngur, Martin spælir bass – og Rani spælir trummur og syngur kór. Í dag eru allir tríggir eisini partur av Kula Rótum, eins og Óvita Blues Band virkar sum backing bólkur, tá Kula Røtur taka lut í størri tiltøkum. 100 ferðir á palli Beinir Troest Rasmussen var hin fyrsti av teimum trimum, sum gjørdist partur av Kula Rótum. Hetta var tíðliga á sumri í 2010, og hetta var samstundis stutt áðrenn, at Óvita Blues Band fyrstu ferð vóru á palli á NSÍ-degnum hin 23. mai sama ár. Fyrstu ferð, at Beinir var á palli yvir­høvur, var til eina næmingakonsert í Løkshøll í mai mánaði í 2009. Nú barnafestivalur var í Havn næst seinasta leygardag, hevði hann fram­ førslu nummar 100! Foreldrini hjá Beiniri og Rana, Rann- vá Troest og Kenneth Rasmussen, hava ført allar konsertirnar á pappír, sum synirnir hava verið við í, og yvir­litið vísir, at bara í fjør var Beinir heilar 47 ferðir á palli! Foreldrini ivast onga løtu í, at tað, at Beinir hevur verið limur í Kula Rótum í meiri enn tvey ár og soleiðis hevur samstarvað við Steintór Rasmussen, hevur verið ógvuliga gevandi fyri 12 ára gamla dreingin. – Í heiminum hjá okkum er venjing­ ar­høli, har dreingirnir altíð kunnu spæla og venja, siga tey. Góð undirvísing Allir tríggir ganga til tónleikaundirvísing hjá Musikkskúlanum, og lærari hjá Beiniri er Herluf Lützen. Umframt at spæla guitar, er Beinir eisini farin at ganga til sangtímar. – Vit halda, at Beinir hevur verið fyri stórari menning á tónleikaøkinum, og hann er eisini farin at skriva egin løg, har eini tvey løg hjá honum eru á fløgu hjá Kula Rótum, sigur Rannvá Troest og Kenneth Rasmussen. Sindur ovfarin Óvita Blues Band spæla mest blues- og rocktónleik. – Tað dámar okkum væl, men ann­ ars dámar mær allan tónleik. Tað, sum vit hoyra, er, at tað er gott, sum vit spæla, og fólk eru nøgd – og kanska eru onkur eitt sindur ovfarin, tí vit eru so ungir, sigur Beinir Troest Ras­ mussen við Vikublaðið. Beinir Troest Rasmussen, sum er elsti tónleikarin í bólkinum Óvita Blues Band og partur av Kula Rótum, hevur longu verið 100 ferðir á palli, hóast hann bert er 12 ára gamal 12 ára gamal og 100 ferðir á palli Bara í fjør var Beinir Rasmussen heilar 47 ferðir á palli – Beinir hevur verið limur í Kula Rótum í meiri enn tvey ár. Samstarvið við Steintór Rasmussen hevur verið ógvuliga gevandi fyri 12 ára gamla dreingin, siga foreldrini Mynd: Eyðbjørn Jacobsen